ученичка – Kurir.mk

УЖАС во Бразил: Шеснаесетгодишно момче во училиште убило ученичка и ранило уште три лица

Ивана Ефремовски — Tue, 24 Oct 2023 07:08:20 +0000

Шеснаесетгодишен ученик утрово влегол во училиштето Сапопемба во градот Сао Паоло и почнал да пука при што убил една ученичка со истрел во главата и рани уште три лица. Полицијата го уапсила напаѓачот. Нападот почнал во 7 часот и 30 минути по локално време, соопшти полицијата, а како што се наведува ученикот кој пукал бил жртва на малтретирање. -Бидејќи повеќе не можел да го поднесе малтретирањето во училиште, поточно хомофобијата, решил да го земе пиштолот на татко му. „Тој додаде дека мајката веќе поднела жалба поради малтретирањето што го претрпел нејзиниот син, а притисокот дополнително се зголемил кога тој решил да носи женска облека, изјавил адвокатот на момчето, пренесува „Ел Паис“. Владата на Сао Паоло соопшти дека во престрелката биле погодени тројца ученици. -Еден ученик загина, а тројца се во болница, меѓу кои и еден кој беше повреден додека се обидуваше да избега. Сите жртви се женски, се вели во соопштението. Според една неодамнешна студија на бразилскиот форум за јавна безбедност, оваа година имало осум слични настани во Бразил. Напаѓачот употребил огнено оружје и покрај тоа што набавката на оружје во Бразил е многу покомплицирана отколку во САД. Минатиот април четири деца помлади од седум години беа убиени во градинка во Бразил. Тој настан следеше неполн месец по убиство на ученик во училиште. Полицијата уапси повеќе од 200 тинејџери поради ширење закани. (МИА)

Натавник истепал ученичка во училиште

Тале Кристо — Fri, 13 Oct 2023 14:19:45 +0000

На 12.10.2023 во 14.00 часот во СВР Скопје, Ш.Ј.(37) од скопско село пријавил дека неговата малолетна ќерка била физички нападната од нејзиниот наставник Џ.А. од основно училиште во скопско село. Се преземаат мерки за расчистување на случајот.

ХОРОР ВО БЕЛГРАД: 14 годишна ученичка почина пред основно училиште, Итната помош можела само да констатира смрт!

Магдалена Андонова — Tue, 25 Oct 2022 15:20:44 +0000

Трагичен настан се случил денеска во Основно училиште во Белград, пишуваат српските медиуми. Девојчето М. М. (14), која била осмо оделение го загубила животот откако ѝ се слошило, по што пристигнала Брза помош. Докторите од Брзата помош констатирале само смрт на девојчето, а засега не е позната точната причина за смртта. Полицијата ги земала и надзорните камери од училиштето за да провери што се случило.

Ученичката Ембла од Гостивар е повторно меѓу соучениците

Магдалена Андонова — Thu, 03 Feb 2022 10:12:20 +0000

Четвртоодделеката Ембла Адеми од Гостивар е повторно меѓу соучениците во ОУ „Башкими“. Таа не го почна второто полугодие во нејзиното одделение поради бојкот на родителите на учениците од паралелката кои се жалеле на агресивност од ова 11-годишно девојче со Даунов синдром. Министерот за образование и наука Јетон Шаќири утрово на Фејсбук соопшти дека на негово задоволство и на задоволство на нејзиното семејство, Ембла продолжува да стекнува нови знаења, да напредува и да ги развива пријателствата со своите врсници. Шаќири напиша дека Ембла не ја почувствува радоста од повторното враќање во училишните клупи на првиот ден од второто полугодие, затоа што, за жал, како што вели, „во нашето општество се уште постојат стереотипни размислувања и предрасуди за луѓето со посебни потреби“. – Среќата во очите на Ембла е наша заедничка среќа. Победа на општеството и на вистинските човечки вредности. Посакувам вакви ситуации да не се повторуваат. Затоа, мораме да продолжиме да даваме придонес кон подигнувањето на свеста за децата со попреченост. Тие не се поразлични од другите и заслужуваат еднаков пристап до квалитетно образование како и сите други. Тоа е основно право и должни сме да го овозможиме, да создадеме услови во кои секое дете ќе го развива и ќе го реализира својот полн потенцијал. Да докажеме дека подигнувањето на инклузивноста на образовниот систем е наш врвен приоритет и процес кој ќе продолжиме да го спроведуваме. Драга Ембла, ти посакувам успех во понатамошната едукација. Застанувам позади тебе во секоја следна битка!, напиша Шаќири на својот фејсбук-профил. Единаесетгодишната Ембла вчера, со еден ден задоцнување тргна на училиште, но сама, затоа што родителите на другите ученици од ОУ „Башкими“ во Гостивар ја бојкотирале наставата. Тие во петиција напишале дека одлуката да не ги пуштаат своите деца на настава ја донеле „поради попречување на наставата од страна на ученичката Ембла Адеми и поради агресивност“. Како што објавија медиумите вчера, директорот на ОУ „Башкими“ Зијадин Нуредини изјавил дека се договориле со родителите на Ембла, таа „да циркулира и да ротира во три паралелки“ за да не остане само во една училница. Девојчето го посетиле и претставници на Центарот за деца со посебни потреби „Хандимак“ од каде што изјавиле дека таа никогаш не била агресивна.

Професор во крушевско средно училиште се обидел да силува ученичка

Ивана Ефремовски — Sat, 19 Dec 2020 16:54:23 +0000

На 18.12.2020 во 10.30 часот во Полициската станица Крушево, 42-годишна жена од Прилеп пријавила дека во средно училиште во Крушево Д.К.(54), професор во училиштето, се обидел да изврши обљуба врз нејзината малолетна ќерка. Д.К. бил приведен и задржан во Полициска станица Прилеп и по целосно документирање на случајот, против него ќе биде поднесена соодветна пријава.

Обвинителството со нови информации: Наставникот полово ја нападнал 9 годишната ученичка

Ивона Петрова — Fri, 31 Jan 2020 10:44:54 +0000

Основното јавно обвинителство Гостивар донесе Наредба за спроведување истражна постапка против едно лице за кое постои основано сомнение дека сторило кривично дело – Полов напад врз дете кое не наполнило 14 години од член 188 став 1 од Кривичниот законик. -Осомничениот наставник, на 29 јануари, во училиште во селото Чегране, извршил полови дејствија врз ученичка на возраст од 9 години. Тој за време на паузата за одмор ја повикал оштетената да оди кај него во училницата, ја допирал и ја бакнувал, при што со мобилниот телефон направил заедничка фотографија со девојчето. Кога оштетената малолетничка излегла од училницата, осомничениот и кажал дека повторно ќе ја повика, информираат од Обвинителството. Надлежниот јавен обвинител до судијата на претходна постапка при Основниот суд во Гостивар достави Предлог за определување мерка притвор за осомниченото лице, бидејќи постојат околности кои укажуваат на опасност од бегство, можност тој да го повтори делото или да ја попречува кривичната постапка со влијание врз сведоците. Судот го прифати предлогот и на осомничениот му определи притвор во траење од 30 дена.

Наставник од средно училиште уловен додека фотографира ученичка под здолниште без нејзино знаење (ФОТО)

Тале Кристо — Wed, 20 Nov 2019 19:08:44 +0000

Наставник во средно училиште е уловен како фоторафира ученичка под здолништето без нејзино знаење, а воо меѓувреме истиот беше снимен од страна на учениците од класот. Надлежните од образовниот систем во Лос Риос го откриле наставникот и истиот е суспендиран пошто ќе следи расветлување на случајот за сексуално вознемирување. Ваквата одлука следи откако видеото се појави на социјалните мрежи, при што предизвика вистинска лавина на реакции, пишува „The Sun“. На видеото јасно се гледа како наставникот со телефонот во рака е подготвен со цел да ја фотографира ученичката под здолништето. Медиумите во Еквадор пренесуваат дека министерството за образование работи на случајот, притоа потенцирајќи дека за сексуално вознемирување постои нула толеранција.

Професор непристојно допира ученичка: Јавноста го осуди, нејзините родители го оправдуваат (ВИДЕО)

Ивана Ефремовски — Tue, 28 May 2019 06:24:21 +0000

Професор во средно училиште во Тенеси е суспендиран после објавување на оваа снимка на која се гледа како на непристоен начин допира ученичка. Снимка која настанала во понеделникот е објавена на интернет, а на неа се гледа девојче кое стои до професорот, а тој најпрво ја гали по раката, а потоа ја допира по грбот и ја спушта раката на половината. Снимката е објавена во сторникот а професорот е веднаш суспендиран. И претходно имало ученици кои се жалеле од него, но никогаш не бил казнуван. Родителите на девојчето сепак го оправдале професорот и велат дека ја „тешел“ поради смртниот случај кој се случил во нивното семејство, но сепак многумина сметаат дека тој начин е непримерен и бараат построга казна за професорот.

Насилно девојче го шокираше светот: Кога ќе видите што му прави на наставникот, ќе се замислите какви се денешните деца (ВИДЕО)

Ивана Ефремовски — Sat, 08 Dec 2018 14:18:27 +0000

Уапсена е ученичка од средно училиште во американската држава Јужна Каролина, која се качи на бирото на наставникот и му се закануваше дека со нога ќе го удри по главата. На социјалните мрежи се појави видео, по кое реагираше полицијата од местото Калун Каунти и ја уапси 17-годишната Линерија Лин Гловер. Таа го шокира наставникот, кога се качи на неговото биро со закана дека ќе го клоцне, додека другите ученици се смееја. Таа неколку пати со рака го удри наставникто по глава. Директорот на училиштето Стив Арон Цилсон изјави дека е во шок, додека родителите на средношколката не го коментираат ваквото однесување на нивната ќерка. Таа се соочува со парична казна или со затвор од 30 дена.

„Меѓаши“: Да се истражи претепувањето на ученичката во Неготино

Ивона Петрова — Sat, 14 Apr 2018 09:22:38 +0000

Првата детска амбасада „Меѓаши“ во денешната пишана реакција во врска со претепувањето на ученичка во основно училиште „Гоце Делчев“ во Неготино бара Министерството за образование и наука да покрене истрага за овој настан, да утврди степен на одговорност и да се преземат мерки вакви случаи да не се повторат. - Во дворот на ОУ „Гоце Делчев“ во Неготино две ученички брутално тепале и влечеле за коса нивна соученичка и тоа во присуство на други деца кои набљудувале и соучествувале. Не се важни причините за овој брутален чин, но застрашува фактот на неконтролирана агресија од страна на децата врз свои соученици, што е резултат пред се на затајување на воспитанието во семејството, а веднаш потоа и затајување на воспитно образовниот процес во училиштето, стои во реакцијата од „Меѓаши“. Ова, како што истакнуваат, покажува дека не само ранливите категории деца се изложени на опасности, туку и децата во училиштата. - Очекуваме Министерството за образование и наука т.е. министерката Рената Десковска да покрене истрага за овој настан, да утврди степен на одговорност и каде потфрлил целиот наставен кадар, дежурни наставници, педагози, психолози, кои треба да работат на превенција на насилството и мора да имаат постојан увид за тоа што се случува во училиштето и училишниот двор, се наведува во реакцијата од „Меѓаши“. Оттаму апелираат до службите во МОН да ги ревидираат застарените правилници за регулирање на поведението на учениците и да разработат мерки за интервенција при инциденти на насилство во училиштата. Детската амбасада Меѓаши повикува и на поголема одговорност на родителите и нивна активна улога во превенција на меѓуврсничкото насилство за да не се случи најлошото, а Државниот просветен инспекторат и МВР да го утврдат степенот на одговорност, со казни за сите сторители и соучесници.