уапсен маж – Kurir.mk

Уапсен маж, се капел во Зоолошка покрај носорози и антилопи (ВИДЕО)

Катерина Бојаџиева — Wed, 19 Apr 2023 07:50:06 +0000

Маж е приведен денеска во Зоолошката градина во Оукленд, Нов Зеланд, откако упаднал во заграден простор за животни и лежерно се капел во езерце покрај „вџашените“ и вознемирени носорози и антилопи, јавија тамошните медиуми. Снимки од случката прикажуваат како човекот лежи во водата на грб, па си го мие лицето и косата. - Животните, разбирливо, беа вџашени од натрапникот, изјави гласноговорникот на Зоолошката. Ограденото место е живеалиште на носорози и антилопи со спирален рог. Човекот бил во вода „неколку минути“ пред да одговори на инструкциите на вработените да излезе од ровот. Истиот бил изнесен вон оградата и предаден на полицијата. Директорот на зоолошката градина Кевин Були рече дека „многу му олеснало“ зашто нема повредени животни и посетители.

Британската полиција уапси маж кој рани шест лица пред црква во Лондон

Катерина Бојаџиева — Mon, 16 Jan 2023 10:51:24 +0000

Британската полиција упаси машко лице на 22-годишна возраст, осомничено за обид на убиство на шест лица пред црква во Лондон. Во нападот што се случил вчера пред црквата Свети Алојзие во Еустон тешко е рането седумгодишно девојче, како и уште пет женски лица. Нападот бил извршен од возило во движење, а напаѓачот бил приведен од полицијата вчера попладнето во лондонската населба Барнет. Од полицијата додаваат дека тешко повреденото девојче се уште е во животна опасност. Жртвите присуствувале на комеморација за покојната девојка Сара Санчез, која во ноември почина на 20-годишна возраст од леукемија, исто како и нејзината мајка која почина истиот месец. Свештеникот Џереми Труд што ја водеше комеморацијата изјави дека во моментот кога настанала пукотницата во црквата имало околу 300 луѓе. Градоначалникот на Лондон, Садик Кан, го опиша пукањето како „многу вознемирувачко“ и додаде дека е во контакт со детективи за да се утврди што точно се случило.

27 годишен прилепчанец уапсен за издржување на казна затвор во Куманово

Дарко Андоновски — Thu, 23 Jun 2022 08:05:15 +0000

На 22.06.2022 во населба Тризла во Прилеп, полициски службеници од ОВР Прилеп го привеле М.Е.(27) од Прилеп. Тој бил баран по потерница за издржување затворска казна во Казнено-поправната установа Затвор Куманово. Лицето било спроведено во казнено-поправната установа за издржување на казната.

Уапсен 50 годишен маж – управувал автомобил без возачка дозвола

Дарко Андоновски — Tue, 14 Dec 2021 15:32:45 +0000

На 14.12.2021 во 10.05 часот во с.Речица, кумановско, полициски службеници од СВР Куманово го лишиле од слобода J.И.(50) од Штип. При преглед и извршена контрола било констатирано дека управувал патничко возило „фолксваген“, со штипски регистарски ознаки, со фалсификувана возачка дозвола. Тој бил приведен во полициска станица и по целосно документирање на случајот против него ќе биде поднесена соодветна пријава.

Во Софија уапсен маж за недолични коментари на Фејсбук за автобуската несреќа

Тале Кристо — Thu, 25 Nov 2021 10:41:49 +0000

Бугарското Министерство за внатрешни работи соопшти дека во Софија е уапсен 24-годишен маж поради неговите коментари на Фејсбук за трагичната автобуска несреќа на автопатот „Струма“ во Бугарија во која загинаа 45 македонски граѓани. Како што објави БТВ, мажот ќе подлежи на истрага за ширење омраза врз национална основа. За вакви прекршоци законот предвидува казна затвор од една до 4 години и глоба од 2,5 илјади до 5 пет илјади евра, како и јавно извинување.

Во Австрија уапсени организатори на лажни бракови за граѓани од Балканот

Дарко Андоновски — Fri, 18 Sep 2020 11:14:13 +0000

По долга истрага, австриската полиција разби организирана група, предводена од српски државјанин, која посредувала во склучување на измислени бракови за граѓани од Балканот, кои на тој начин добивале австриска дозвола за престој и работа. Шефот на групата, 49-годишен српски државјанин, е осомничен дека организирал 27 измислени бракови со двајца соучесници, австриски државјани, за државјани од Србија, Босна и Косово, кои со тоа се стекнале со правото на престој и работа во Австрија како сопружници на лице од ЕУ. Невестите биле претежно од Унгарија, а осомничените земале просечно по 10.000 евра по брак, а браковите биле склучувани главно пред матичните служби во Србија. Осомничените не само што посредувале во лажни бракови, туку им давале и на своите клиенти потврди за вработување во фиктивни компании во Виена, што им овозможувало да добијат дозволи за престој и работа и да користат австриски социјални бенефиции. Полицијата против осомничените поднела вкупно 59 пријави, кои се однесуваат на организирана помош при кршење на законот за престој на странци, медијација при склучување лажни бракови и фалсификување документи. Во истрагата се сослушани 48 лица, а потрага е распишана по уште девет лица.

Во Ирска уапсен маж поради смртта на 39 Виетнамци

Дарко Андоновски — Tue, 21 Apr 2020 06:57:19 +0000

Во Ирска вчера е уапсен 40-годишен маж под сомневање дека е поврзан со смртта на 39 виетнамски мигранти, чии тела во октомври минатата година беа пронајдени во камион во Есекс. Уапсениот Ронан Хјуз од Северна Ирска е обвинет по 39 точки за убиство, како и за кршење на законите за имиграција. Претходно, возачот на камионот од Северна Ирска, Морис Робионсон призна вина по 39 точки за убиство на мигрантите.

Уапсен маж кој шетал со самурајски меч и пиштол- паника во Германија

Катерина Бојаџиева — Sun, 06 Oct 2019 08:35:36 +0000

Германската полиција уапси маж кој кусо време предизвикал паника во пешачка зона во Гринштат, југозападна Германија, каде се појавил со самурајски меч и пиштол. По неколкуте повици од загрижени минувачи, полицијата која дошла во пешачката зона слушнала истрел и забележала маж во видливо алкохолизирана состојба. Локалните медиуми јавија дека 50-годишниот маж го предал мечот и пиштолот откако полицијата испукала предупредувачки истрел. Детали не се познати, а полицијата соопшти дека нема индикации дека инцидентот бил политички мотивиран.

Уапсен човекот кој се закануваше дека ќе го разнесе мостот во Киев

Дарко Андоновски — Wed, 18 Sep 2019 17:40:54 +0000

Украинските безбедносни сили го уапсија човекот кој се закануваше дека ќе го разнесе мостот „Метро“ во Киев, објавија украински медиуми. „Полицијата го уапси напаѓачот“, се вели написот на Украинска правда на Твитер. Таа информација ја потврди министерот за внатрешни работи на Украина Арсен Аваков. Весникот наведува дека уапсениот бил учесник во воена операција во Донбас, постар наредник кој се презива Бељко. Уапсениот се закануваше дека ќе разнесе и државни институции. – Непознат маж пука и се заканува со експлозија. Водиме специјална полициска акција. Сега таму се наоѓаат претставници на сите служби. Стопирано е движењето на автомобили и возови на мостот, изјави претходно началникот на киевската полиција, Андреј Кришченко.

Светската јавност во неверување од деталите- уапсен човекот осомничен за смртта на Емилијано Сала

Дарко Андоновски — Wed, 19 Jun 2019 19:53:38 +0000

Аргентинскиот фудбалер Емилијано Сала трагично го загуби животот во пад на авион пред пет месеци. Смртта на Сала го потресе фудбалскиот свет, а авионот се сруши на пат од Нант кон Кардиф каде Аргентинецот требаше да ја продолжи својатакариера. Меѓутоа, неговиот фудбалски сон беше прекина на најлошиот можен начин, а телото на Сала беше пронајдено дури по неколку недели потрага… Светската јавност денеска беше потресена од веста дека во Англија е уапсен 64-годишен маж кој се сомничи за смртта на несудениот играч на Кардиф. Истрагата на британската полиција доведе до овој маж од северен Јоркшир и тој е уапсен. Тој се товари дека е одговорен за смрттана Салах и се уште е на испитување, а повеќе информации за целата ситуација ќе бидат познати кога ќе се огласат луѓето кои работат на овој случај. Сала почина од тешки повреди на главата и градниот кош, а неговото тело е идентификувано со помош на отпечатоци од прсти. Со авионот управуваше 59-годишниот пилот Дејвид Иботсон чие тело не е пронајдено. За потсетување, телото беше пронајдено неколку недели понесреќата во остатоците од авионот кој се наоѓаше на дното од морето во каналот Ламанш.

BREAKING: Dorset police have arrested a man over the death of Emiliano Sala on suspicion of manslaughter by an unlawful act.
— Sky Sports News (@SkySportsNews) June 19, 2019

Извор: Спортклуб.мк