убиено лице – Kurir.mk

Украински првак во кикбокс убиен во битка со руската војска

Катерина Бојаџиева — Wed, 21 Jun 2023 10:49:49 +0000

Украинскиот шампион во кикбокс Максим Бордус (23) е убиен во борба против руските воени сили, објави украинската интернет страна „Спортски ангели“ на која се евидентираат воените жртви меѓу спортистите. Бордус, како што е соопштено, загинал на 11 јуни во „жестоки борби против руските агресори“. Со секој изминат ден со оружје во рацете се приближуваме до победата на Украина, но тој самиот тоа нема да го види, напиша невладината организација, објавувајќи фотографија на која Бордус позира со неколку медали. На интернет страна на украинскиот претседател Володимир Зеленски е објавена петиција со која се бара на Бордус постхумно да му се додели титулата „Херој на Украина“. Бордус ѝ се приклучи на украинската војска на првиот ден од руската агресија во февруари лани, а го загуби животот од руска граната при борбена мисија во јужниот регион Запорожје.

Напаѓач отворил оган на паркинг во касарна во Пенсилванија, убил еден и повредил друг полицаец, убиен е по потера

Катерина Бојаџиева — Mon, 19 Jun 2023 08:26:56 +0000

Државната полиција во Пенсилванија идентификуваше еден полицаец кој беше убиен и еден тешко повреден во нападите во саботата што ги изврши вооружен маж, кој упадна во касарна на државната полиција и отвори оган, а подоцна беше убиен по потера и размена на оган. Со убиството и ранувањето на полицајците, билансот на престрелките минатиот викенд во Пенсилванија се искачи на шест смртни случаи и повеќе од 10 ранети. Полицаецот Жак Ружо Јуниор (29) е убиен, а поручникот Џејмс Вагнер (45) е тешко повреден, додека напаѓачот Брендон Стајн (38) од Томпсонтаун побегнал, но бил убиен по потера, соопшти полицијата. Официјални лица потврдија дека мотивот за нападот сè уште не е јасен, но велат дека Стајн го внел својот пикап на паркингот во касарната Луистаун во округот Џунијата околу 11 часот во саботата и отворил оган со пушка со голем калибар кон обележаните патролни автомобили, а потоа избегал. Потполковникот Џорџ Бивенс, заменик-комесар за оперативни активности, кој ја координираше потерата од хеликоптер, рече дека Стајн изгледа како да си игра „мачка и глушец“, наведувајќи дека бегалецот прво повикал Итна помош на одредена локација, но не почекал, туку продолжил да бега.

Убиен 42-годишен маж од Велес, приведен убиецот

Катерина Бојаџиева — Tue, 13 Jun 2023 09:39:56 +0000

Во селото Подлес, општина Градско, полициски службеници од СВР Велес го лишиле од слобода 61-годишниот С.И. од село Подлес. Како што информира МВР, тој вчера околу 16:10 часот пред неговата куќа по претходна расправија од пиштол „Црвена Застава“ испукал неколку куршуми кон 42-годишниот М.Д. и 44-годишниот М.В., двајцата од Велес. -Од здобиените повреди во амбулантата во Градско починал М.Д., а смрт констатирал лекар од Итна медицинска помош. М.В. се здобил со тешки телесни повреди и бил пренесен во болницата во Велес за укажување помош, информира Ристе Самарџиев, портпарол на СВР Велес. Пиштолот бил пронајден и одземен, а С.И. бил задржан во полициска станица. Увид на местото на настанот извршиле екипа од СВР Велес и јавен обвинител по чија наредба телото на починатиот било дадено на обдукција.

Детали од ужасот во Хрватска: Србин со пиштол убил Црногорец

Магдалена Андонова — Thu, 25 Aug 2022 13:03:15 +0000

Утринава едно лице загина во Хрватска, откако било застрелано на една од плажите покрај популарниот Зрче, по што полицијата ги објави деталите. Ранетиот починал во возилото на брзата помош на пат кон болница, а „Задарски.хр“ објави дека Србин застрелал Црногорец. Државјанинот на Србија со огнено оружје го погодил државјанинот на Црна Гора, кој потоа починал на пат кон болница, објави медиумот. - Запознаен сум со инцидентот, но засега не можам да откривам други детали. Кога ќе дознаеме повеќе од истрагата, ќе ја известиме јавноста, соопшти началникот Шиме Глигор.

Обвинител убиен на меден месец на плажа во Колумбија

Катерина Бојаџиева — Wed, 11 May 2022 08:22:34 +0000

Убиен е парагвајски обвинител за организиран криминал за време на медениот месец во Колумбија, јави Би-Би-Си. Марсело Печи бил на плажа на популарниот остров Бару, кога е убиен од страна на две вооружени лица. Неколку часови пред пукањето, сопругата на Печи на Инстаграм објави дека е бремена. Како што изјавила сопругата, новинарката Клаудија Агилера, убиениот не добил никакви закани. Едно од вооружените лица „без збор пукал во Марсело два пати, еден куршум го погодил во лицето, а друг во грбот“. Парагвајскиот претседател Марио Абдо Бенитез пукањето го опиша како „кукавичко убиство“. Шефот на колумбиската полиција, како и истражители од Парагвај, биле на место на злосторството. Жртвата специјализираше за организиран криминал, трговија со дрога, перење на пари и терористичко финансирање. Во 2020 година, Печи играше улога во случајот против поранешниот бразилски фудбалер Роналдињо, кој беше уапсен при обид да влезе во Парагвај со лажен парагвајски пасош.

Едно лице убиено во тепачка во Прилеп

Дарко Андоновски — Thu, 15 Oct 2020 14:33:08 +0000

Едно лице го загубило животот во тепачка што се случила во Прилеп помеѓу две групи. При интервенцијата полициски службеник пукал двапати во воздух за да ги спречи лицата да продолжат да се тепаат. Причината за пресметката засега не е позната. Според информациите на МВР, вчера 20.38 часот во полиција било пријавено дека во населба Тризла во Прилеп настанала тепачка помеѓу повеќе лица. Полициски службеници излегле на местото на настанот и било утврдено дека настанала физичка пресметка помеѓу две групи и со повреди од остар предмет се здобил Е.Б.(31) од Прилеп, констатирани во Општа болница Прилеп, додека едно лице не давало знаци на живот. Лекар од Итна медицинска помош Прилеп констатирал смрт кај Т.Б.(42) од Прилеп. По наредба на јавен обвинител на телото на починатиот ќе се врши обдукција.

Aлсат-М: Во Тетово пронајден убиен општински службеник

Катерина Бојаџиева — Fri, 26 Jul 2019 10:57:52 +0000

Предмалку во близина на главниот плоштад во Тетово беше пронајдено убиено лицето со иницијали Ф.Т роден во 1962 година, пренесува Алсат- М. Безживотното тело беше пронајдено во неговиот автомобил од страна на неговиот син кој веднаш потоа пријавил во полиција. Убиеното лице е поранешен возач на Хазби Лика и во моментот беше вработен во Секторот за урбанизам во општина Тетово. На стаклото од автомобилот се пронајдени дупки од огнено оружје, но сеуште не е познато дали станува збор за убиство или самоубиство. Полициските сили пристигнаа на местото на настанот и целосна истрага ја спроведува тетовското Обвинителството.