убиени лица – Kurir.mk

ВИДЕО: Пукање во Грција, шестмина мртви

Ивона Петрова — Mon, 11 Sep 2023 17:13:59 +0000

Најмалку шест лица загинаа во престрелка во градот Луца во Грција, пишува „Катимерини“. Престрелката се случила во попладневните часови. Отворен е оган на возило со германски регистарски таблички. Во возилото имало пет лица, а едно било надвор, пишува грчкиот весник.

Βίντεο από το σημείο της δολοφονικής επίθεσης στη #Λούτσα - Οι πρώτες πληροφορίες κάνουν λόγο για έξι νεκρούς. pic.twitter.com/HFPgtskgHx
— Kathimerini_Web (@KathimeriniWeb) September 11, 2023

На местото на настанот излегле полициски екипи и брза помош. Според неофицијални информации, станува збор за пресметка меѓу членови на две банди.

Бројот на загинатите во Краматорск достигна 8, повредени се 56

Ивона Петрова — Wed, 28 Jun 2023 06:55:14 +0000

Бројот на загинати во рускиот напад врз ресторан во градот Краматорск во источна Украина е најмалку осум, а 56 се повредени, според новите информации од службите за итни случаи. Меѓу загиантгите има три деца, соопшти украинската служба за итни случаи. „Спасувачите ги пребаруваат остатоците од зградата и бараат луѓе кои можеби се наоѓаат под урнатините“, се додава во соопштението. Краматорск е голем град западно од линијата на фронтот во Доњецката област и најверојатно ќе биде клучна цел на можното руско напредување кон запад за да ја заземе целата област. Честопати беше цел на руски напади, вклучително и напад врз железничката станица во април 2022 година, во кој загинаа 63 лица.

НВО: При задушувањето на протестите во Иран убиени најмалку 537 лица

Ивона Петрова — Wed, 05 Apr 2023 06:12:37 +0000

Иранските безбедносни сили убиле најмалку 537 лица во задушувањето на протестите што почнаа во септември минатата година во земјата, соопшти Иранската организација за човекови права. Во претходниот извештај на истата организација се вели дека во задушувањето на протестите биле убиени 488 демонстранти. Невладината организација со седиште во Норвешка, која објави извештај по повод 200 дена од смртта на Махса Амини, наведе дека во новиот број на загинати се вклучени и новите потврдени смртни случаи. Најсмртоносни месеци биле септември со 223 смртни случаи, октомври со 100 смртни случаи и ноември со 173 смртни случаи. Иран го тресе протестно движење по смртта на Махса Амини, 22-годишна иранска Курдка, која почина во притвор откако беше приведена од полицијата за морал поради кршење на строгите правила за облекување. Таа почина на 16 септември, три дена по нејзиното приведување. Иранските власти тврдат дека стотици луѓе, вклучително и припадници на безбедносните сили, се убиени во протестите, кои стивнаа во последните недели. Најмногу смртни случаи, 134, се пријавени во провинцијата Систан и Белуџистан сиромашен југоисточен регион во кој живее малцинството Белуџи, кои се придржуваат првенствено кон сунитскиот ислам. Во Иран доминира шиитскиот ислам. Најмалку, 69 смртни случаи се регистрирани во Техеран, 57 во провинцијата Курдистан и 56 во провинцијата Западен Азербејџан – две провинции во кои живее курдско малцинство, додаде невладината организација.

Тројца загинати во пукањето во центарот на Париз

Ивона Петрова — Fri, 23 Dec 2022 14:40:41 +0000

Три лица загинаа денеска по пукотница во центарот на Париз, соопштија обвинителите. Уапсениот по смртоносното пукање во Париз им бил познат на властите, јавуваат медиумите во Париз. Радиото Франс Инфо, повикувајќи се на полициски извори, јави дека е осомничен 69-годишен маж кој бил познат по два претходни обиди за убиства. Весникот „Паризиен“ објави дека Французинот минатата година со сабја нападнал камп за мигранти, при што повредил неколку лица. Човекот излегол од затвор во средината на декември и бил под судски надзор. Осомничениот, пукал во 10-та област на градот и притоа убил три лица, а други беа повредени. Според градоначалничката на округот, Александра Кордебард, мажот пукал во курдски центар, како и во ресторан и фризерски салон. Обвинителството покрена истрага, засега нема информации за мотивот на напаѓачот.

ВИДЕО: Масакр во Северна Каролина, убиени пет лица

Ивона Петрова — Fri, 14 Oct 2022 05:53:50 +0000

Во главниот град на американската сојузна држава Северна Каролина, Роли, денеска е уапсен вооружен маж, откако претходно убил пет лица, вклучувајќи и полицаец кој не бил на должност, соопштија градските власти. Осомничениот за нападот, за кој засега ништо не се знае, ранил неколку лица, меѓу кои и полицаец кој работел со кучиња. -Неговиот живот не е во опасност, изјави претходно градоначалничката Мери-Ен Болдвин, изразувајќи жалење за тажниот и трагичен ден. Првите истрели се слушнале нешто по 17 часот (23 часот по средноевропско време) на патеката во градот со 500.000 жители, главниот град на Северна Каролина. Голем број припадници на полициските сили веднаш биле распоредени да го пронајдат сторителот, наведуваат локалните медиуми. -Го видов како минува пред мојата куќа, во градината. Имаше ловечка пушка со долга цевка и носеше маскирна униформа, изјави Роберт, сведок кој сакаше да остане анонимен, за локалната мрежа ВРАЛ (WRAL). Градоначалничката Болдвин, на прес-конференција кажа дека „полицијата на Ралији околу 20 часот успеала да го опколи осомничениот“. „Осомничениот е во притвор“, објави полицијата на Твитер. Агенциите претходно јавија за шест смртни случаи во пукотницата. Пукањата со смртни последици се редовна појава во САД, земјата која плаќа висока цена затоа што голем број луѓе поседуваат огнено оружје, што лесно се добива. -Во борбата против ова зло, мораме да направиме многу повеќе, повика видно потресената градоначалничка на главниот град на Северна Каролина. Во 2021 година во САД од огнено оружје беа убиени околу 49.000 лица, додека година претходно беа застрелани 45.000, која важеше за година со најголем број жртви. Тоа е повеќе од 130 смртни случаи дневно, од кои повеќе од половината се самоубиства.

ГРОЗОМОРНО: Убиени 10 лица додека чекале ред за леб во Украина- ова се тврдењата на Амбасадата на САД во Киев

Катерина Бојаџиева — Wed, 16 Mar 2022 14:29:37 +0000

Американската амбасада во Киев денеска соопшти дека руските сили убиле десет луѓе додека чекале ред за леб во украинскиот град Чернигов. Во соопштението објавено на Твитер и Фејсбук, Амбасадата на САД не ги наведе доказите или изворите на своето тврдење. – Руските сили денеска пукаа и убија 10 луѓе кои стоеја во ред за леб во Чернигов. Таквите ужасни напади мора да престанат. Ги разгледуваме сите можни опции за да обезбедиме кривична одговорност за ужасните злосторства во Украина, наведува амбасадата на САД во Украина. Руската страна, која ги отфрла обвинувањата дека цивили се мета на напади на руската војска во Украина, досега не ги коментираше овие тврдења.

Масакр во Вухан: Убил 7 лица, а потоа скокнал од мост

Катерина Бојаџиева — Tue, 26 Oct 2021 11:27:51 +0000

Кинеската полиција соопшти дека трага по маж кој убил седум лица во градот Вухан, а потоа скокнал од мост. Осомничениот 39-годишник убил петчлено семејство, а потоа уште две лица при бегството, соопшти полицијата во Вухан. Тој во неделата вечерта дошол во домот на привремениот секретар на владејачката кинеска Комунистичка партија во едно село во близина на Вухан, тврдејќи дека треба да реши нешто со него. Секретарот на партијата и неговата сопруга биле пронајдени мртви, како и нивната снаа и двајца внуци. При бегството, осомничениот убил и случаен минувач и возач кому му го украл автомобилот. Убиецот побегнал до мостот на реката Јанг Це, од каде скокнал во реката вчера рано утрината.

Болничар се соочува со смртна казна: Убил 4 лица, им вбризгувал воздух во вените

Катерина Бојаџиева — Thu, 21 Oct 2021 16:17:40 +0000

Медицински техничар од Тексас е прогласен за виновен поради убиство на четворица пациенти на кои им вбризгувал воздух во вените по операција на срцето. Триесет и седум годишниот болничар, Вилијам Дејвис сега се соочува со смртна казна, пишува Би Би Си. Машки пациенти во болница во Тексас, на возраст меѓу 47 и 74 години, имале „симптоми слични на напади“ и починале од смртоносно оштетување на мозокот, откако Дејвис им вбризгувал воздух во вените. Пациентите претходно добро закрепнувале од операциите и на лекарите не им било јасно како нивната состојба драстично се влошила. Во текот на судењето објавени се снимки од безбедносните камери на кои се гледа како болничарот влегува во една од собите на пациентите, а потоа се огласил алармот од срцевиот монитор. Адвокатот на медицинскиот техничар, Филип Хејс, за време на судењето тврдеше дека нема конкретни докази дека луѓето починале од вбризгување воздух, изразувајќи верување дека неговиот клиент всушност бил „жртвено јагне за болницата со сериозни процедурални проблеми“.

Иран одговори на Америка со напад на бази во Ирак, тврди дека се убиени најмалку 80 лица

Ивона Петрова — Wed, 08 Jan 2020 07:24:02 +0000

Иран испука балистички ракети на две бази во Ирак со американски војници, а Иранската револуционерна гарда, која ја презеде одговорноста за нападот, посочи дека нападите врз базите се „одмазда за убиството на командантот на единицата Кудс, Касим Сулејмани“. Иранската државна телевизија објави дека во нападите врз двете бази во Ирак, Ирбил и Ајс ел Асад, се убиени најмалку 80 „американски терористи“. Иранскиот министер за надворешни работи Мохамед Џавад Зариф посочи дека Иран презел пропорционални мерки во самоодбрана во согласност со член 51 од Повелбата на ОН и врз основа на тоа од каде е извршен „кукавичкиот напад“ против иранските државјани. – Не сакаме ескалација или војна, но ќе се браниме од агресија, напиша Зариф на Твитер. Пред да се соопштат податоците за евентуални жртви, се огласи и американскиот претседател Доналд Трамп, која напиша на Твитер дека ракетите се лансирани од Иран на две воени бази во Ирак. – Во тек е проценка на штети и жртви. Засега се е добро. Ја имаме најмоќната и најопремената војска на светот, напиша претходно Трамп и најави скоро обраќање. Иран, како што наведе Би-Би-Си, соопшти дека нападот е одмазда за убиството на генералот Сулејмани. – Сега кога ја сфатија нашата моќ време е САД да ги повлечат своите сили од Блискиот исток, рече началникот на Генералштабот на иранската војска Мохамед Бакери.

ФОТО: Крвава забава во Калифорнија, убиени најмалку четири лица

Ивона Петрова — Mon, 18 Nov 2019 07:25:49 +0000

Најмалку четири лица загинаа, а 10 се повредени откако непознат сторител влегол во двор на приватна куќа, каде една група гледала спортски натпревар и почнал да пука. Инцидентот се случи синоќа во градот Фресно, Калифорнија. Три лица се пронајдени мртви во дворот, а четвртиот им подлегнал на повредите во болница. Другите шест повредени се хоспитализирани и во добра здравствена состојба.