убиен маж – Kurir.mk

ПРВО БИЛ УБИЕН, ПА ЗАПАЛЕН – страшни детали за мажот кој беше пронајден починат на Денот на независноста

Дарко Андоновски — Sun, 11 Sep 2022 11:02:22 +0000

Првичниот наод од обдукцијата врз телото на починат маж, кое беше пронајдено во семејна куќа во Кавадарци на 8 септември, покажа дека починатиот бил лишен од живот со повеќе убодни рани, а потоа бил запален. Со оглед на утврдените факти, Основното јавно обвинителство Кавадарци презема интензивни дејствија за откривање на сторителот или сторителите. Веднаш по пронаоѓањето на телото беше извршен увид на лице место, а сега по наредба на јавниот обвинител се вршат и дополнителни увидни дејствија и разговори со повеќе лица.

УЖАС ВО ХРВАТСКА: Едно лице загина во пукање на најпопуларната плажа

Магдалена Андонова — Thu, 25 Aug 2022 07:32:18 +0000

Едно лице е убиено во пукање кое утринава се случило на Паг, пренесува Индекс.хр. Околу 06:00 часот во полиција било пријавено дека едно лице е рането од огнено оружје во Колањски Гајец на Паг, во месноста Катарелац. Станува збор за една од плажите покрај популарниот остров Зрќе. На местото на инцидентот биле испратени полициски службеници, а набрзо во полициските простории било приведено лице поврзано со наведениот настан. Повредениот починал во брзата помош на пат кон болница. На местото на настанот се врши увид.

Лав стар 9 години го уби својот сопственик

Катерина Бојаџиева — Tue, 05 Mar 2019 13:45:04 +0000

Лав стар девет години го убил својот сопственик во село во источниот дел на Чешка, соопшти локалната полиција. Мажот одгледувал два лава, двегодишна женка и мажјак, без неопходна ветеринарна лиценца и во затворена просторија изградена без дозвола. Таткото на сопственикот на лавовите ја повикал полицијата откако го видел неподвижното тело на својот син во живеалиштето на лавовите. Полицијата морала да ги застрела двете животни, а претстaвник на локалната полиција потврди дека 34-годишниот сопственик на лавот е мртов и оти во тек е истрага за инцидентот. Мажот го чувал лавот од 2016 година, а женката од минатата година. Чешките медиуми јавија дела луѓето во селото постојано изразувале загриженост за присуството на животните. Минатиот јуни лавицата нападнала и повредила велосипедист, додека се шетала на поводник со својот сопственик.

Маж убиен со нож во кино додека гледал филм

Катерина Бојаџиева — Mon, 24 Dec 2018 18:54:49 +0000

Во кино во трговски центар во Полска за време на прикажување на детски филм бил убиен маж во кино салата, пренесуваат полските медиуми. Телевизијата Н24 објави дека нападот се случил во градот Шчеќин, кога напаѓачот избодел двајца мажи со нож. Портпаролката на полицијата потврди дека еден од двајцата мажи починал, објави АП. Напаѓачот е веднаш уапсен, но мотивот на нападот не е познат.