убиство во обид – Kurir.mk

Кривична пријава против скопјанец за убиство во обид

Тале Кристо — Fri, 10 Feb 2023 16:47:19 +0000

СВР Скопје поднесе кривична пријава против М.А.(28) од Скопје, поради постоење основано сомнение за сторено кривично дело „убиство во обид“. На 04.09.2022 на паркинг простор на булевар „Јане Сандански“ пријавениот, по претходна расправија со Н.М.(28), испукал со пиштол кон Н.М., нанесувајќи му повреда.

Приведен скопјанец осомничен за „убиство во обид“

Тале Кристо — Thu, 19 Jan 2023 12:22:04 +0000

Полициски службеници од Единицата за насилен криминал – Одделение за крвни деликти, вчера околу 17 часот во Кисела Вода го лишиле од слобода К.Д. (39) поради обид за убиство. Тој на 15-ти овој месец, поради недоразбирање во сообраќајот на улица „Козле“, со остар предмет му нанел повреди на М.М. (54) од Скопје. – На 18.01.2023 во 17:10 часот на подрачјето на Кисела Вода од полициски службеници од Единицата за насилен криминал – Одделение за крвни деликти бил лишен од слобода К.Д.(39) од Скопје, поради постоење основи на сомнение за сторено кривично дело „убиство во обид“. Тој на 15.01.2023 во 02:26 часот, на ул.„Козле“, поради недоразбирање во сообраќајот, со остар предмет му нанел повреди на М.М.(54) од Скопје, информираат од Министерство за внатрешни работи. Оттаму велат дека К.Д. е приведен во полициска станица и по целосно документирање на случајот против него ќе биде поднесен соодветен поднесок.

„Убиство во обид“ во струшко Велешта: Со пушка пукал кон соселанец и му нанел тешки повреди

Катерина Бојаџиева — Tue, 29 Nov 2022 13:39:31 +0000

ОВР Струга поднесе кривична пријава против И.Ќ.(53) од струшкото село Велешта поради постоење основи на сомнение за сторено кривично дело „убиство во обид“. Тој, на 25.11.2022 година, во куќа во Велешта се сретнал со Б.Д. од истото село и по меѓусебна расправија околу нерасчистени долгови, со пушка пукал кон Б.Д. нанесувајќи му тешки телесни повреди.

Приведен 25-годишен жител на Лојане, ќе одговара за „убиство во обид“

Ивана Ефремовски — Thu, 10 Mar 2022 15:24:39 +0000

На 09.03.2022 година во 14:30 часот полициски службеници од СВР Куманово го лишиле од слобода В.Ч.(25) од с.Лојане, липковско. Тој се барал со централна потерница за издржување на казна затвор за сторени кривични дела по член 123 ст.1 „убиство во обид“ и чл.144 „загрозување на сигурноста врз овластено лице“ од Кривичниот законик. В.Ч. ќе биде спроведен во казнено-поправна установа за издржување на казната.

Тинејџер од Штип ќе одговара за убиство во обид, детали за страшниот настан

Ивана Ефремовски — Wed, 14 Jul 2021 14:36:49 +0000

Oсновното јавно обвинителство Велес донесе Наредба за спроведување истражна постапка против лице на возраст од 19 години од Штип за кривично дело – Убиство во обид при вршење на семејно насилство. На 13 јули попладнето осомничениот дошол во Велес заедно со својата вонбрачна сопруга во куќа во која живеел под кирија. Помеѓу нив настанала вербална расправија, при што осомничениот со нож на преклопување ја прободел оштетената три пати и тоа во десната страна на слабината, десното колено и левата потколеница, нанесувајќи и на тој начин телесни повреди, по што заминал од куќата. Велешкото обвинителство до судијата на претходна постапка на Основен суд Велес поднесе предлог за определување мерка притвор против осомничениот. Предлогот е прифатен и на осомничениот му е определен притвор во траење од 30 дена.

Уапсен тетовец осомничен за обид за убиство

Ивана Ефремовски — Thu, 23 Jul 2020 15:36:53 +0000

На 22.07.2020 во 11.45 часот во тетовското село Лавце, полициски службеници на СВР Тетово го лишиле од слобода Н.Б.(31) од ова село. Уапсен е поради сомнение дека на 01.07.2020 околу 18:00 часот на ул.„Љуботенска“ во Тетово извршил кривично дело „убиство во обид“, пукајќи со огнено оружје и ранувајќи го Ш.М.(40) од Тетово.

Обид за убиство во Тетово: Ја прободел 6 пати жената со која живеел вонбрачно

Катерина Бојаџиева — Tue, 04 Sep 2018 12:45:07 +0000

СВР Тетово поднесе кривична пријава против А.Б. (49) од Тетово поради постоење основи на сомнение за сторено кривично дело „убиство во обид“. На 01.09.2018 година во 07.55 часот во Полициската станица Тетово, А.Б. пријавил дека истиот ден околу 07.00 часот во семејната куќа во Тетово со нож ја прободел В.М. (49) од Тетово, со која живеел во вонбрачна заедница. После тоа, В.М. била пренесена во Клинички центар Тетово каде и биле констатирани шест убодни рани во пределот на градите, вратот, грбот и дланките, а поради сериозноста на повредите била пренесена во комплексот клиники „Мајка Тереза“ во Скопје.