уапсено лице – Kurir.mk

Уапсен скопјанец баран со потерница

Катерина Бојаџиева — Sun, 08 Oct 2023 10:44:27 +0000

Полициски службеници вчера уапсиле скопјанец баран со потерница за издржување затворска казна од три години. -Синоќа околу 18:30 часот на ул.„Бистра“ во Скопје, полициски службеници од Секторот за меѓународна полициска соработка- Отсек потраги го лишија од слобода Р.М. (24) од Скопје, кој бил баран со потерница по наредба од Основен кривичен суд Скопје за издржување казна затвор од три години за сторено кривично дело по член 236 став 1 од КЗ на Република Северна македонија, соопштуваат од Министерството за внатрешни работи. Како што наведуваат од МВР, лицето ќе биде предадено на надлежната казнено-поправна установа.

Уапсен жител на Корча кој шверцувал гориво од Македонија

Катерина Бојаџиева — Fri, 11 Nov 2022 09:36:59 +0000

Албанската полиција, по едномесечна истрага, уапсила жител на Корча, под обвинение за шверц на гориво преку граничниот премин Горица-Стење, на албанско-македонската граница кај Ресен. -Од целокупноста на истражните дејствија, произлезе дека државјанинот Д.Ф.(54) со возило од марка „мерцедес“, чиј резервоар го модифицирал и зголемил, од Македонија преку граничниот премин Горица шверцувал значителна количина нафта. Шверцуваната нафта, ја складирал во домот на неговата сестра, Е.Ч. а потоа ја продавал на други лица, стои во полициското соопштение. Се додава дека полицијата откриела 300 литри нафта, за кое постои сомневање дека е шверцувана. Д.Ф. ќе одговара за кривични дела „Криумчарење на стоки кои подлежат на акциза“ и „Трговија и превоз на шверцувана стока“. Неговата сестра ќе одговара за соработка, но ќе се брани од слобода.

ТРЕБАЛО ЗА 2.500 ЕВРА ДА ЈА ПРЕНЕСЕ ДРОГАТА – но, наместо тоа полицијата го фатила на патарина, ни на крај памет нема да знаете каде била сокриена

Дарко Андоновски — Wed, 02 Nov 2022 09:50:04 +0000

На 01.10.2022 од страна на Единицата за недозволена трговија со дрога, Сектор за недозволена трговија со дрога, оружје и опасни материи при Одделот за криминалистичка полиција во координација со СВР Велес и Царинската управа, пресечен е меѓународен транспорт на наркотични дроги и запленети се околу 67 килограми марихуана, со проценета вредност од околу 250.000 евра. По добиени информации за можен транспорт на наркотични дроги, од страна на Единицата за недозволена трговија со дрога преземени се интензивни мерки за проверка и анализа, при што е дојдено до информации и утврдување на идентитетот на лицето кое е инволвирано во вршење на транспортот. Веднаш по ова, координирани се полициски службеници од Отсекот за дрога при СВР Велес кои околу 15.30 часот на наплатна станица Отовица, во правец на Скопје, запреле возило „фолксваген туран“ со скопски регистерски ознаки, управувано од Д.Ј.(46) од Скопје. Под сомнение дека со возилото се пренесува наркотична дрога, тоа е пренесено на Граничен премин Блаце, каде од страна на тим од мобилна царина и со употреба на службено царинско куче, извршен е детален преглед и во возилото е откриен специјално направен простор-бункер во подот од возилото, вклучувајќи го и подот од багажниот простор, како и резервоарот од самото возило, кои биле исполнети со повеќе пакувања со марихуана во количина од околу 67 килограми, соопшти портпаролот на МВР, Сузана Прањиќ Талевска. Лицето за паричен надомест од 2.500 евра требало со неговото возило да ја транспортира дрогата од Република Албанија, преку територијата на нашата земја, до Република Турција како крајна дестинација. Денеска (02.11.2022) од страна на СВР Велес до надлежното ОЈО Велес ќе биде поднесена кривична пријава за сторено кривично дело по член 215 од Кривичниот законик, а лицето ќе биде спроведено пред судија на претходна постапка од Основен суд Велес.

Уапсен млад скопјанец баран со централна потерница

Катерина Бојаџиева — Tue, 26 Jul 2022 16:58:03 +0000

Полициски службеници уапсиле лице од скопско Батинци барано со централна потерница за сторени кривични дела, соопшти попладнево Министерството за внатрешни работи. – Полициски службеници од Оперативен тим потраги при СВР Скопје синоќа во 22:15 часот на улица „Ленинова“ во Скопје, го лишиле од слобода Б.Р. (24) од село Батинци, скопско. Тој бил баран по централна потерница од Основното јавно обвинителство Скопје за спроведување истражна постапка, поради сомнение за сторени кривични дела по член 258 и член 141 од Кривичниот законик, посочуваат од МВР. На лицето му е определена мерка притвор во траење од 30 дена.

Уапсено и третото лице кое со пиштол се закануваше на протестите минатата недела – делото го признал во полиција

Дарко Андоновски — Thu, 14 Jul 2022 10:40:49 +0000

Полициските службеници го уапсиле и третото лице кое имаше пиштол при инцидентот кај „Скендербег“ минатата недела за време на протестите против францускиот предлог. МВР соопшти дека станува збор за А.Р. кој го признал делото. Полицијата претходно приведе уште две лица кои имаа огнено оружје

Приведено лице од струшко за издржување на затворска казна

Тале Кристо — Sat, 15 Jan 2022 11:48:24 +0000

На 14.01.2022 во селото Праленик, општина Центар Жупа, од страна на полициски службеници од ОВР Дебар е приведен Е.Ј.(35) од селото Праленик. За него била издадена наредба од Основниот суд во Дебар, со која се барал за издржување казна затвор. Е.Ј. е спроведен во Казнено-поправната установа „Затвор-Струга“ за издржување на казната.

Приведена жена од Битола барана по потерница

Катерина Бојаџиева — Tue, 14 Dec 2021 09:55:17 +0000

На 13.12.2021 во 12.00 часот во Радовиш, полициски службеници од Полициска станица Радовиш ја лишиле од слобода М.Е.(42) од Битола. За неа била распишана потерница за издржување казна затвор од една година за сторено кривично дело „тешка кражба“. Лицето било спроведено во Казнено - поправна установа „Затвор Идризово“.

Унаказила 11 лица со нејзините третмани: Уапсена докторката шарлатан Олгица

Катерина Бојаџиева — Tue, 01 Jun 2021 16:45:12 +0000

Откако минатата недела во Србија бил уапсен лажниот естетски хирург Сава Кнежевиќ, денеска при бегство од земјата е уапсена докторката шарлатан Олгица Маркановиќ. Таа била приведена во моментот кога се обидела да ја премине границата со Хрватска, пишува спрски Блиц. Во март годинава, група жени и мажи тврделе дека биле обезличени со третманот во салонот за убавина, воден од Маркановиќ, за што ја тужеле. Освен во Белград, Маркановиќ работела и во Бања Лука. Осомничена е за изобличување на 11 лица. Маркановиќ е уапсена по повеќе обвиненија за кривични дела, вклучувајќи и тешки дела против здравјето на луѓето, надрилекарство, надриаптекарство, неовластено работење … Исто така, како што се наведува, таа немала лиценца од Министерството за здравство за својата работа. Лицата кои подлегнале на третманите на Олгица Маркановиќ опишале што им се случило пред неколку месеци. -Отидов кај О.М. за корекција на носот и наместо радост и задоволство, буквално преживеав пекол. И сè уште го живеам, вели М.Ф. од Белград. „На вратата стоеше естетско студио, што беше доволно за да не се посомневам дека станува збор за измама, бидејќи како некој може да добие работна дозвола, без навистина да биде професионален и квалификуван. Покрај тоа, сè изгледаше одлично, подобро отколку во повеќето белградски клиники. О.М. ме прими, ме погледна, рече дека ќе се погрижи за сè и закажавме ласерско лекување две недели. Инаку, таа го промовираше овој ласер како единствен и најреволуционерен во Србија и се пофали како и доаѓаат други лекари за да бидат информирани“, наведува М.Ф. (31), пишува Блиц.

Уапсен кичевчанец со 44 пакување хероин

Катерина Бојаџиева — Thu, 15 Apr 2021 16:31:41 +0000

Полициски службеници од ОВР Кичево попладнево во Кичево на улица „Нико Пушоски“ го лишиле од слобода кичевчанецот З.Б. (39), затоа што при извршен преглед кај него се пронајдени и одземени 44 пакувања хероин, соопштија од МВР. Лицето е приведено во полициска станица и за настанот е известен Јавен обвинител од ОЈО Кичево, информираат од таму и додават дека по документирање на случајот, против него ќе биде поднесен соодветен поднесок.

Единствениот уапсен од настанот на 13 јануари во Вевчани бил четири часа на распит – можен затвор од 1 година

Магдалена Андонова — Sun, 17 Jan 2021 11:33:28 +0000

Ѓорѓи Влајнкиноски, лицето кое што беше уапсено поради настаните на 13 јануари во Вевчани, каде што беа испратени специјалци, бил на четиричасовен распит во полициската станица во Струга. Кога членовите на СДСМ славеа победа во Штип, во затворена просторија со музика и трубачи, никој не им упадна ниту пак им се изречи некоја казна за прекршување на законот, а додека за Влајнкиноски инаку член на ВМРО-ДПМНЕ, се поднесени 4 кривични пријави од кои една може да го однесе во затвор 1 година. Во продолжение текст од неговата Фејсбук објава. „Денес бев на 4 часовен распит во полициска станица во Струга, овде морам да кажам дека инспекторите кои го вршеа службениот разговор беа коректни. Добив 3 прекршочни пријави и 1 кривична пријава“, стои во Фејсбук статусот на ѓорѓи Влајнкиноски, единствениот уапсен од настаните на 13 јануари во Вевчани. - Кривична пријава по член 206 од КЗ, кој предвидува „тој што за време на епидемија на некоја опасна заразна болест не постапи според прописите или наредбите со кои се определуваат мерки за нејзиното сузбивање или спречување, ќе се казни со парична казна или со затвор до една година, пишува тој. - Сум учествувал во прослава - Сум повикувал и поттикнувал и други граѓани на групна прослава - Прослава најверојатно мислат како таа што беше во Штип кога прославуваше раководството на СДСМ победа на избори на кои сами учествуваа. - Во Вевчани немаше никаква прослава, па оттука ниту пак јас учествував во прослава, а уште помалку повикував на групна прослава - Омаложување и навредување на полициски службеник во вршење на служба - Најодговорно тврдам дека такво нешто немаше! - Неовластено снимање - Незнаев дека треба овластување за снимање на јавен настан кој се одвива на јавен простор кој истиот настан го снимаа, фотографираа, стотици граѓани, новинари и фоторепортери. 20 евра за неносење заштитна маска; Признавам - виновен сум, нема предавање, борбата продолжува! Да живее Вевчани и Македонија, се вели во неговиот Фејсбук статус.