убиена жена – Kurir.mk

Жена убиена во напад со нож во Шведска, медиумите пишуваат дека напаѓачот е неонацист

Катерина Бојаџиева — Thu, 07 Jul 2022 06:26:42 +0000

Во шведскиот град Визби на островот Готланд вчера во напад со нож е убиена жена, за време на одржувањето на „Амалдален Неделата“, политички настан што традиционално секоја година се одржува во тоа место. Полицијата уапсила 33-годишен маж, додека нападнатата жена била префрлана во болница каде им подлегнала на повредите. Полицијата ги утврдува мотивите за инцидентот. Според првичните информации, лицето што го извршило нападот нема полициско досие. Во тек е прелиминарна истрага по убиството. Весникот „Афтонбладет“ го поврзува напаѓачот со неонацистички активности.

Трагедија: Жена убиена од нејзиното куче

Катерина Бојаџиева — Fri, 10 Jan 2020 19:02:39 +0000

Една 45-годишна жена била брутално нападната и убиена во парк за дресирање на кучиња од страна на нејзиното куче од белгиско-овчарската раса Малинуа, соопштија швајцарските судски власти, јавува дописникот на МИА. Швајцарските власти отворија истрага за да се утврдат околностите на оваа трагедија. Полицијата по повик во вторникот го пронашла безживотното тело на оваа жена во центарот за дресирање во Оборанж, во западниот дел на Швајцарија. Нејзиното куче, очигледно многу агресивно, било до неа и нападнало и каснало полицајка, пред да биде убиено од друг полицаец. -Првите констатации по обдукцијата укажуваат дека смртта се случила со крварење и дека е предизвикана од повеќекратни и сериозни повреди на нивото на горните екстремитети предизвикани од кучето, се вели во соопштението од заменик-јавниот обвинител на кантонот од Фрибург. Истрагите, особено медицинските, сè уште се во тек во обид да се утврдат точните околности на трагедијата. Паралелно со ова трагедија, во Франција, сопругот на бремената жена Елиза Пиларски, која беше убиена од кучиња на 16 ноември 2019, најави дека ќе ангажирал адвокати за да ги спаси неговите кучиња кои се ставени во шинтерската служба и најверојатно ќе бидат евтаназирани. Тој упорно тврди дека неговите кучиња не се виновни, но поради тоа што се наоѓаат затворени, тие најверојатно го промениле однесувањето и по најавената евалуација ги чека сигурна смрт. Неговата сопруга тргнала да го прошета нејзиното куче, по што тој ја нашол мртва искасана од кучиња, откако таа го контактирала во паника и му кажала дека е нападната од кучиња. Истовремено во шумата Рец, крај Сан Пјер-Егл, се одвивал и лов со кучиња во кои биле вклучени 62 ловечки кучиња, врз сите овие кучиња, како и на пет кучиња на брачната двојка била извршена ДНК анализа. Истрагата за овој случај и понатаму е во тек.

Бебето преживеа: Поранешниот маж ја убил бремената жена пред децата (ФОТО)

Катерина Бојаџиева — Wed, 14 Nov 2018 20:34:34 +0000

Британката Сана Мухамед (35), која била во осмиот месец од бременоста, со самострел ја убил поранешниот сопруг и тоа пред децата. Поранешниот маж, Сана ја нападнал додека миела садови во семејната куќа. Одведена е во болница каде е породена додека стрела се уште и била забиена во градите. Детето, кого роднините го нарекоа Ибрахим, е во критична состојба и се бори за живот. Мажот на жртвата, Имтиаз Мухамед, изјави дека самиот открил дека напаѓачот се скрил во шупата. „И викав да трча“, но тој ја погоди. Стрелата и помина само неколку сантиметри од телото на нероденото бебе. „Стрелата на Сана и се заби во срцето, но не го допре детето. Требаше да се породи за 4 недели. Поради преголемиот ризик не ја извадија стрелата во текот на операцијата“, рече мажот. Тој Сана ја опиша како прекрасна мајка и жена. Пријателите наведуваат дека таа имала 5 деца, три со првиот маж, кои имаат 12, 14 и 18 години и две со сегашниот, на возраст од 2 и 5 години. Убиецот Раманога Унматалегада е пронајден и се товари за убиство. „Нејзиниот први брак беше договорен, тие се од Маврициус. Беше многу постар од неа и не беа среќни. Тој се одсели и тие се разделија. Со Имитиаз беше многу среќна, ова е трагедија“, рече една нејзина пријателка.