„Убавицата и ѕверот“ – 20 години на репертоарот на ТДМ

Ивона Петрова — Tue, 06 Feb 2018 08:53:32 +0000

Театарот за деца и младинци вечер во 19.30 часот свечено ќе одбележи 20 години активно играње на „Убавицата и ѕверот“ - рекордно најиграна претстава во Македонија. На прославата ќе биде поставена ретроспективна изложба за оваа претстава и за 20-те години од вселувањето на ансамблот во сегашниот простор. - Од премиерата на 6 февруари 1998 година, „Убавицата и ѕверот“ цели 20 години е на тековниот репертоар на театарот. Наскоро ќе ја доживее својата 350-та изведба, а со тоа ќе го постави рекородот на најиграна претстава во Македонија, соопшти Тетараот за деца и младинци. Оваа претстава се играше и на многу други сцени во Македонија, но и на престижни меѓународни фестивали. Ги има освоено наградите за најдобри костими изработени од Александар Ношпал, како и награда за најдобро актерско остварување за актерката Тања Кочовска на фестивал во Суботица.

Ова е најгледаниот филм во светот во 2017 година

Ивона Петрова — Tue, 02 Jan 2018 10:31:00 +0000

„Убавицата и ѕверот“ е најгледан филм во кината ширум светот во 2017 година. Римејкот на анимираниот филм од 1991 година, во кој главните улоги ги имаат Ема Вотсон и Ден Стивенс заработи милијарда и 263 милиони долари само од продажбата на билетите во кината. „Убавицата и ѕверот“ се најде на 10-тото место на најгледани филмови на сите времиња, а интересно е што едно место над него е уште остварување на Дизни, „Frozen“. На второто место на листата најгледани филмови во светот се најде осмото продолжение на „Брзи и бесни“. Третото продолжение на „Despicable Me“ е на третото место.

убавицата и ѕверот – Kurir.mk

„Убавицата и ѕверот“ – 20 години на репертоарот на ТДМ

Ова е најгледаниот филм во светот во 2017 година