уапсена – Kurir.mk

Уапсена малолетничка од Мала Речица, полицијата при нејзин претрес и потоа во нејзиниот дом пронашла дрога

Тале Кристо — Sat, 04 Nov 2023 13:15:05 +0000

Полициски службеници од СВР Тетово вчера во 23:05 часот на улицата „Илинденска“ во Тетово лишиле од слобода малолетничка од село Мала Речица, тетовско, поради тоа што кај неа била пронајдена и одземена марихуана. -Малку подоцна, во координација со ОЈО Тетово бил извршен претрес во нејзиниот дом, при што била пронајдена и одземена бела прашкаста материја. Во присуство на родител и претставник од Центарот за социјални работи во полициска станица бил извршен службен разговор со малолетничката и по целосно документирање на случајот ќе следи соодветен поднесок, соопшти МВР.

ФОТО: Уапсена познатата албанска пејачка Енца, одгледувала марихуана на балкон

Тале Кристо — Tue, 12 Sep 2023 12:06:04 +0000

Полицијата во Тирана ја приведе пејачката Руенца Хаџиај, позната како Енца, под сомнение за производство на наркотични растенија. - Финализирана е акцијата „Балкон“, која следуваше по добиени информации по оперативен пат. Припадниците на полициската станица бр. 1 ја приведоа Р.Х.(27) која на балконот во својот дом на периферијата на Тирана, одгледувала марихуана, соопшти полицијата. Приведено е и момчето на Енца, а при контрола на домот пронајдени и одземени се пет саксии во кои имало засадено марихуана. По апсењето пејачката изјавила дека е корисник и марихуаната ја одгледувала за лична употреба. Таа живее во населбата „Луандер“ во периферијата на Тирана во приватна вила.

Бугарка уапсена во Скопје, била фатена при извршување кражба

Тале Кристо — Tue, 05 Sep 2023 14:08:32 +0000

Денеска (05.09.2023) во 12.00 часот на автобуска постојка на бул.„Филип Втори Македонски“ во Скопје, полициски службеници од ЕВР Центар и Бит Пазар ја лишиле од слобода Ц.Б.(24) од Република Бугарија. Таа била фатена при извршување кражба, при што од чанта на женско лице одзела паричник. Кај неа, освен тој паричник, бил пронајден уште еден паричник со лични документи и пари на женско лице од Скопје. Ц.Б. била задржана во полициска станица и по целосно документирање на случајот, во координација со јавен обвинител, против неа ќе биде поднесена соодветна пријава.

Агресивно се однесувала кон полициските службеници, уапсена албанска државјанка

Тале Кристо — Mon, 24 Apr 2023 13:53:31 +0000

На 23.04.2023 околу 13.40 часот на наплатна станица Гостивар, полициски службеници на СВР Тетово - Одделение за внатрешни работи Гостивар ја лишиле од слобода 34-годишната Е.Х. од Република Албанија, која се однесувала агресивно кон полициски службеници кои преземале службени дејствија, како и поради сомнение за нерегулиран престој на подрачјето. Таа е задржана во Полициската станица Гостивар за натамошна постапка.

Приведена кумановка, осомничена за кражба

Тале Кристо — Fri, 17 Mar 2023 12:19:57 +0000

На 16.03.2023 година во 22.30 часот, полициски службеници од СВР Куманово ја лишиле од слобода М.З.(24) од Куманово. Таа се сомничи дека на 07.03.2023 година влегла во приватен имот на улицата „100“ во Куманово и одзела пари. М.З. била приведена во полициска станица и по целосно документирање на случајот против неа ќе следува соодветна пријава.

Скопјанка завршила зад решетки: Нападнала 80-годишна жена во својот дом и ја ограбила

Тале Кристо — Tue, 07 Mar 2023 12:00:35 +0000

На 06.03.2023 во 13.20 часот, полициски службеници од Полициската станица Чаир ја лишиле од слобода Ф.Е.(39) од Скопје. Таа се сомничи дека околу 11.30 часот физички ја нападнала В.Д.(80) од Скопје во нејзиниот дом на подрачје на Чаир и ѝ одзела пари. Одземените пари биле пронајдени и вратени на сопственичката, а Ф.Е. била задржана во полициска станица. По целосно документирање на случајот против неа ќе биде поднесена соодветна пријава.

Приведена битолчанка, одземениот златен накит вратен на сопственикот

Тале Кристо — Mon, 19 Dec 2022 13:22:11 +0000

Денеска (19.12.2022) во Битола, полициски службеници од Криминалистичката полиција при СВР Битола ја лишиле од слобода Б.П.(37) од Битола. Таа се сомничи дека 17.12.2022 извршила кражба во златарница во Стара чаршија во Битола. Во службен разговор во полициска станица Б.П. го признала делото, а одземеното било пронајдено и вратено на сопственикот. По целосно документирање на случајот против неа ќе биде поднесена соодветна пријава.

Скопјанка заврши зад решетки, извршила кражба во центарот на Скопје

Тале Кристо — Wed, 28 Sep 2022 14:42:36 +0000

На 27.09.2022 во 20.40 часот на бул.„Мајка Тереза“ во Скопје, полициски службеници од Полициската станица Центар ја лишиле од слобода Џ.И.(21) од Скопје. Таа се сомничи дека истиот ден, заедно со уште едно лице, со употреба на погоден предмет влегле во куќа во населбата Маџир Маало и одзеле разни предмети, меѓу кои и гасен пиштол и куршуми. Со неа бил извршен службен разговор, при што го признала делото. Кај неа биле пронајдени и одземени предметите поврзани со кривичното дело. По целосно документирање на случајот против неа ќе биде поднесена соодветна пријава.

Во скопско Катланово уапсена жена од Косово

Тале Кристо — Wed, 06 Jul 2022 14:51:41 +0000

Денеска (06.07.2022) во 12.30 часот во с.Катланово, скопско, полициски службеници од Оперативен тим потраги при СВР Скопје ја лишиле од слобода С.А.(64) од Kосово, со живеалиште Скопје. Таа била барана по централна потерница од Основен кривичен суд Скопје за издржување казна затвор од две години за сторено кривично дело по член 131 од Кривичниот законик. Лицето ќе биде предадено во казнено-поправна установа за издржување на казната.

Тетовчанка уапсена во Скопје, кај неа пронајдени предмети кои потекнуваат од кривично дело кражба

Тале Кристо — Wed, 18 May 2022 14:07:28 +0000

На 17.05.2022 во 23.45 часот на ул.„Кеј Димитар Влахов“, полициски службеници од Единицата за интервентна полиција при СВР Скопје ја лишиле од слобода Б.Ј.(22) од Тетово. Таа била барана по потерница од Основен суд Тетово за издржување затворска казна и поради сомнение дека околу 23.00 часот на 17.05.2022 одзела предмет од возило на бул.„Гоце Делчев“ во Скопје, сопственост на М.Т.(48) од Скопје. Таа била приведена во Полициската станица Центар и во службен разговор со полициски службеници од ЕВР Центар и Бит Пазар го признала делото. При преглед кај неа бил пронајден предметот, кој подоцна бил вратен на сопственикот. По целосно документирање на случајот ќе биде поднесена соодветна пријава. Денеска (18.05.2022), таа била спроведена во Казнено-поправната установа Затвор Идризово за издржување на казната.