уапсени лица – Kurir.mk

Тројца македонски државјани уапсени во Црна Гора

Дарко Андоновски — Thu, 17 Aug 2023 09:24:42 +0000

Во полицијата во Никшиќ едно лице пријавило дека три непознати лица од трговски објект во Богетиќи украле паричник со пари и со возило се оддалечиле од местото на настанот. Во соопштението се наведува дека полицијата во Никшиќ вчера во местото Папрати запрела „ауди“ со тројца државјани на Северна Македонија чии иницијали се А.А. (26), А.О. (41) и Ж.Д. (47), кои биле донесени во службените простории на полицијата. Полицијата преку кривична истрага дошла до сомнение дека А.А. го украл паричникот, додека А.О. и Ж.Д. ги примиле и задржале дел од парите. А.А. е осомничен за кривично дело кражба, додека А.О. и Ж.Д. се товарат за кривично дело прикривање и сите три лица се приведени, се наведува во соопштението на црногорската полиција. Полицијата набедува дека најголем дел од украдените пари се пронајдени и вратени, а возилото со кое е извршено кривичното дело е одземено.

Шверцери отвориле оган врз полицијата во северно Косово, уапсени пет лица

Катерина Бојаџиева — Fri, 11 Aug 2023 13:44:31 +0000

Косовската полиција уапсила пет лица, од кои четворица од српска и еден од албанска националност, по престрелката што рано утрово се случила во северно Косово, во општина Зубин Поток, во близина на границата меѓу Косово и Србија, јави дописникот на МИА од Приштина. Заменикот директор на косовската полиција за северниот регион, Ветон Ељшани изјави за медиумите дека полициска единица наишла на три возила и едно комбе, за кои се претпоствува дека се користеле за шверц на стоки и при тоа во правец на полицијата бил отворен оган од огнено оружје. Ељшани информира дека во претстрелката која настанала по нападот врз полицијата немало повредени, а дека покрај петмината уапсени во шверцерската група имало уште едно лице, по кое се трага. - Денеска во раните утрински часови во околината на Зубин Поток (во селото Чечево), полицијата наиде на комбе и неколку возила за кои се верува дека шверцуваат стоки. При обидот да се запрат, дошло до претстрелка, во која нема ранети. Пет лица се уапсени, четворица Срби и еден Албанец, а по еден се трага. Запленети се комбе и три патнички возила. Во комбето се откриени шверцувани цигари. Настанот се случи околу три часот наутро, се вели во изјавата на Ељшани за медиумите.

Купувале производи со поминат рок, па го менувале датумот- уапсени 27 лица

Катерина Бојаџиева — Fri, 14 Jul 2023 17:47:59 +0000

Полицијата во неколку земји-членки на ЕУ откри криминална мрежа што оперира со повторно воведување храна со поминат рок во синџирот на снабдување и уапси 27 лица во Литванија и Италија. -Искористувајќи ги ранливостите во синџирот на снабдување, првично предизвикани од пандемијата на Ковид-19, осомничените почнаа да набавуваат огромни количини храна и пијалоци со поминат рок, соопшти Европол. Тие потоа користеле хемикалии за да го избришат датумот на истекување отпечатен на поединечни производи и повторно да испечатат нов. Во други случаи, се фалсификува и залепува сосема нова етикета, со што се добива впечаток дека пакуваната храна или пијалок се сè уште свежи и безбедни за консумирање. Овој специфичен начин на работа беше откриен и се следи како дел од ОПСОН, голема истрага за прехранбената индустрија координирана од Европол. Последователните истраги предводени од земјите-членки и координирани од Европол доведоа до две насочени операции.

Приведени четворица крадци од Радовиш, фатени на дело – едниот од нив бил малолетник

Дарко Андоновски — Wed, 18 Jan 2023 10:16:09 +0000

На 17.01.2023 полициски службеници од Одделението за внатрешни работи Радовиш ги лишиле од слобода Ш.Б.(21), А.Б.(32), О.К.(28) и уште едно малолетно лице, сите од Радовиш, кои биле затекнати при вршење на кривични дела „тешка кражба“ на подрачјето на Радовиш, а кај нив биле пронајдени и предмети од извршените кривични дела. Лицата се задржани во полициска станица и во текот на денешниот ден со нив ќе бидат извршени службени разговори, поради сомнение дека се сторители и на други кривични дела тешки кражби и кражби, извршени во претходниот период на подрачјето на Радовиш. За настанот е запознаен Јавен обвинител од Основното јавно обвинителство Радовиш и по целосно документирање на случајот против нив ќе биде поднесена соодветна пријава.

Две млади момчиња уапсени – криумчареле мигранти во нивните автомобили

Дарко Андоновски — Sun, 13 Nov 2022 10:19:11 +0000

На 12.11.2022 околу 14.30 часот на патот Демир Капија – Неготино, на место викано „Јела“ од полициски службеници од Полициска станица Неготино биле лишени од слобода С.Ф.(26) од Скопје, кој управувал патничко моторно возило „бмв“ со скопски регистарски ознаки, и А.Ќ.(20) од Гевгелија, кој управувал патничко моторно возило „сеат“ со гевгелиски регистарски ознаки, затоа што во возилата биле пронајдени шест лица мигранти (пет од Сирија и едно од Пакистан). За настанот е известен Јавен обвинител, а по целосно документирање на случајот ќе биде поднесен соодветен поднесок.

Инцидент кај фабрика за оружје во Албанија, уапсени три лица со руски и украински пасоши

Катерина Бојаџиева — Sun, 21 Aug 2022 07:19:18 +0000

Пред фабрика за оружје во албанскиот град Грамш синоќа се случи инцидент, кога три лица, две со руски и едно со украински пасош се обиделе тајно да влезат во фабриката, потврди министерството за одбрана. – Веднаш реагирале војниците кои го обезбедуваат објектот, но при напорите да се спречат тројцата странски државјани, повредени се двајца наши војници. Тие се под грижа на лекарите во клиниката за трауматологија во Тирана, стои во соопштението. Полицијата соопшти дека во комесаријатот во Елбасан приведени се двајца мажи, Русин и Украинец и една Русинка. Во истрагата за расветлување на околностите на инцидентот е вклучена и агенцијата за разузнавање. Според медиумите во моментот кога војниците им се приближиле, дошло до физичка пресметка меѓу војниците и трите лица, кои користеле палки и спреј за време на тепачката. Од нападот повредени се двајца албански војници, кои се надвор од животна опасност, но со ризик едниот од нив да остане со оштетен вид. -Во чантите на приведените лица- руски агенти пронајдена е апаратура што ја користат агенти за шпионажа за фотографирање објекти. Во микрочиповите на апаратурите пронајдени се фотографии од објектот во Грамш, јавија медиумите.

На Миконос уапсени тројца македонски државјани, меѓу нив и 21-годишна девојка

Катерина Бојаџиева — Fri, 08 Jul 2022 10:38:09 +0000

Тројца државјани на Македонија, двајца мажи на возраст од 34 и 35 години и 21-годишна девојка, во средата биле уапсени на грчкиот остров Миконос, под обвинение за трговија со дрога, јави дописничката на МИА од Атина. Од грчката полиција соопштија дека по темелна полициска истрага, било „разбиено јадрото на мрежа на странски државјани кои систематски тргувале со дрога на Миконос“ и меѓу другото биле запленети 437 таблети екстази, 219,8 грама кокаин, 270,9 грама метамфетамин и 155,7 грама канабис. Уапсените биле организирани во криминална група, со конкретни улоги, едниот бил набавувач и имал лидерска улога, останатите биле шверцери, а дрогата на островот ја продавале во мали пакувања до заинтересираните корисници на дрога. Дополнително бил уапсено уште едно лице, либански државјанин, во обид да се снабди со дрога. Освен дрогата, грчката полиција кај уапсените пронашла и запленила три мобилни телефони, 2.370 евра, како и мотор со кој ја пренесувале дрогата. За разбивање на нарко картелот, како што соопштија од грчката полиција, полицајците од Миконос организирале акција, ги следеле движењето на сега веќе уапсените, ги лоцирале и ги уапсиле во моментите кога се селеле во друго сместување, за да и скријат трагите. Пракса на грчката полиција е во соопштенијата да не објавуваат лични податоци за уапсените, односно иницијали и националност, туку соопштуваат само дали се грчки или странски државјани, меѓутоа според потврдени информации на дописничката на МИА од Атина, станува збор за тројца државјани на Северна Македонија. Онлајн изданието на весникот „Прото тема“ објави дека уапсената девојка е ќерка на политичар од Северна Македонија, меѓутоа не постои потврда на оваа информација. Сепак, според информациите на дописничката на МИА од Атина, станува збор за 21-годишна девојка со голем број следачи на Инстаграм, со кои споделувала фотографии од Миконос.

На преминот Ќафасан уапсени седум лица, дозволиле или вршеле шверц на стока внесена од Македонија

Катерина Бојаџиева — Wed, 22 Jun 2022 10:49:05 +0000

На граничниот премин Ќафасан, на албанско-македонската граница кај Струга, уапсени се седум лица кои дозволиле или вршеле шверц на стока набавена во Македонија. – Притворени се двајца полициски службеници, двајца цариници и три лица жители на пограничниот град Либражд, за злоупотреба на службената положба, корупција и шверц. По добиени сознанија дека се дозволува минување на стока од македонска на албанска страна избегнувајќи ги царинските давачки, спроведената истрага која го потврдила тоа, информира албанската полиција. Според истиот извор, истрагата покажала дека полициски службеници на споменатиот премин, во соработка со царинските службеници, во замена за поголема сума пари, фаворизирале три лица да ја преминат шверцуваната стока без спроведување на постапката за царинење. Како материјален доказ се одземени три возила, девет мобилни телефони, одредена количина парични средства нелегално стекнати нелегално од корупција на работно место, значителна количина разновидна храна и пијалаци, како и друга стока. Поради пониските цени на прехранбените и други производи, како и горивото, голем број албански граѓани, но и тамошни трговци од пограничните населени места, на големо вршат набавка во Дебар, Струга, Охрид и Ресен.

Уапсени околу 800 лица во Белорусија за време на референдумот за новиот устав

Катерина Бојаџиева — Mon, 28 Feb 2022 10:40:57 +0000

Околу 800 луѓе се приведени за време на вчерашниот референдум за новиот устав, со кој земјата се откажува од својот ненуклеарен статус. Референдумот предизвика најголеми протести во изминатите неколку месеци. Новиот устав овозможува нуклеарно оружје на територијата на Белорусија, а според официјалните податоци за него гласале 65 отсто од граѓаните. Со новиот устав му се гарантира и на претседателот на државата доживотен имунитет од прогон откако ќе ја напушти функцијата. Белорускиот претседател Александар Лукашенко вчера изјави дека би можел да бара од Русија да го врати нуклеарното оружје во Белорусија. – Ако (Западот) распореди нуклеарно оружје во Полска или во Литванија, до нашите граници, тогаш ќе му се обратам на Путин да го врати нуклеарното оружје што го дадов без никакви услови, истакна Лукашенко. Западните земји претходно соопштија дека нема да ги признаат резултатите од референдумот, што се одржуваше во атмосфера на пресметка со белоруската опозиција и противниците на режимот на Лукашенко.

ОПЕРИРАЛЕ НИЗ БЕЛГРАД: Уапсени тројца македонски државјани

Катерина Бојаџиева — Wed, 08 Dec 2021 12:50:36 +0000

Припадници на Министерството за внатрешни работи во Белград расветлија повеќе кривични дела „тешки кражби“ и приведоа тројца државјани на Македонија, од кои едниот има и српско државјанство јави дописникот на МИА од Белград. Полицијата ги уапси Б.С.(24), Б.Н.(31) и А.К.(23), кои се сомничат дека во текот на ноември и декември годинава провалиле во станови и куќи на територијата на Белград од каде со специјален алат за отворање блиндирани врати украле пари, накит, часовници и други вредни предмети. На осомничените им е одредена мерка притвор до 48 часа, а со кривична пријава ќе бидат изведени во Третото основно јавно обвинителство во Белград.