убиени луѓе – Kurir.mk

Во напад на екстремистите во Буркина Фасо убиени 100 цивили

Магдалена Андонова — Mon, 13 Jun 2022 16:55:27 +0000

Најмалку 100 цивили се убиени за време на викендот во руралниот дел на северот на Буркина Фасо, потврдија денеска локални безбедносни извори, пренесуваат британските медиуми. Вооружениот напад се случил во пограничните области кон Нигер, каде се побунети екстремисти поврзани со Ал Каеда и Исламската држава. Бројот на загинатите не е официјално објавен, а според некои извори загинале 165 цивили. Претходно денеска Обединетите нации го осудија нападот и ги повикаа властите да ги изведат сторителите пред лицето на правдата. (МИА)

Масакр во Мјанмар, армијата тврди дека елиминирала терористи

Магдалена Андонова — Sat, 25 Dec 2021 20:30:38 +0000

Повеќе од 30 цивили, меѓу кои и жени и деца се убиени, а телата им се запалени во мјанмарската сојузна држава Кајаха. Локалните жители и организациите за заштита на човековите права потврдија дека во близина на селото Мо Со пронајдени се изгорени тела на внатрешно раселени лица, кои биле убиени од припадници на армијата на Мјанмар. Армијата на Мјанмар соопшти дека во селото Мо Со убила „вооружени терористи“ од редовите на опозициските вооружени сили. Кризата во Мјанмар трае од февруари кога беше со воен удар беше соборена владата на Аунд Сан Су Чи. По масовните протести армијата голем број противници ги прогласи за предавници и терористи. Ширум земјата се појавија многу локални сили на отпорот.

Напад на полицијата во Западен Дарфур – 48 луѓе се убиени

Магдалена Андонова — Sun, 17 Jan 2021 14:22:01 +0000

Најмалку 48 луѓе загинаа, а 97 се повредени при напад на милицијата во градот Ел Генеина, Западен Дарфур, јави суданската државна новинска агенција СУНА. Нападот се случи неколку недели откако мировните сили на Обединети нации почнаа да се повлекуваат од регионот. Насилството почна откако член од племето Масалит со нож избодел припадник на арапско племе. – Вооружените милиции го искористи инцидентот и го нападна Ел Генеине од сите страни, се наведува во соопштението на организацијата за заштита на човековите права Дарфурска адвокатска комора. Комората ги обвини милициите за грабежи и кршење на човековите права. Гувренеропт на Западен Дарфур вчера прогласи вонредна состојба, воведе полициски час и одобри употреба на сила за стабилизирање на ситуацијата. Судирите во Западен Дарфур се голем предизвик за преодната суданска Влада која се обидува да стави крај на повеќедецениските бунтови во некои области, меѓу кои и Дарфур, каде мнозинството луѓе живеат во кампови за раселени лица и за бегалци. Пред повеќе од една година во Западен Дарфур во судири помеѓи Арапите и неарапското населени загинаа 54 луѓе, а раселени се околу 40.000 лица, од кои илјадници во соседен САД. Во Судан во бунтот од април 2019 година соборен е долгогодишниот претседател Омар ал Башир, а со земјата управува воено-цивилна влада, додека избори нема да се одржат пред есента во 2022 година. Советот за безбедност на ОН стави крај на мандатот на заедничката мировна мисија со Африканската Унија во Дарфур. Одлуката е донесена по притисокот на суданската преодна влада, Русија и дел од африканските држави.