убиено момче – Kurir.mk

Бабата на убиениот Нахел повика на прекин на нередите во Франција

Дарко Андоновски — Sun, 02 Jul 2023 17:51:59 +0000

Бабата на 17-годишниот Нахел чие убиство во вторникот предизвика бран нереди во Франција, денеска повика на смиреност, а нејзиниот внук да не се користи како изговор за насилства. - На луѓето што кршат им велам: запрете! Не кршете ги излозите, училиштата и автобусите! Запрете, мајките се качуваат во автобусите, мајките излегуваат надвор. Нека се смират овие млади луѓе, изјави 70-годишната Надија за француската телевизја БМФ. Таа истакна дека оние кои кршат и вршат насилства ја користат смртта на нејзиниот внук само како како повод. Вели дека е лута на полицаецот кој пукал во Наел, но не сака да прави генерализации за однесувањето на француската полиција. Нахел беше убиен од полицаец во вторникот во предградие на Париз. Полицаецот беше приведени и против него е поднесено обвинение за убиство со умисла. Убиството на момчето предизвика бран немири во поголемите градови во Франција, кои траат веќе шест дена.

ХОРОР: До смрт претепано мало дете, мајката-монструм лажела дека паднало по скали

Ивана Ефремовски — Sun, 15 Jan 2023 20:33:39 +0000

Четиригодишно момче од германското место Барзингхаузен во близина на Хановер било брутално претепано до смрт од партнерот на својата мајка. Потоа мајката на детето, ги лажела полицајците дека тоа паднало по скали. Што објавуваат тамошните локални медиуми? Мајката на момчето (28) и нејзиното момче (33) од вчера се во притвор. Тој човек е осомничен дека го претепал детето до смрт. Извори од истрагата откриваат дека жената не се обидела да го спречи ужасниот чин на насилство. Мајката се јавила на бројот на итните служби околу 8 часот наутро во петокот, а на полицајците им кажала дека го нашла детето мртво во креветот, по што се обидела да го реанимира, но не успеала. Нејзината следна верзија на ужасниот настан била дека детето паднало по скали. Лекар од итната помош забележал дека на телото на детето има повреди кои не се совпаѓаат со верзијата на мајката, по што пријавил во полицијата. Врз телото била извршена обдукција, која потврдила дека повредите не може да се припишат на пад по скали. Мајката и нејзиниот партнер се во притвор, а шестгодишната сестра на убиеното момче е згрижена од социјалните служби.

Крвавите дамки уште стојат, жителите во шок: Убиеното момче беше примерно дете

Катерина Бојаџиева — Wed, 14 Aug 2019 12:03:48 +0000

Крвави дамки се јасно видливи на тротоарот во паркчето во скопската населба Ново Лисиче каде што синоќа по полноќ беше убиен 17-годишниот Н.Х. кој живееше во блиските згради. Траги има на неколку места во близина на клупите на кои што најчесто секоја вечер се собираат млади. Тоа укажува дека крвавиот инцидентот се случил на средина на плоштадот во „Паркот на музиката“, а прободеното момче потоа било пренесено до клупите за да му се укаже помош. Но, се било залудно бидејќи момчето кое, според изјавите на жителите, било примерно, подоцна починало, пренесува Скопско Ехо. -Го знам Никола, беше многу добар и мирен дечко. Колку што разбрав од другарите кои знаат нешто, оној што го убил е од друга населба односно од општина од другата страна на Вардар. Тие синоќа дошле тука во нашата населба. А како и зошто потоа се случила тепачката не ми е познато, изјавило едно момче од оваа населба. Жителите на овој дел на населбата во близина на ОУ „Лазо Ангеловски“ се во шок од она што се случи. Граѓаните минуваат покрај местото не криејќи ја тагата заради загубата на еден млад живот. Неколкумина кои ги затекнавме околу местото на настанот ни раскажаа дека, колку што знаат, се работи за расправија која започнало од порано. Но, дали таа расправија била врзана и за настраданото момче или за некој друг од негова група па тој настрадал недолжен, се уште не е познато, пишува порталот. Жителот на населбата Горан Николовски рече дека е револтиран и разочаран од овој инцидент. -И јас го знам детето, беше другар на син ми. Жално е ова. Ова треба да ни е предупредување на сите. Тука постојано се собираат младите и колку што можам да забележам често има и расправии. Забележувам дека некогаш има и алкохол кој им го продаваат од околните продавници иако е тоа забрането. Истовремено, не паметам кога во населбата сум видел некој полицаец да помине за да се грижи за редот. Младите како да се оставени сами на себе – се собираат, одат бесцелно по неселбата и во такви ситуации лесно се случуваат инцидентите, рече Николовски. Полициската истрага треба да покаже кои биле причините за пресметката, односно, кој се бил вклучен во инцидентот. Полицијата официјално соопшти дека Н.Х. (17) рано утрово починал по физичката пресметка на неколку лица. При ова, лицето А.Т. (18) по вербалната расправија извадил нож и го пробол младото момче. Во полицискиот извештај се наведува и тоа дека со лицето кое го извадило ножот било и лицето К.Д. (17) и дека тие двајца се конфронтирале со групата во која било и настраданото момче. И покрај тоа што прободеното момче било префрлено во комплексот клиники „Мајка Тереза“ за укажување на лекарска помош, тоа починало. А.Т. е пронајден и приведен во полициска станица откако лицата кои биле присутни успеале да го спречат да избега. Извор: Скопско Ехо

Познат идентитетот на убиеното момче во Ново Лисиче: Бил кошаркар на МЗТ Скопје

Катерина Бојаџиева — Wed, 14 Aug 2019 11:32:58 +0000

Седумнаесет годишен кошаркар на МЗТ Скопје, Никола Христовски, кој играл за кадетите и јуниорите на „штрковите“ е тинејџерот кој синоќа смртно настрада во тепачка во скопската населба Аеродром, откако бил избоден со нож од една година постар тинејџер, пренесува Спорт 1. Инаку, тепачката се случила синоќа после полноќ на улицата „Февруарски поход“ во Ново Лисиче, откако една вербална расправија се претворила во трагедија во која 18-годишникот го избодел кошаркарот на МЗТ Скопје. Настраданото момче со брза помош итно било префрлено во клиничкиот центар „Мајка Тереза“, за да му биде укажана лекарска помош, но таму им подлегнал на повредите. Напаѓачот бил експресно пронајден и приведен, а од полицијата објавија дека сега работат на расчистување на случајот.

ДЕТАЛИ ОД МВР: Прободеното момче во Ново Лисиче починало во болница, убиецот приведен

Катерина Бојаџиева — Wed, 14 Aug 2019 08:35:35 +0000

На 14.08.2019 во 00,35 часот во СВР-Скопје било пријавено дека на улицата „Февруарски поход“ започнале расправија од страна на неколку лица со А.Т. (18) кој бил во друштво со К.Д. (17), која продолжила и со физичка пресметка. Во еден момент А.Т. извадил нож и му нанел повреди на Н.Х. (17). Н.Х. со возило на Итна медицинска помош бил пренесен во комплексот клиники “Мајка Тереза“ за укажување на лекарска помош, каде починал, а А.Т. е пронајден и приведен во полициска станица, информираат од МВР за КУРИР. Се работи на расчистување на случајот.

Убиено 17- годишно момче во Ново Лисиче

Катерина Бојаџиева — Wed, 14 Aug 2019 08:10:14 +0000

Седумнаесет годишниот Х.Н. почина од убодна рана која му ја задал познаникот Т.А. во Паркот на музиката во Ново Лисиче, дознава „Слободен печат“. Немилиот настан се случил ноќеска, 35 минути после полноќ. На инцидентот му претходела расправија меѓу неколку момчиња со 18-годишниот К.А. кој бил во друштво Д.К. (17). Во еден момент Т.А. извадил нож и му нанел неколку повреди на Х.Н. Момчето било живо додека пристигнала екипата на Итна помош и било пренесено во Клиничкиот центар, но поради обилното крвавење починало. Напаѓачот бил фатен од граѓани и другари на ранетиот, па ѝ бил предаден на полициска патрола, пренесува порталот.

Потресно сведоштво на мајката на Димитар: Свирепо ми го убија детето пред две години, а уште чекаме правда

Ивана Ефремовски — Sat, 31 Mar 2018 16:09:58 +0000

Ни трага ни глас од убиецот на 26-годишниот Димитар Матилоски чиј живот згасна за време на новогодишната ноќ во 2016-та година. Пет месеци откако охридскиот Основен суд донесе решение на српскиот државјанин Бојан Угреновиќ да му се суди во отсуство, и одреди мерки на претпазливост лицето да не ја напушта Македонија,одземајќи му ја патната исправа пасош,за органите на прогонот тој е недостапен, анализира „Алфа“. Мајката на Димитар повеќе од 2 години по убиството,се уште чека правда,откако битолска Апелација ја укина првичната одлука на охридскиот Основен суд кој Угреновиќ го осуди на казна затвор од 16 години и го врати предметот на повторно судење. - Судењата се многу непријатни, бидејќи другарите на Димитар кажуваат на кој начин свирепо е убиен мојот син. Тоа е многу тешко да се слуша, а ние се справувуваме со тага и болка, а за органите на прогонот СВР тој не е достапен, изјави Драгица Матилоска, пренесе Алфа. Убиецот доби можност да се брани од слобода, бидејќи судот му го укина притворот согласно законот за кривична постапка. Тој се појави само на првото рочиште и го снема. Поради тоа во месец октомври лани, судот во отсуство му изрече мерка притвор,но не доби известување од полицијата дали воопшто знаат каде е обвинетиот? Нема инфоrмација дали полицијата распишала меѓународна потерница доколку убиецот е во бегство. Единствена утеха на мајката која ја доживеа најголемата душевна болка е пишувањето, тој вечен непребол по синот кој никогаш повеќе нема да го види, Драгица го преточи во втората книга „Мојот живот после изгубен живот“. -Во книгата поставувам прашање дали знаете што значи да закопате син, да се збогувате засекогаш од него. Да одите на гробишта, на тоа мрачно и студено место, да му запалите свеќа и да му кажите, лесна ти земја. Живеам за гласчињата на моите внуци, живеам, перото на моето срце да го овековечи ликот, добрината и младоста на мојот син, изјави Драгица Матилоска. Инаку следното рочиште за убиствотот на Димитар е закажано за 17 април со сведоци од Македонија но и од Србија.