уапсена жена – Kurir.mk

Уапсена негователка од мал групен дом во Битола

Дарко Андоновски — Mon, 06 Jun 2022 12:23:50 +0000

Полициски службеници од полициската станица Битола ја лишија од слобода Х.В.К.(37) од Битола, вработена во јавна установа за згрижување на деца во Битола. Вработената со запоставување на својата должност, ги запуштила малолетниците згрижени во мал групен дом. По документирање на случајот против неа ќе следува кривична пријава, информираа од СВР-Битола.

Во Бугарија уапсена поранешна романска министерка осудена на шест години затвор

Дарко Андоновски — Fri, 08 Apr 2022 06:29:20 +0000

Поранешната романска министерка за туризам Елена Удрија, која вчера беше осудена на шест години затвор за корупција, е уапсена во Бугарија и ќе биде предадена на романските власти. На 7 април националната бугарска полиција добила итно барање за помош од романските полициски власти со цел да лоцира автомобил и патници во земјата, соопшти МВР во Софија. Извршена била итна координација со Граничната полиција за да се спречи министерката да ја напушти државата или да избега. Од преземените дејствија било констатирано дека бараното лице се наоѓа на подрачјето на граничниот премин Кулата, за што веднаш биле известени вработените на граничниот премин. Известени биле надлежните романски органи да го идентификуваат бараното лице. Веднаш била распишана европска потерница. Според добиените информации, бараното лице во својство на министер за регионален развој и туризам во периодот од 2010 година до крајот на 2011 година извршило низа дејствија со цел стекнување имотна корист. Како резултат на тоа, повеќе од 12.000.000 романски леи и 1.100.000 евра биле добиени како поткуп од различни компании. Министерката во моментов е во притвор до 24 часа, јави Бгнес.

Уапсена охриѓанка барана со меѓународна потерница, се терети за „семејно насилство и киднапирање“

Ивана Ефремовски — Mon, 19 Jul 2021 13:37:43 +0000

Граничната полиција на преминот Тушемиште – Свети Наум, на албанско –македонската граница, уапсила македонска државјанка барана со меѓународна потерница, издадена од норвешките власти. -Благодарение на соработката на Интерпол Тирана со Интерпол Осло, Норвешка и граничната полиција, уапсена е А.М.(35) жителка на Охрид, Македонија, заради екстрадиција во Норвешка. Службите на граничната полициска станица Тушемиште, на влезот во Република Албанија, при контрола на документите утврдија дека станува збор за лице барано со меѓународна потерница, стои во полициското соопштение. Се додава дека за охриѓанката била распишана меѓународна потерница поради „семејно насилство и киднапирање“ и оти Интерпол Тирана ја продолжува постапката за нејзина екстрадиција во Норвешка. На 11-ти месецов на граничниот премин Ќафасан, на албанско-македонската граница кај Струга, при влез на албанска територија, уапсен беше Ф.В. 39 годишен, жител на село Велешта, Струга. Против него шестиот федерален кривичен суд во Рио де Жанеиро, Бразил, издал налог за апсење за кривично дело „трговија со наркотици“. Три дена подоцна на преминот Морина, пак, на албанско – косовската граница, кај Кукс, службите на албанската гранична полиција, го уапсија Џ.Ф. (38), жител на Скопје, баран со меѓународна потерница, за кривични дела „кражби“ и „трговија со наркотици“, распишана од белгиските власти. (МИА)

Уапсена жена од тетовско Копанчин Дол, со остар предмет го нападнала својот сопруг

Тале Кристо — Sun, 22 Nov 2020 17:31:03 +0000

На 21.11.2020 во 10.00 часот во с.Копанчин Дол, тетовско, од полициски службеници од СВР Тетово била лишена од слобода А.Ј.(43), поради постоење основи на сомнение дека по вербална расправија, со остар предмет го нападнала нејзиниот сопруг. По целосно расчистување и документирање на случајот, против неа ќе следи соодветен поднесок.

Првиот уапсен обожавател на Мундијалот е жена

Дарко Андоновски — Sun, 17 Jun 2018 09:26:07 +0000

Првиот уапсен фан на Светското првенство во фудбал во Русија се покажа жена од Перу, и тоа не за хулиганство на стадионите, туку за кражба на кеса, пишува „Р-Спорт“. - Четириесет-годишна перуанка пристигнала во Русија со пријателите за Мундијалот 2018 и во моментов е во притвор под обвинение за кражба. Таа е во привремениот центар за задржување во „Петровка 38“, прокоментира извршниот секретар на Комисијата за јавен надзор во Москва, Иван Мелников. Токму предметната жена е првиот странски навивач уапсен на Мундијалот 2018, но таа не создава проблеми и нема никакви поплаки.