уапсени – Kurir.mk

Приведени крадци, украденото возило ќе биде вратено на сопственикот

Тале Кристо — Wed, 25 Oct 2023 08:50:47 +0000

Полициски службеници на СВР Тетово ноќеска (25.10.2023) околу 03.10 часот на наплатна станица Тетово, ги лишиле од слобода Р.К.(38) од Скопје и О.А.(18) од Кочани, кои претходно во Гостивар извршиле тешка кражба на патничко возило „опел астра“ со гостиварски регистарски ознаки, сопственост на 43-годишниот И.И. од гостиварски Градец. Возилото било паркирано на улица „Кеј братство единство“, со клучевите во брава. Двајцата се задржани во Полициската станица Гостивар за расчистување и документирање на случајот, по што ќе им бидат изготвени поднесоци, а возилото денеска ќе му биде вратено на неговиот сопственик.

Приведени затвореник и затворски полицаец од струмичко

Тале Кристо — Mon, 23 Oct 2023 18:49:19 +0000

Денеска (23.10.2023) во 12.00 часот на раскрсница кај село Чалакли, валандовско, полициски службеници од Одделението за внатрешни работи Валандово ги лишиле од слобода Р.М. (42) од село Водоча и Д.Д. (27) од село Рич, струмичко. Имено, Р.М. кој денеска во периодот од 07.00 до 19.00 часот бил на работа како затворски полицаец во Затвор Струмица, пречекорувајќи ги неговите овластувања му овозможил на осуденикот Д.Д., кој во моментот издржува затворска казна, времено да го напушти затворот, иако за тоа немал соодветно Решение. Притоа, двајцата, со приватното возило на Р.М. се упатиле кон село Јосифово, валандовско. За случајот се запознаени Основното јавно обвинителство Струмица и Затворот Струмица, а по негово целосно документирање ќе биде поднесена соодветна пријава.

Приведени крадци во Битола, го признале делото, одземеното вратено на сопственикот

Тале Кристо — Sun, 22 Oct 2023 14:09:26 +0000

Денеска (22.10.2023) во Битола, полициски службеници од Криминалистичката полиција и Полициската станица од општа надлежност при СВР Битола ги лишиле од слобода Е.А.(31) и Ѓ.В.(30) од Битола. Тие се сомничат дека извршиле „тешка кражба“ во земјоделски комбинат во Битола, при што одзеле повеќе предмети, а извршиле и оштетување на дел од објектот. Двајцата биле приведени во полициска станица и во службен разговор го признале делото. Одземените предмети биле пронајдени и вратени на сопственикот. По целосно документирање на случајот, против истите ќе биде поднесена кривична пријава.

Приведени дрвокрадци во велешко, затекнати при нелегална сеча на огревно дрво

Тале Кристо — Sun, 15 Oct 2023 13:05:31 +0000

На 14.10.2023 во 16.00 часот во атар на с.Сопот, велешко, полициски службеници од СВР Велес и од Шумска полиција ги лишиле од слобода Т.С.(51), Е.И.(28), Џ.И.(40), М.Ј.(39), Х.С.(35) и С.С.(35), сите од с. Бузалково, велешко. Тие биле затекнати при нелегална сеча на огревно дрво и кај нив биле пронајдени три моторни пили и товарно возило натоварено со четири кубни метри исечено огревно дрво, а во близина на местото биле пронајдени уште 10 кубни метри исечено огревно дрво. Возилото и пилите биле одземени за понатамошна постапка, а дрвата ќе бидат преземени од Шумска полиција и Шумско стопанство. Лицата биле задржани во полициска станица и по целосно документирање на случајот против нив ќе биде поднесена соодветна пријава.

Претрес во Струмица, пронајдена дрога, лишени од слобода две лица

Тале Кристо — Sat, 07 Oct 2023 10:00:33 +0000

На 06.10.2023 во 22.30 часот во Струмица полициски службеници од Секторот за внатрешни работи Струмица го лишиле од слобода Ј.М. (34) од Струмица, затоа што во патничкото возило „санг јонг“ со бугарски национални ознаки, управувано од негова страна, бил пронајден кокаин. Исто така, на 06.10.2023, врз основа на наредба од судија на претходна постапка, бил извршен претрес во домот на З.Б. (58) во Струмица, поради основи на сомнение дека му ја продал дрогата на Ј.М.. При претресот биле пронајдени повеќе полиетиленски пакувања со кокаин, марихуана, дигитална вага, шприц исполнет со кафеава материја и пари во различни апоени. Ј.М. и З.Б. биле лишени од слобода и задржани во Полициската станица Струмица. По целосно документирање на случаите против нив ќе бидат поднесени соодветни пријави до надлежното обвинителство.

Приведени крадци во кавадаречко

Тале Кристо — Thu, 28 Sep 2023 09:38:50 +0000

Полициски службеници од ОВР Кавадарци вчера во 14:00 часот во близина на село Рожден, кавадаречко, ги лишиле од слобода С.Ш.(59) од село Кукуречани, битолско, Ј.Н.(53) од село Долно Ботушје, општина Македонски Брод и Б.С.(62) од село Лисичани, општина Пласница. Како што информираат од МВР, околу 12:30 часот кај претоварна станица на правно лице од Кавадарци, во близина на рудник кај село Мрежичко, кавадаречко, тие биле забележани како со подесен алат сечат и демонтираат доводен бакарен кабел за напојување со електрична енергија на електромоторите кои ја движат транспортната трака од рудник до фабрика. Лицата се приведени во полициска станица и по документирање на случајот против нив ќе биде поднесена соодветна пријава.

Во Авганистан уапсени 18 членови на швајцарска невладина организација

Тале Кристо — Sat, 16 Sep 2023 10:18:42 +0000

Авганистанските талибански власти уапсија 18 вработени во швајцарската невладина организација Меѓународна мисија за помош (ИАМ), соопшти денеска организацијата. Според ИАМ, вработените биле киднапирани од канцеларијата на организацијата во Горо, во центарот на Авганистан и однесени во Кабул. Станува збор за еден странец и 17 Авганистанци. „Двајца авганистански државјани и еден член на меѓународниот тим беа уапсени во неделата на 3 септември во канцеларијата на организацијата, а потоа уште 15 Авганистанци беа уапсени на 13 септември во истите простории“, соопшти организацијата. „Засега немаме никакви информации за природата на обвинувањата против нашиот персонал и затоа не сме во можност да коментираме или шпекулираме за моменталната ситуација“, се вели во соопштението на организацијата објавено денеска. Се додава дека доколку се покренат обвиненија против организацијата или нејзините членови, тие сигурно независно ќе ги разгледаат сите презентирани докази. Невладините организации се под зголемена контрола откако милитантните исламистички талибанци ја презедоа контролата врз земјата пред две години. Талибанците воведоа строги мерки и им забранија на авганистанските жени да се школуваат понатаму од шесто одделение, како и да учествуваат во јавниот живот и работа, вклучително и работа во невладини организации. Организацијата е присутна во Авганистан од 1966 година, кога се специјализираше за офталмолошка нега, а подоцна се прошири и во други области на здравството и образованието. Таа невладина организација, која е регистрирана во Швајцарија, наведува дека работи само во Авганистан.

Уапсени повеќе лица во Скопје, меѓу нив и Турчин

Тале Кристо — Mon, 11 Sep 2023 10:50:27 +0000

На 10.09.2023 во 23.40 часот во Скопје, на подрачјето на Аеродром, полициски службеници од Единицата за интервентна полиција при СВР Скопје го лишиле од слобода М.А.(18) од Скопје затоа што кај него била пронајдена и одземена марихуана. По целосно документирање на случајот ќе следи соодветен поднесок. На 10.09.2023 во 16.50 часот во Скопје, на подрачјето на Аеродром, полициски службеници од Единицата за интервентна полиција при СВР Скопје го лишиле од слобода С.Д.(20) од Дебар, затоа што кај него била пронајдена и одземена марихуана. По целосно документирање на случајот ќе следи соодветен поднесок. На 10.09.2023 во 11.50 часот во Скопје, на подрачјето на Гази Баба, полициски службеници од Единицата за интервентна полиција при СВР Скопје го лишиле од слобода О.Б.(46) од Скопје, затоа што кај него била пронајдена и одземена марихуана. По целосно документирање на случајот ќе следи соодветен поднесок. На 10.09.2023 во 16.10 часот во Скопје, на подрачјето на Ѓорче Петров, полициски службеници од Единицата за интервентна полиција при СВР Скопје го лишиле од слобода Д.К.(34) од Скопје, затоа што кај него била пронајдена и одземена марихуана. По целосно документирање на случајот ќе следи соодветен поднесок. На 10.09.2023 во 15.30 часот на Граничниот премин „Меѓународен аеродром Скопје“, полициски службеници го лишиле од слобода О.Г.(21) од Република Турција затоа што при пасошка контрола и проверка во оперативна евиденција било констатирано дека евидирал со мерка „апси“ поради сторено кривично дело по член 386 од Кривичниот законик. Тој бил предаден на полициски службеници од Полициската станица Аеродром за понатамошна постапка.

Во Истанбул уапсени петмина под сомнение за поврзаност со ИСИС

Тале Кристо — Tue, 05 Sep 2023 16:47:32 +0000

Полицијата во Истанбул уапси пет лица под сомнение дека се поврзани со терористичката група ИСИС, изјави турскиот министер за внатрешни работи Али Јерликаја. „Полицијата спроведе антитерористички операции за фаќање шест лица осомничени дека обезбедувале средства за печатење и продажба на пропаганден материјал во книжарниците во име на терористичка група“, изјави Јерликаја на платформата Икс. Истакнувајќи дека операциите биле извршени во пет области на Истанбул, тој додаде дека во акцијата биле фатени петмина осомничени, а запленети се бројни дигитални материјали и 73.000 долари, јави Анадолија. Во 2013 година Турција стана една од првите земји што ја прогласи ИСИС за терористичка организација.

Приведени кумановец и тетовчанец за повеќе кривични дела

Тале Кристо — Tue, 05 Sep 2023 13:05:21 +0000

Полициски службеници од СВР Куманово, вчера ги лишиле од слобода М.Ј.(27) од Тетово и Ш.Ш.(46) од Куманово за извршување повеќе кривични дела во изминатите два дена. Од Министерството за внатрешни работи известуваат дека лицата се сомничат дека, вчера во Градски парк во Куманово физички нападнале вработени во Јавно претпријатие „Чистота и зеленило“ и им се заканиле со остар предмет. Истиот ден влегле во угостителски објект на улицата „11 Октомври“ во Куманово и одзеле чанта. Додека, на 3 месецов се обиделе да одземат чанта од угостителски објект на улицата „Гоце Делчев“ во Куманово. Двајцата осомничени кога биле приведени во полициска станица се обиделе со остар предмет да нападнат полициски службеници. МВР известува дека лицата се задржани во полициска станица и по целосно документирање на случајот против нив ќе бидат поднесени соодветни пријави.