убоди – Kurir.mk

Многу ќе ви помогнат: Природни лекови против каснувања од инсекти

Ивана Ефремовски — Thu, 27 Jul 2023 19:15:27 +0000

Го смируваат чешањето, црвенилото, отокот и воспалението на кожата по каснување од комарец Во лето поминуваме повеќе време надвор. Во текот на оваа сезона, многу инсекти може да ве каснат и да предизвикаат проблеми со кожата и алергии. Комарците се едни од најчестите напаѓачи кои нè вознемируваат летото на плажа, во градината, во паркот или кога сме на отворено. А особено периодов кога има наезда на комарци. Каснувањата од инсекти предизвикуваат чешање, црвенило, оток, болка и плускавци кои можат да се шират доколку не се лекуваат правилно. За да го смирите воспалението и реакцијата на телото на убодот, пробајте некои ефективни природни лекови против каснувања од инсекти. Мед Придобивките од медот се многубројни. Ја смирува кожата, нежно ја храни и ја хидрира, а неговите моќни антиинфламаторни и антибактериски својства го потиснуваат воспалението и ја штитат кожата од инфекции. Соединенијата во медот го потиснуваат ослободувањето на воспалителни ензими, со што се потиснува избезуменото чешање, црвенило, оток и непријатност. Алое вера Гелот од алое вера е ефикасно средство за ублажување на иритациите на кожата, изгореници и каснувања од инсекти. Природниот гел од алое содржи активна супстанција алоин, која има антиинфламаторни својства. Ги стимулира природните процеси на заздравување на кожата, го намалува чешањето и црвенилото. Гелот од алое вера е исто така погоден за себороичен дерматитис, егзема, шушкање и чешање. Ја навлажнува многу длабоко и ја смирува кожата. Камилица Камилицата ја смирува кожата поради нејзините антиинфламаторни својства. Со векови, таа е дел од народната медицина во целиот свет, заради нејзината ефикасност во олеснување на инфекции на кожата и воспаленија. Лушпата од камилица исто така помага при каснување од инсекти. Го смирува отокот, црвенилото, го намалува чешањето и го стимулира телото да се справи со проблемот побрзо. Овесни снегулки Ситно мелено овесна каша со малку вода е паста со моќни антиинфламаторни и смирувачки својства за кожата. Масажата со овес ја подобрува сувоста на кожата, го намалува флекирањето и грубоста, го смирува чешањето.

Комарците ве касаат по целото тело? Еве 5 домашни трикови кои веднаш го ублажуваат чешањето

Магдалена Андонова — Fri, 02 Jul 2021 13:07:53 +0000

Немојте да го чешате местото на убодот бидејќи така ја продолжувате агонијата. Посегнете по овие природни третмани. Паста за заби Истражувањата докажаа дека тоа не е мит. Состојките на пастата за заби имаат антибактериски, антиинфламаторно дејство и ослободуваат од болка. Затоа, слободно исцедете мала количина на убодот од комарците. Аспирин За таа цел, не треба да го голтате аспиринот, туку да го смачкате и да го измешате со вода за да создадете паста. Овој трик ги намалува чешањето и иритацијата. Мраз Мразот е одличен за намалување на отокот и воспалението. Завиткате ја коцката мраз во хартиена крпа и држете ја на местото на убодот 20 минути додека не се стопи. Важно е да не ставате мраз директно на кожата за да не добиете „изгореници“ од мразот. Мед Медот има бројни лековити својства; делува антибактериски и антиинфламаторно. Ставете мала количина на меурите за пункција. Не само што медот ќе го намали отокот, туку и ќе ве спречи да гребете.

Високите температури ги разбудија инсектите: Граѓани се жалат на убоди од оси, пчели и крлежи-совет за алергичните

Ивана Ефремовски — Sat, 23 Mar 2019 14:39:25 +0000

Високите температури за овој период од годината ги разбудија и инсектите. На клиниката за кожни болести се почесто доаѓаат граѓани кои се со убоди од оси, пчели и крлежи. Докторите апелираат алергичните граѓани на инсекти секогаш со себе да ја носат потребната терапија. На оваа тема во вестите на Канал 5 Мирјана Мирчевска Јовановиќ разговараше со др. Дејан Филиповиќ од клиниката за кожни болести. Целиот разговор погледнете го во видеото.

Граѓаните револтирани и со огромни отоци од убоди од комарци: Не’ изедоа, ова е алармантно (ФОТО ГАЛЕРИЈА)

Ивона Петрова — Fri, 10 Aug 2018 14:51:05 +0000

Иако Град Скопје тврди дека викендов ќе се одржи третата фаза од авионското прскање против комарци, социјалните мрежи се преплавени од фотографии и коментари каде луѓето се жалат на убоди од комарци кои резултираат со огромни отоци по телото. -Ова е во врска со прскање против комарци, сликата е сликана во Ѓоче Петров на 9.8.2018 во 20ч навечер, рој од комарци и преку 20 убоди на обична прошетка преку облека здобиени, вели читател на Курир кој ни ја испрати оваа фотографија. Во разни групи на Фејсбук се споделуваат фотографии од убоди од комарци, а родителите загрижени за своите деца бараат совети како најдобро да ги заштитат најмилите и кое средство е најефикасно. Разочарани се дека градските власти, како што велат, не презеле ништо за нивна заштита. Прошетките во вечерните часови во Градскиот парк во Скопје стануваат вистински хорор. Скопјани се жалат дека и таму има наезда од комарци. Велат, не паметат во минатото да имало толку комарци. Коментираат дека очигледно наместо против комарците, се прска за нивна прихрана. -Во парк врие, наезда од комарци. -Сите се жалат, ма какво прскање, ако прскале нема да има волку комарци. -Во Парк верувајте дека е хорор. Толку комарци не ме каснале за цел живот. -Не’ изедоа, ова е алармантно, децата ми се изедени. Ова е хаос. -Се прскаше со прихрана за комарци, се само дел од коментарите кои може да се прочитаат на социјалните мрежи. Град Скопје изминативе денови ги уверува граѓаните дека се преземаат мерки за прскање против комарци . Портпаролот на Град Скопје, Валон Салиху вели дека граѓаните се во заблуда и дека во Скопје редовно се прска против комарци, но новите авиони не се толку бучни како претходните и затоа не се слуша. -Деновиве гледам дека голем број од граѓаните не се соодветно информирани во врска со активностите кои ги има спроведено градот во врска со прскањето против комарци. Процедурите и користеното средство се тие истите како и до сега. Новитет ова година се авионите кои не бучат како тие претходните, и претпоставувам дека тука е и збунката зошто луѓето мислат дека не се прска- вели Салиху. Граѓаните не веруваат во ваквите изјави и се повеќе се убедени дека ништо не е преземено. Во меѓувреме Градот ја смени најавата за третата фаза од авионското прскање и соопшти дека наместо викендов, прскањето ќе започне од петок наутро и ќе трае до понеделник. Денес објавија и видео, наводно од утринското авионското прскање, но се утврди дека видеото е старо еден месец. По реакцијата во медиуми, Град Скопје се извини за грешката и најави ново видео од утрешното прскање. -Ја увидовме грешката што ни ја посочија дел од вашите колеги новинари, односно сме објавиле видео за почетокот на третото прскање против комарци со авион, а кое што е од почетокот на минатиот месец, односно од второто прскање. Очекуваме ново видео за прскањето против комарци кое ќе се направи утре, и истото ќе ви го доставиме. Закажаното полетување на авионите е во 05 часот на спортскиот аеродром Стенковец. Ве покануваме да дојдете и да присуствувате на подготовката и нивното полетување“, се наведува во извинувањето од Град Скопје. Останува непознато дали и кога ќе биде објавено видеото од денешното авионско прскање кое го најави Градот.