убиени цивили – Kurir.mk

ОН: Над 300 илјади цивили убиени во Сирија за време на десетгодишниот конфликт

Магдалена Андонова — Tue, 28 Jun 2022 16:04:13 +0000

Организацијата на Обединетите нации денеска соопшти дека во текот на десетте години од конфликтот во Сирија биле убиени повеќе од 300.000 цивили. Според извештајот на Канцеларијата на ОН за човекови права, од 1 март 2011 до 31 март 2021 година во Сирија се убиени 306.887 цивили. Се проценува дека во истиот период биле убиени десетици илјади војници и членови на вооружени групи. Во бројот на убиените цивили не се вклучени оние кои биле погребани без знаење на властите. – Тоа се луѓе убиени во директни воени операции. Во бројката не се вклучени многу, многу повеќе цивили кои загинале поради губење на пристапот до здравствена заштита, храна, чиста вода и други основни човекови права, истакна високата комесарка на ОН за човекови права Мишел Башле. Во извештајот се наведува дека поединечно се документирани 143.350 цивили, додека статистички се проценува дека уште 163.537 цивили биле убиени во војната во Сирија.

ОН: Од почетокот на инвазијата во Украина убиени најмалку 1563 цивили

Тале Кристо — Wed, 06 Apr 2022 16:53:54 +0000

Од почетокот на руската инвазија на Украина, убиени се најмалку 1563 цивили, објави канцеларијата на високиот комесар за човекови права во Обединетите нации (ОХЦХР). Во соопштението се наведува дека се ранети намалку 2213 цивили. ОХЦХР наведува и дека „вистинските бројки се веројатно многу поголеми“. Како места во кои се убиени најмногу цивили, според досегашните извештаи, се наведуваат Мариупол, Валноваху, Изјум, Попасна и Бородјанка.

Убиени 13 цивили во напад во Сенегал

Ивона Петрова — Sun, 07 Jan 2018 11:14:09 +0000

Непознат напаѓач денеска со автоматско оружје уби 13, а повреди седум луѓе, во шума во сенегалскиот регион Касаманце, соопшти армијата. - Засега не е познато кој го извршил нападот и од какви причини пукал врз цивили кои во шумата собирале дрва за огрев, истакна портпаролот на војската, Абдулах Ндаје. Овој регион во јужниот дел на Сенегал е упориште на бунтовничкото сепаратистичко движење, формирано во 1982 година, кое бара независност на областа од северниот дел на Сенегал.