уцена – Kurir.mk

Уценувале преку лажен профил: Ќе објавиме фотографии со експлицитна содржина

Ивана Ефремовски — Fri, 26 May 2023 20:11:20 +0000

СВР Тетово поднесе кривична пријава против Ј.Х. (52) од с. Рашче, скопско и Б.С. (39) од с. Доброште, тетовско, поради постоење основано сомнение за сторено кривично дело „уцена“. На 05.04.2022 пријавените, преку социјална мрежа, од лажно креиран профил, на лице од с. Селце, му испратиле порака со уценувачка содржина дека ќе објават фотографии со експлицитна содржина.

СИН И ТАТКО ГИ ОЧЕКУВА ПЕКОЛНА КАЗНА – уценувале 21 годишник дека ќе објават експлицитна содржина од него, им дал и пари

Дарко Андоновски — Wed, 24 May 2023 16:58:17 +0000

Денеска (24.05.2023) полициски службеници од Единицата за насилен криминал при СВР Скопје во координација со ОЈО Скопје ги лишија од слобода Т.С.(18) и С.С.(46) од Скопје (син и татко) поради основано сомнение за сторено кривично дело „уцена“, предвидено и казниво по член 259 од КЗ на РСМ. На 20.05.2023 Т.С. побарал од 21-годишен скопјанец пари заканувајќи се дека доколку не му даде пари, ќе објави видеа од 21-годишниот скопјанец со експлицитна содржина. Оштетениот на 23.05. му дал пари на Т.С., но тој потоа продолжил со јавувања и барал уште пари, по што оштетениот го пријавил случајот во СВР Скопје. Откако на оштетениот му се дадени претходно крим технички обработени пари, тој се договорил со Т.С. парите да му ги предаде пред трговски центар на бул. „К.Ј. Питу“. Т.С. дошол заедно со својот татко С.С. и откако ги земале парите, веднаш се лишени од слобода од полициски службеници од ЕНК при СВР Скопје и во службен разговор го признале кривичното дело. По документирање на случајот, ќе биде поднесена кривична пријава по член 259 од КЗ.

Кривични пријави против штипјанец за уцена и лихварство

Тале Кристо — Tue, 21 Feb 2023 15:07:47 +0000

Одделението за внатрешни работи Радовиш до основните јавни обвинителства во Струмица и Радовиш поднесе кривични пријави против Е.Ј.(35) од Штип, со престојување во Радовиш, поради сомнение дека сторил кривични дела „Уцена“ и „Лихварство“ по член 260 од Кривичниот законик. Во текот на 2022 година и почетокот на 2023 година осомничениот, искористувајќи ја тешката имотна состојба на повеќе граѓани од Радовиш, неовластено им давал пари на заем со устен договор, а при тоа договарал несразмерна имотна корист која најчесто била со неделна камата од 100%, односно двојно поголема од позајмената вредност која се удвојувала со секоја помината недела. Исто така, осомничениот на две од лицата на кои претходно со устен договор им дал пари, при задоцнета наплата им упатил сериозни закани, со што истите биле присилени да извршат уплата од 300.000 денари за даден заем од 33.000 денари, односно 1.400.000 денари за даден заем со устен договор од 60.000 денари.

За дадени 30.000 денари барал да му вратат 300.000: Кривична пријава за штипјанец за уцена и лихварство

Ивана Ефремовски — Tue, 21 Feb 2023 11:02:19 +0000

Одделението за внатрешни работи Радовиш до основните јавни обвинителства во Струмица и во Радовиш поднесе кривични пријави против Е.Ј. (35) од Штип, со престојување во Радовиш, поради сомнение дека сторил кривични дела „уцена“ и „лихварство“, соопштија денеска од СВР Струмица. Како што информираат од полицијата, во текот на 2022 година и почетокот на 2023 година осомничениот, искористувајќи ја тешката имотна состојба и недоволното искуство на повеќе граѓани од Радовиш, неовластено им давал пари на заем со устен договор, а при тоа договарал несразмерна имотна корист која најчесто била со неделна камата од 100 отсто, односно двојно поголема од позајмената вредност која се удвојувала со секоја помината недела. Во соопштението се додава дека осомничениот на две од лицата на кои претходно со устен договор им дал пари, при задоцнета наплата им упатил сериозни закани, со што истите биле присилени да извршат уплата од 300.000 денари за даден заем од 33.000 денари, односно 1.400.000 денари за даден заем со устен договор од 60.000 денари. (МИА)

Уценувал тетовец дека ќе објави компромитирачки фотографии, му земал над 18.000 евра

Ивона Петрова — Tue, 07 Feb 2023 10:26:26 +0000

Полициски службеници од Отсекот за криминалистичка полиција – Одделение за економски криминал при СВР Тетово вчера вечерта во Мала Речица ги лишиле од слобода З.Д.(33) од с.Голема Речица, тетовско и Ј.А.(60) од с.Пирок, тетовско. -По преземени мерки било утврдено дека од средината на јануари 2023, З.Д. во неколку наврати изнудил вкупно 18.630 евра од лице од Тетово, уценувајќи го дека ќе објави фотографии со компромитирачка содржина. Според пријавеното, З.Д. во неколку наврати го организирал примопредавањето на парите преку Ј.А., такси возач во Тетово. Имено, тој му се јавувал на оштетениот и му кажувал да ги предаде парите на Ј.А., кој подоцна му ги доставувал нему. Истото било направено и во текот на вчерашниот ден, при што биле затекнати од полициски службеници при примопредавање на парите, информира портпаролот на СВР Тетово, Марјан Јосифоски. З.Д. бил задржан во полициска станица и по целосно документирање на случајот, против нив ќе биде поднесена соодветна пријава.

Маж уценувал девојка: „Или ќе бидеш моја или…“

Ивана Ефремовски — Tue, 12 Jul 2022 16:10:32 +0000

Надворешната канцеларија за криминалистички работи Гостивар поднесе кривична пријава против Ф.А.(32) од село Норово, крушевско, поради постоење основи на сомнение за сторено кривично дело „уцена“. Во период од неколку месеци, пријавениот, преку лажни профили на социјални мрежи, испраќал пораки со непристојна содржина и уценувал 25-годишна девојка од гостиварско дека доколку не биде со него, ќе објави фотографии со компромитирачка содржина.

Приведен маж од скопско поради кривично дело уцена

Катерина Бојаџиева — Thu, 28 Apr 2022 15:19:07 +0000

Денеска (28.04.2022) околу 12.00 часот, полициски службеници од СВР Скопје – Единица за насилен криминал – Одделение за насилен криминал го лишиле од слобода А.А.(25) од с. Љубин, Скопје поради тоа што уценувал скопјанец со објавување комромитирачки материјали доколку не му даде пари. Откако му биле побарани пари, оштетениот го пријавил случајот во полициска станица. Во соработка со јавен обвинител, парите биле крим-технички обработени и му биле дадени на оштетениот за да му ги даде на уценувачот. Веднаш откако ги земал парите, А.А. е приведен од страна на полициските службеници и парите се пронајдени кај него, а по целосно документирање на случајот до Основното јавно обвинителство, против А.А. ќе биде поднесена кривична пријава по член 259 од Кривичниот законик.

Млад скопјанец барал 3.000 евра од 22. годишна девојка за да не објави нејзини компромитирачки фотографии, лицето приведено

Магдалена Андонова — Thu, 23 Dec 2021 18:11:14 +0000

Денеска (23.12.2021) во трговски центар во Скопје полициски службеници од Единицата за насилен криминал при СВР Скопје го приведоа А.Е. (24) од Скопје поради основано сомнение за сторено кривично дело уцена. Имено, А.Е. побарал 3000 евра од 22-годишна девојка од Скопје за да не објави компромитирачки фотографии. Девојката го пријавила делото во СВР Скопје, по што веднаш се преземени соодветни мерки и активности и и се дадени кримтехнички обработени пари, кои таа му ги дала на А.Е. на претходно договорена средба во трговски центар во Скопје. Веднаш откако ги земал парите, А.Е. е лишен од слобода,а по документирање на случајот ќе биде поднесена соодветна кривична пријава.

Се заканувал и барал пари – фатен лихвар од Тетово

Ивана Ефремовски — Tue, 07 Dec 2021 15:19:09 +0000

СВР Тетово поднесе кривична пријава против Б.Ш.(26) од Тетово, поради постоење основи на сомнение за сторени кривични дела „лихварство“ и „уцена“. Во септември 2021, пријавениот уценувал 23-годишник од Тетово дека на социјална мрежа ќе објави компромитирачка содржина доколку не му даде 15.000 денари. Оштетениот му дал само 100 евра и во октомври 2021 пријавениот повторно барал пари од него, зголемувајќи ја сумата на уште 20.000 денари, по што тој го пријавил случајот во СВР Тетово.

АУДИО БОМБА: Кандидатот за градоначалник на СДСМ во Ново Село уценувал самохрана мајка дека ќе ѝ го одземе детето

Тале Кристо — Thu, 21 Oct 2021 13:13:42 +0000

Во општина Ново Село, кандидатот за градоначалник на СДСМ, Звонко Ангелов, брутално ја злоупотребил својата службена должност како вработен во центарот за социјални работи во Струмица. Според нашите информации, тој вршел притисок и се заканувал на самохрана мајка дека ќе и’ го одземе детето. Жестокиот притисок и уцените се одвивале во текот на неколку недели, а причините за тоа најверојатно се одбивањето на жртвата да ги користи каналите за правна помош кои и’ ги посочил Ангелов. Во разговор со жртвата, таа го објаснува целиот случај. „Најпрво ми пристапи со понуда дека е поврзан со адвокати кои ќе ја завршат работата без проблем. Јас тоа го одбив бидејќи веќе имав ангажирано адвокат да го води случајот“. После речиси еден месец од оваа средба почнале интензивните контакти и притисоци врз жртвата: „Почна интензивно да ме бара на местото каде што работев и да ми повторува дека случајот е дефинитивно кај него и дека ќе биде многу тешко детето да ми биде доделено мене. Ми рече да не се тешам со тоа дека се познаваме“. Кога требало да се направи увид во просторните услови вели дека живеела под постојан стрес, знаејќи дека Ангелов планира да дојде во момент кога таа не е дома за нејзиното неприсуство да биде заведено во извештајот: „Кога веќе требаше да дојде на увид дали ги исполнувам просторните услови за добивање на старателството, јас во тој момент одев како на обука за работа, и тој знаеше точно во колку часот ми почнува обуката бидејќи често доаѓаше таму. Плански, дојде точно во моментот кога требаше да излезам од дома за да потврди дека не сум дома со детето“ – вели мајката“. Во моментот кога траел увидот на мајката и станало јасно дека Ангелов напишаното во изјавата било тенденциозно и со намера да и се одземе старателството, а истото не соодветствувало на реалната состојба: „Дојде во мојот дом, направи изјава а кога ја прочитав таму стоеја информации кои не беа реални бидејќи просторот и условите не беа наведени комплетно, а јас знаев дека тоа е еден од најважните фактори за да го добијам старателството“. Бидејќи жртвата доаѓала и си одела вознемирена и во солзи на работа, за малтретирањето од страна на Ангелов почнале да реагираат и граѓаните кои биле запознаени на случајот преку неговото постојано присуство. „Луѓето гледаа што прави и во еден момент и тие самите реагираа на неговите постапки и ми понудија поддршка за да се одбранам. Кога виде дека не сум сама, почна да ми пишува пораки во кои инсистираше да не го пријавувам и објавувам тоа што ме малтретираше. Објаснувањето беше дека нешто погрешно сум сфатила. Само јас знам колку стрес претрпев за тие 3-4 недели додека траеше сето тоа, со константно најадење и неспиење“, завршува мајката. Ова насилно однесување на кандидатот за градоначалник на општина Ново Село не е новост. Постојат и податоци за други слични ситуации во минатото, а на јавноста и е позната и дрскоста со која претходниот градоначалник и бегаше на полицијата кога беше фатен во шверц на цигари на границата со Бугарија. Аудиото од кандидатот за градоначалник за Ново Село од редовите на СДСМ можете да го слушнете ТУКА