убк – Kurir.mk

Апелација ја укина првостепената пресуда за „Организатори на 27-ми април“ – случајот вратен на повторно судење

Ивана Ефремовски — Mon, 03 Apr 2023 13:36:46 +0000

Апелациониот суд Скопје ги уважи жалбите и ја укина првостепената пресуда за случајот Организатори на 27 Април од 26.07.2021 година и предметот го врати на повторно судење пред Основниот кривичен суд Скопје. - Апелациониот суд Скопје во интерес на јавноста и медиумите информира дека постапувајќи по кривичниот предмет КОКЖ-121/21, донесе решение со кое ги уважи жалбите на обвинетите Т.В., С.Р., М.Ј., сите од С. и В.А од Д., со привремено престојувалиште во С., ја укина првостепената пресуда КОК.бр.2/20 од 26.07.2021 година и предметот го врати на повторно судење пред Основниот кривичен суд Скопје, Специјализирано судско одделение надлежно за судење на дела од областа на организираниот криминал и корупција, се вели во соопштението од Апелација. Жалбата на Основното јавно обвинителство за гонење на организиран криминал и корупција, во оваа фаза на постапката, Апелациониот суд одлучи дека е беспредметна. Мерките за претпазливост спрема обвинетите Т.В од С. и В.А од Д. со привремено престојувалиште во С., остануваат во сила. -Поради големиот интерес и транспарентност во работењето, судискиот совет на Апелациониот суд Скопје информира дека при разгледување на првостепената пресуда, оцени дека при постапувањето по овој кривичен предмет сторени се суштествени повреди на одредбите на кривичната постапка од член 415 став 1 точка 11 и став 3 од Законот за кривичната постапка, кои придонеле првостепениот суд да не биде во можност правилно да го примени материјалното право – Кривичниот законик, посочуваат од Апелација. Ова, од причина што првостепениот суд врз основа на расположивиот доказен материјал во недоволна мера ги расправил сите спорни околности и не ги утврдил со сигурност сите решителни факти што го чинат обележјето на кривичното дело и го определуваат неговото дејствие на извршување, при утврдување на фактичката состојба не утврдил со сигурност во што се состојат дејствијата на секој од обвинетите преземени во насока на остварување на битието на кривичното дело за кое се обвинети, ако се има предвид дејствието на извршување на предметното кривично дело, за кое правната теорија и судската пракса се едногласни дека покрај умислата во субјективното битие како субјективен елемент на противправноста влегува и намерата за загрозување на уставниот поредок или безбедноста на РМ. Првостепениот суд, се вели во соопштението од Апелација, сторил и суштествена повреда на одредбите на кривичната постапка од член 415 став 3 од Законот за кривична постапка, односно го повредил правото на одбрана на обвинетите која влијаела врз законитото и правилното донесување на пресудата и врз правото на обвинетите на правично судење, бидејќи не го расправил во доволна мера прашањето за одредбите кои се однесуваат за амнестија на кривичното гонење. - Првостепниот суд не ги утврдил правилно и со сигурност сите решителни факти по однос на преземените процесни дејствија кои го исклучуваат кривичното гонење во смисла на член 416 став 1 точка 3 в.в со член 113 од Кривичниот законик. Ова, од причини што при постпувањето и одлучувањето во предметот, првостепениот суд ги занемарил истакнатите приговори, како во формална, така и во материјална смисла по однос на примената на Законот за амнестија (Сл.весник на РМ бр.233/2018) кој во член 1 став 1 и 2 ги пропишува условите кои се однесуваат на лицата поврзани со настаните од 27 април 2017 година, за ослободување од кривично гонење, за запирање на поведените постапки и ослободување од издржување на казната затвор, се вели во соопштението од Апелација. Вака донесената одлука, посочуваат од Апелација, ќе биде објавена во целост на веб страната на судот во рокот определен со Законот за управување со движењето на предметите во судовите. Основниот кривичен суд Скопје на 26 јули 2021 година им изрече вкупно 25 години затвор на четворицата обвинети за случајот познат во јавноста како „Организатори на 27 април“ и тоа 6 и пол години казна затвор за поранешниот собраниски спикер Трајко Вељановски, 6 години и три месеци казна затвор за екс-министерот за образование Спиро Ристовски, и 6 години и три месеци казна затвор за министерот за транспорт Миле Јанкиески, додека на екс директорот на УБК, Владимир Атанасовски шест години казна затвор. (МИА)

Мијалков спроведен во Кривичниот суд за „Титаник 2“

Ивона Петрова — Mon, 26 Dec 2022 10:59:51 +0000

Поранешниот директор на УБК Сашо Мијалков денеска е спроведен од затворот од Струга во Кривичниот суд на судење за случајот „Титаник 2“. Тој во струшкиот затвор ја издржува тригодишната казна од случајот „Империја“. Кривичното гонење за него застарува за четири месеци, односно во април 2022 година. Случајот е во фаза на доказна постапка по вторпат, откако во декември 2019 година Апелацискиот суд Скопје ја укина пресудата од Кривичниот суд со затворски казни. Мијалков се гони за противзаконско влијание во изборните нерегуларности во 2013 година. Кривичниот суд во 2019 го осуди поранешниот директор на УБК, Сашо Мијалков за примање награда за противзаконито влијание. Според обвинението на СЈО, Мијалков преку лидерот на ДПА, Мендух Тачи, нарачал да му наложи на сопартиецот од ДИК, Бедредин Ибраими, да гласа за поништување на регуларно гласање во избирачко место во Струмица, во корист на Васил Пишев од ВМРО-ДПМНЕ, на штета на тогашниот кандидат за градоначалник, Зоран Заев. Во декември истата година Апелациониот суд ја укина пресудата поради суштествени повреди на постапката и случајот го врати на повторно судење.

„Фокус”: Мијалков нуди гаранција од 7,5 милиони евра за да излезе од притвор од „Шутка“

Ивана Ефремовски — Fri, 14 May 2021 12:05:03 +0000

Поранешниот прв човек на УБК, Сашо Мијалков, кој се наоѓа во притвор во истражниот затвор „Скопје“, понудил гаранција од 7,5 милиони евра за да се брани од слобода, односно за да излезе од „Шутка“, дознава „Фокус“ од свои извори. Засега, како што дознаваме, обвинителството се уште не дало мислење по барањето, но сумата е доста висока, поради што и се шпекулира дека е можно да се очекува согласност. Одлуката пак за тоа дали Мијалков ќе излезе на слобода за неколку дена треба да ја донесе совет во Кривичниот суд. -Во меѓувреме како што дознаваме, по поднесената гаранција, адвокатите на Мијалков ја повлекле жалбата доставена до Апелација, со која се жалеа на одредениот притвор до правосилност на пресудата за случајот „Трезор“. За оваа информација не добивме потврда од адвокатите, бидејќи не одговараат на нашите телефонски повици, објави Фокус. Мијалков пред еден месец беше осуден на 8 годишна казна затвор за случајот „Трезор“.

Изречени пресудите за Таргет-Тврдина, 12 години затвор за Мијалков

Ивона Петрова — Fri, 26 Feb 2021 10:26:49 +0000

Сите обвинети се виновни за дејствијата, истакна на денешното изрекување на пресудата во случајот „Таргет-Тврдина“ судијката Џенета Бегтовиќ. Судот ги донесе следните пресуди: Горан Грујевски ги сторил кривичните дела „злосторничко здружување“ , „злоупотреба на службената положба и овластување“ и „фалсификување службена исправа“ единствена казна затвор од 15 години. Тони Јакимовски за „злоупотреба на службената положба и овластување“ и „фалсификување службена исправа“ единствена казна затвор од 6 години. Гордана Јанкулоска за „злоупотреба на службената положба и овластување“ затворска казна од 4 години. Никола Бошковски за „злоупотреба на службената положба и овластување“ и „фалсификување службена исправа“ доби единствена казна затвор од 15 години Сашо Мијалков за „злосторничко здружување“, „злоупотреба на службената положба и овластување“ и „примање награда за противзаконито влијание“ доби единствена казна затвор од 12 години. Надица Николиќ за „злосторничко здружување“ и „злоупотреба на службената положба и овластување“ - единствена казна затвор од три години. Владимир Варелов за „злосторничко здружување“ и „злоупотреба на службената положба и овластување” е условно осуден. Маријан Шумуликовски за „злосторничко здружување“ и „злоупотреба на службената положба и овластување” доби условна осуда. Силвана Златкова за „злосторничко здружување“ и „злоупотреба на службената положба и овластување” доби условна осуда. Васил Исаковски доби условна осуда и Валентина Симоновска за сторено кривичнo делo „фалсификување службена исправа“ доби условна осуда. Според обвинителниот акт, преку три системи за следење на комуникациите во УБК, во периодот од 2008 до 2015 година незаконски биле следени 4.286 телефонски броеви за кои воопшто не биле издадени судски наредби. Прислушувањето директно и индиректно опфатило околу 20 илјади граѓани.

Денеска пресуда за случајот „Таргет-Тврдина“

Ивона Петрова — Fri, 26 Feb 2021 06:34:08 +0000

Во Основниот кривичен суд Скопје денеска треба да биде изречена пресуда за предметот „Таргет-Тврдина. Пресудата за овој предмет во судница треба да ја чуе и поранешниот директор на УБК и еден од обвинетите Сашо Мијалков, кој ќе биде спроведен од домашен притвор што му го одреди судот како мерка на претпазливост. Во овој предмет обвинети се поранешниот началник на Петтата управа во МВР Горан Грујевски и вработениот во УБК Никола Бошкоски, кои се во бегство во Грција, поранешната министерка за внатрешни работи Гордана Јанкулоска, поранешниот директор на УБК Сашо Мијалков, поранешниот шеф на неговиот кабинет, Тони Јакимовски, Владимир Варелов од УБК и уште пет други лица од Управата. Според обвинителниот акт, преку три системи за следење на комуникациите во УБК, во периодот од 2008 до 2015 година незаконски биле следени 4.286 телефонски броеви за кои воопшто не биле издадени судски наредби. Прислушувањето директно и индиректно опфатило околу 20 илјади граѓани. Судењето за „Таргет – Тврдина “ започна на 22 декември 2017 година. Процесот го води судијката Џенета Бегтовиќ, а застапници на обвинението се Ленче Ристовска и Трајче Пеливанов.

Наместо професионалци, во АНБ се вработуваат лица со кривични пријави, обвиненија и лица кои отслужувале затворски казни

Дарко Андоновски — Fri, 06 Mar 2020 21:19:13 +0000

Елиминираните кандидати за Агенцијата за национална безбедност, вели припадник на УБК - гостин во вечерашната емисија „Што не е јасно“ на Алфа телевизија, не беа одбиени заради безбедносен ризик, туку со злоупотреба на инструментот за оценување и давање на ниски оценки кои што никогаш не им беа соопштени на лицата кои беа оценувани. -Во однос на безбедносниот ризик, може да истакнам повеќе примери каде што им беше направена неправда на повеќе професионалци во Управата за контраразузнавање. Според изјава на Оливер Спасовски, после селекцијата, дека по проверките констатирано е постоење на безбедносен ризик кај 50-тина припадници на УБК, кои што според законот за АНБ треба да го напуштат МВР. Но, нашите сознанија говорат дека на крај, на нејасен начин, од 50 констатирани ризици останаа помалку од 10. И ние се прашуваме каде исчезнаа 40-тина лица со безбедносен ризик. Може да наведам и неколку примери, лице вработен во УБК професионалец со соодветно образование, со обуки од меѓународни западни фактори, е елиминиран поради ситна кражба во младоста пред околу 25 години. А за разлика од него, превземен во АНБ е работник од Управата кој во моментот против него има повеќе кривични пријави, има обвиненија или лица кои отслужувале затворски казни и лица чии блиски членови од семејството се вклучени во сериозен организиран криминал. Тука може да го спомнам и Јовче Ременски чија сопруга Фросина е осомничена за големиот криминален скандал „Рекет“, посочи анонимниот гостин и припадник на УБК.

Во скопско „Козле“ пронајдена марихуана кај две лица вработени во УБК

Дарко Андоновски — Sat, 20 Jul 2019 09:20:15 +0000

На 17.09.2019 година околу 18.20 часот на ул.„Козле“ во Скопје, полициски службеници извршиле преглед на лицата В.П.(28) и Д.Г.(26), двајцата од Скопје, вработени во УБК, кои биле со патничко возило „Опел корса“. При преглед на лицата и возилото била пронајдена и одземена марихуана. Двајцата се приведени во полициска станица и по целосно документирање на случајот со соодветен поднесок известено е ОЈО Скопје. Одделот за внатрешна контрола, криминалистички истраги и професионални стандарди против вработените во УБК поведе постапка за утврдување на дисциплинска одговорност, информираат од МВР.

Нови 30 дена притвор за eкс-директорот на УБК, Владимир Атанасовски

Катерина Бојаџиева — Thu, 03 Jan 2019 09:46:41 +0000

Нови 30 дена притвор му одреди кривичниот суд во Скопје на ексдиректорот на Управата за безбедност и контраразузнавање (УБК), Владимир Атанасовски. Обвинителството за гонење организиран криминал и корупција го осомнични Атанасовски за кривичното дело „здружување заради непријателска дејност“, откако на минатогодишните рочишта на судењето за настаните од 27 април, некои од обвинетите го посочија како организатор на насилниот упад во Собранието, заедно со други лица. Владимир Атанасовски на чело на УБК застана на крајот на 2016 година, кога од функцијата замина тогашниот директор, Сашо Мијалков, кој пак, два дена пред Нова година беше пуштен во куќен притвор.

Уапсен поранешниот директор на УБК, Владимир Атанасовски

Катерина Бојаџиева — Tue, 04 Dec 2018 21:35:23 +0000

Поранешниот директор на УБК, Владимир Атанасовски, е уапсен вечерва. Атанасовски бил на апанажа до 16 јуни 2018 година и оттогаш е во партискиот безбедносен совет. На функцијата директор на УБК дојде на први септември 2016 година и остана до 16 јуни 2017 година.

Мицковски: Демолирани шест возила на УБК, немаат појма кој е!

Предраг Кукиќ — Sun, 25 Nov 2018 18:33:42 +0000

Поранешниот директор на центарот за комуникации на СДСМ, Ивор Мицковски на својот профил на „Фејсбук“ го коментираше инцидентот во кој беа демолирани 6 возила на УБК. Да потсетиме на паркингот кај МТВ во Скопје, утрово во 8.05 часот биле искршени стакла на шест возила, сопственост на УБК и на едно возило сопственост на Државниот инспекторат за градежништво и урбанизам.