убиено дете – Kurir.mk

Американец уби дете со палестинско потекло поради војната во Израел

Ивона Петрова — Mon, 16 Oct 2023 05:54:51 +0000

Седумдесет и едногодишен маж од Илиноис е обвинет за убиство на шестгодишно момче и повредување на 32-годишна жена во, како што наведе полицијата, злосторство од омраза поради што биле муслимани и поради војната помеѓу Израел и исламистичката група Хамас. Полицијата ги пронашла жената и момчето во саботата наутро во дом во Плејнфилд, југозападно од Чикаго, се наведува во соопштението на Канцеларијата на шерифот на округот Вил. Детето било избодено десетици пати, како и жената која се здобила со повеќе убодни рани. Детективите утврдија дека и двете жртви на нападот биле мета бидејќи биле муслимани и поради тековниот конфликт на Блиски Исток во кој се вклучени Хамас и Израелците, се наведува во полициското соопштение. Нападот го пријавила жртва на нападот, која се јавила на телефон за итна помош за да пријави дека била нападната со нож од сопственикот на станот каде живеело семејството. Насилникот доби кривична пријава за убиство од прв степен, обид за убиство и тежок напад со смртоносно оружје. Според Советот за американско-исламски односи, повредената жена е мајка на убиеното дете. Исламската организација за граѓански права го опиша случајот како „наш најлош кошмар“ и дел од вознемирувачкиот пораст на повици и мејлови кои содржат говор на омраза од почетокот на војната помеѓу Израел и Хамас.

Убиено 14-годишно дете во Приштина

Катерина Бојаџиева — Tue, 01 Mar 2022 11:00:26 +0000

Дете на 14-годишна возраст е убиено утрово во Приштина, во близина на училиштето во кое учело, јави дописникот на МИА од Приштина. Косовската полиција потврди дека ученикот на 9-то одделение, со иницијали Р.Х., во основното училиште „Хилми Раковица“ во Приштинската населба Врањевац починало како последица на повреди здобиени од остар предмет (нож). Засега нема официјални инормации за уапсени лица, но телевизијата Т7 јави дека едно малолетно лице е приведено во полиција во врска со случајот. На местото на настанот, во близина на училиштето каде што се случи убиството, излегоа надлежни екипи на полицијата и обвинителството, како и претставници на Министерството за образование.

Ужас во Киев: Пукано кон автомобил на пратеник, убиен неговиот тригодишен син (ВИДЕО)

Ивона Петрова — Mon, 02 Dec 2019 07:19:30 +0000

Во центарот на Киев, засега непознати напаѓачи пукале кон автомобилот на пратеник, при што е убиен неговиот тригодишен син. Според полициски извори, автомобилот „ренџ ровел“ го управувал Вјачеслав Собољев, бизнисмен и пратеник на регионалниот совет. Украинското Министерство за внатрешни работи на Фејсбук објави дека „по ранувањето, детето починало во возилото за брза помош, на пат кон болницата“. Министерството засега не објави кој е сопственикот на автомобилот, ниту идентитетот на жртвата.