убиена – Kurir.mk

Туристка убиена во Хрватска

Тале Кристо — Thu, 18 Aug 2022 12:00:28 +0000

Страшно злосторство се случи денеска во раните утрински часови кај Умаг, Хрватска, пренесува „Јутарњи лист“. Истарската полиција околу 4.55 часот добила пријава од Брзата помош дека интервенирале во стан во Закиње каде пронашле тешко повредена 40-годишна жена од Италија. И покрај интензивните напори на лекарите, несреќната жена по еден час починала бидејќи повредите кои ги имала биле страшни, пренесува хрватскиот весник. -Полициски службеници на местото на инцидентот вршат увид и ги утврдуваат сите околности, велат од истарската полиција за медиумите. Според неофицијални информации на весникот од местото на настанот, наводно се работи за кривично дело во стан во кој престојувале гости, 40-годишна жена и 30-годишен пријател, а претходните денови гласно се расправале. Наводно жената со сопругот во последните десет години редовно доаѓала на истото место на летување и се спријателила со сопствениците на куќата. Неодамна дошла со десет години помлад пријател, исто така Италијанец, да му го покаже станот за да може и тој да си резервира сместување за следната година. -Под стрес сум и шокирана. Заспав и негде околу 2:30 часот ме разбуди бучава од станот горе. Таа викаше, но не разбрав што точно зборува бидејќи само што се разбудив. Полека тргнав по скалите бидејќи сум болна, а потоа слушнав страшни удари и кршење на стакло. Ја видов вратата скрешна, стакло насекаде, Брзата помош дојде брзо. Му се јавив на нејзиниот сопруг брзо да дојде бидејќи се случи голема трагедија. Тој беше запрепастен. И замислете, може да дојде дури за три дена, како што планираше и претходно, бидејќи, како што ми кажа, во Украина е на работа, изјавила кратко за „Јутарњи“ една од сопственичките на куќата. Од ПУ на Истра велат дека уапсиле 30-годишен италијански државјанин кој е поврзан со оваа трагедија и дека во моментов е под кривична истрага. Сè уште се утврдува што било пресудно кавгата да прерасне во кривично дело за кое му се заканува повеќегодишна затворска казна. Исто така, се уште не е познато дали осомничениот во моментот на делото бил под дејство на алкохол или дрога.

Во Мексико убиена новинарка која била во државната програма за заштита на новинари

Тале Кристо — Mon, 24 Jan 2022 08:57:34 +0000

Мексиканската новинарка Лурд Малдонадо е убиена во северниот пограничен град Тихуана, соопштија властите, што е второ убиство на медиумски работник во оваа област во последните седум дена. Малдонадо имала повеќедецениско искуство и била убиена во нејзиниот автомобил во предградието на Санта Фе, соопшти државното Обвинителство. Убиството се случи помалку од седум дена откако почина фотографот Маргарито Мартинез, кој беше застрелан во главата пред неговиот дом во Тихуана. Извор запознаен со случајот изјави дека Малдонадо била регистрирана во државната програма за заштита на новинарите, која вклучувала полициски надзор на нејзината куќа. Малдонадо е трет убиен новинар во Мексико од почетокот на годината. Во периодот од 2000 до 2021 година, групата за човекови права „Член 19“ регистрирала 145 убиства на новинари во Мексико, а седум се случиле минатата година.

Малкумина ја паметат венчаната кума на Цеца: Беше млада ТВ водителка која заедно со своето момче беше у*иена среде Белград (ФОТО)

Дарко Андоновски — Mon, 20 Dec 2021 15:24:26 +0000

Светлана Цеца Ражнатовиќ и Жељко Ражнатовиќ Аркан го кажаа судбоносното „да“ пред пријателите и семејството на 19 февруари 1995 година. Кума на пејачката на венчавката беше младата новинарка во подем, Маја Павиќ. Само две години подоцна, во февруари 1997 година, Маја беше убиена од заседа со нејзиното момче Раде Чалдовиќ Ќента на улицата Француска. Маја како средношколка станала фотомодел поради убавината, висината и стасот, а потоа ја завршила двегодишното школување за новинар-презентер, бидејќи новинарството и било животен сон. Во 1991 година, таа започнала да работи на телевизија и да води емисии во живо. Таа се запознала со Цеца во 1993 година, кога била ангажирана од луѓето блиски на Аркан за да ги води промотивните собири и забави. „Беше тмурен ноемвриски ден. Цеца ја запознав во гардеробата на спортската сала во Панчево. На прв поглед не и бев особено пријатна, а ни таа мене не ми се допаѓаше. Зошто? Па, тоа беше баш така. Тоа траеше три дена, се додека четвртиот не влеговме заедно во еден џип и оттогаш сме неразделни.Често спиевме една кај друга, јадевме заедно, се дружевме… Подоцна одев на сите нејзини концерти, а таа ми доаѓаше на снимање на моите емисии“, изјави тогаш кумата на Цеца. „Кумството не се одбива, па затоа се разбира, се согласив“- рекла тогаш Маја и додала дека морала да ја издржи неколкунеделната гужва околу свадбата. Се чувствувала како таа да се мажи. Маја Павиќ потоа открила како го запознала својот кум Аркан, кој бил предизвик за сите новинари, но и своет момче Раде Ќалдовиќ. Пријателот на Жељко од детството. Се запознале во една дискотека на 26 април 1994 година. И нивната љубов траеше до 15 февруари 1997 година. Имено, убијците во раните утрински часови од хеклер со придушувач го убиле Раде Ќалдовиќ Ќента, едно од последните познати имиња на белградското и европското подземје, но и Маја Павиќ, која случајно се нашла таму, на улицата Француска среде Белград. Маја тогаш имала 25 години. Ќента важеше за член на старата гарда на жестоки момчиња кои долго време владееја со асфалтот во Србија и Европа. Сепак, последните години се чинело дека се повлекол и сака помирен живот. Се’ почесто можел да се види како опуштено седи со Маја во градот, а заедно почнале и да градат куќа. Некои велат дека премногу се опуштил и тој момент го чинело глава. Него, но за жал ниту виновна, ниту должна и неговата девојка, обајцата венчани кумови на Цеца и Аркан.

ХОРОР СЦЕНА ВО „ЛИДЛ“ ВО СПЛИТ: Вработена прободена неколку пати од зад грб од својот партнер

Магдалена Андонова — Tue, 30 Nov 2021 17:23:59 +0000

Жена е нападната во Лидл Маркет во Сплит, попладнево, непто пред 15 часот. Починала како последица на повредите со нож кои и биле нанесени од страна на маж, кој, според тамошните медиуми, и бил партнер со кого имала 10. годишно дете. Медиумите објавуваат дека маж ја нападнал вработената во Лидл пред очите на купивачите. Ја уби со повеќе убоди притоа неконтролирано викајќи – велат очевидци. Полиците и подот биле покриени со крв. Според зборовите на напаѓачот, кој викал по неа додека и нанесувал убоди со нож, се работи за нејзин поранешен партнер. На крвавиот напад му претходела кавга, а насилникот бил совладан од страна на обезбедувањето и неколку маќи кои го легнале на под. Според непроверени информации напаѓачот се обидел да си нанесе убоди и на себе, по што брутално ја нападнал својата жртва. Кутра жена, стоеше на нозе кога напаѓачот и дојде од зад грб. Имаше капа на глава, нешто викаше и извади нож. Ужасно! Ја прободе неколку пати. Сѐ уште сум во шок! – изјавува девојка, сведок на настанот.

Во вооружен напад во Авганистан убиена ТВ водителка

Магдалена Андонова — Thu, 10 Dec 2020 14:18:47 +0000

Вооружени лица денеска ја застрелаа ТВ-водителката Малала Маиванд во источен Авганистан, соопштија властите. – Напаѓачите, рано утрово, отворија оган кон автомобилот на Малала Маиванд, кратко откако таа излегла од куќа во источната провинција Нангархар, изјави портпаролот на гувернерот на провинцијата, Аталах Когиани. Никој не презеде одговорност за убиството, но огранок на терористичката Исламска држава со седиште во источен Авганистан ја презеде одговорноста за последните напади врз цивили во Авганистан. Талибанците се активни и во оваа област. Покрај работата како ТВ и радио водителка, Мајнвад беше и активистка, која се залагаше за правата на авганистанските жени и деца. (МИА)

Млада прилепчанка убиена пред очите нејзиниот 10-годишен син

Ивана Ефремовски — Sat, 29 Dec 2018 10:28:39 +0000

Во центарот на Прилеп, во населбата Тризла, синоќа доцна по расправија била убиена 33-годишна жена. Убиецот е нејзиниот партнер со кого живеела во вонбрачна заедница. Осомничениот на возраст од 36 години со неколку убоди од нож во пределот на градниот кош ја усмртил сега починатата. Настанот се случил во присуство на десет годишното дете на жртвата. „Надлежен јавен обвинител од Основното јавно обвинителство Припеп изврши увид на лице место заедно со увидна екипа од Министерството за внатрешни работи. Обезбедени се и подигнати траги од лице место кои ќе бидат предмет на вештачење. Јавниот обвинител издаде наредба за вршење на обдукција на телото на починатата. Според првичната информација од контролата со апарат за мерење на количината на алкохол – дрегер, осомничениот во себе имал повеќе од 2 промили алкохол. Точниот податок ќе се знае откако ќе заврши анализата на крв и урина од осомничениот која е побарана од обвинителството. Осомничениот не го напуштил местото на настанот и е веднаш лишен од слобода“, соопштија од ОЈО. Надлежен јавен обвинител од Основното јавно обвинителство Прилеп ги презема сите дејствија за целосно расчистување на предметот.

Ужас кој го вознемири светот: Млада спортистка раскасапена до смрт бидејќи му раскинала на момчето (ВИДЕО)

Ивана Ефремовски — Thu, 27 Dec 2018 13:57:45 +0000

Талентираната руска пливачка Сафија Аскарова (16) брутално ја избоде до смрт нејзиното момче Никита Малигин откако младата девојка раскина со него. Во налет на бес, тој и нанесол смртоносни рани на девојката, дури и 30 пати ја прободел со нож во вратот, градите и стомакот. Целиот настан се случи во нејзиниот роден град Толиати, а детективите сè уште ги истражуваат деталите од оваа трагедија. Таа одлучила да ја прекине врската со Малигин за да се посвети на својата професионална кариера. Нејзина голема желба беше да учествува на Олимписките игри и токму таа нејзина амбиција и талент предизвикале огромна љубомора кај убиецот. Малигин е нешто постар, но тој не ја оствари кариерата на која се надеваше, и тоа беше еден од факторите што доведоа до вакво затемнување на свеста. Тој тврди дека не се сеќава токму на тој момент. -Го извадив ножот. Одвај се сеќавам каде точно избрав. Се сеќавам дека ја убив и дека наскоро падна на земја. Таа се обиде да избега, но продолжив да ја прободувам со нож. Го фрлив ножот во тоа место. Отпрвин не сфатив што направив. Сепак, сфатив кога дојдов дома “, рече тој на сослушувањето во полициската станица. Девојчето беше специјалист за пливање делфин стил, а минатата година таа беше втора на младинскиот руски шампионат. Нејзиното исчезнување на почетокот беше мистерија бидејќи таа им кажа на своите родители дека оди да пазарува, а всушност се нашла со Малигин. Таа беше пронајдена во понеделникот околу 23 часот, а на местото на злосторството (градилиште) полицијата пронајде нож.

Славната убавица пронајдена мртва во својот стан: Камерите откриваат морничав детаљ! (ВИДЕО)

Ивана Ефремовски — Sat, 25 Aug 2018 07:15:27 +0000

Моделот Кристина Карлин Крафт била убиена во нејзиниот стан во близина на Филаделфија, а полицијата се обидува да го реши случајот. Во средата, полицијата го пронашла телото на Крафт (36) во својот кревет во Ардмор. Аутопсијата открила дека станува збор за убиство и дека причината за нејзината смрт е давење. Извори велат дека на безбедносните снимки, еден човек ја следи манекенката во зградата ноќта пред нејзиното тело да биде пронајдено. Се претпоставува дека убиецот избегал низ балконот. Полицијата не кажала кој ги поканил да одат во станот на манекенката. Досега никој не е уапсен и истрагата е во тек. -Според полицијата, тие претходно биле во нејзиниот стан, бидејќи истражувале можен грабеж, откако таа неколку дена пред нејзината смрт известила дека и недостигале неколку парчиња накит и брендирани чанти ташни од нејзината куќа. Полицијата успеала да поврати дел од украдените предмети, но не било објавено дали крадецот е уапсен или дали има нешто поврзано со нејзиното убиство, пишува Daily Mail. Крафт во новиот стан во тивко предградие на Ардмор се вселила пред една недела. Манекенката рекламирала брендови на долна облека, накит и облека. Крафт, исто така, се сликала и за Плејбој, но овие фотографии, како што тврди, биле направени со вкус и претставувале омаж на холивудскиот гламур. Таа исто така се појавила во списанијата Максим, Ванити фер и др.

ХОРОР: Убиена бремена пејачка бидејќи не можела да стои додека пее (ФОТО)

Ивана Ефремовски — Thu, 12 Apr 2018 19:10:06 +0000

Пакистанската пејачка Самира Синдху е убиена на среде настап на семејна прослава зашто еден од гостите сакал таа да стои. Пејачката , која била бремена во осмиот месец, ги забавувала гостите на семејна прослава. Додека пеела , еден од присутните почнал да вика по неа да стане и да пее стоејќи, но таа се извинила, по што се слушнале три истрели. Пејачката загинала на самото место, а денеска низ земјата се одржуваат протести на кои се бара правда за несреќната пејачка. Полицијата уапсила еден маж, но демонстрантите бараат да бидат уапсени уште двајца мажи кои биле во непосредна близина на 28-годишната Самира. Таа во земјата е многу популарна и има издадено два албума