учесник – Kurir.mk

ОЈО Скопје поднесе предлог за мерка притвор за лице учесник во протестите за „Монструм“

Магдалена Андонова — Thu, 04 Mar 2021 13:36:26 +0000

Основното јавно обвинителство Скопје до Основниот кривичен суд Скопје поднесе предлог за определување мерка притвор за едно лице за кое е поведена постапка за кривично дело – Учество во толпа која ќе изврши кривично дело согласно член 385 став 2 во врска со став 1 од Кривичниот законик. Осомничениот, на возраст од 21 година, на 26 февруари учествувал на јавниот собир на граѓани во Скопје – протест за пресудата во предметот „Монструм“. Притоа тој бил дел од толпа која со заедничко дејствување сторила насилства кон полициски службеници и други присутни лица. Имено, осомничениот и повеќе други лица започнале заеднички да дејствуваат кон полициските службеници, фрлајќи со камења, бекатон плочки, метални шипки и други предмети, во обид да го пробијат полицискиот кордон. Како резултат на ова, со тешки телесни повреди се здобил новинар присутен на местото на настанот, а повредени биле и 11 полициски службеници. Бидејќи постојат околности кои упатуваат дека осомничениот би можел да се дадат во бегство или да го повтори делото, надлежниот јавен обвинител до судијата на претходна постапка од Основниот кривичен суд Скопје достави предлог за определување мерка притвор. Претходно, за истиот настан, Основното јавно обвинителство Скопје веќе поведе постапка за петмина други учесници во протестите.

Обвинение за 24 годишен Скопјанец – учествувал во странска војска и бил баран со потерница

Магдалена Андонова — Fri, 29 Jan 2021 13:11:00 +0000

По спроведената истражна постапка надлежен обвинител од Основното јавно обвинителство за гонење на организиран криминал и корупција до Основниот кривичен суд достави Обвинителен акт против дваесет и четиригодишниот И.Т. од Скопје, за сторено кривично дело – Учество во странска војска, полиција, паравоени или параполициски формации од член 322-а ст.3 од Кривичниот законик. Обвинетиот е дел од групата опфатена во акцијата „Ќелија 2″. За потсетување, акцијата беше спроведена на седум локации во Скопје и Тетово, на 9 јули 2016 година и притоа беа уапсени четири лица – поранешни припадници на ИСИС, а подоцна беше лишено од слобода уште едно лице. За останатите три лица меѓу кои и обвинетиот И.Т. беа распишани национални и меѓународни потерници. Имено, по претходна радикализација во нашата земја, И.Т. како македонски државјанин спротивно на законот заминал во Сирија, каде бил обучуван и учествувал во воените акции на правоената формација – муџахединска единица наречена „Тахрир Хајат Ал-Шали“ – Tahrir Hayat Al – Shali, која од страна ООН е прогласена за терористичка организација. По завршената обука која траела околу 6 месеци бил распореден во единица задолжена за обезбедување на терен во близина на градот Ибдил и извршувал одредени стражарски активности. По постигнатото примирје во 2017 година, обвинетиот во месец јули 2019 година од Сирија илегално влегол во Р.Турција и одреден временски период престојувал во Анкара и Истанбул. Со оглед дека со него имал патна исправа со истечен рок на важење не можел легално да се врати дома, па стапил во контакт со неговите родители. Согласно договорот, тој илегално ја преминал турско – грчката граница и во Р. Грција се сретнал со неговите родители, кои му ја донеле патната исправа на неговиот брат со која ја поминал границата и истиот ден преку ГП Долно Блаце ја напуштил државата заминувајќи на Косово. Кога се вратил во РС Македонија врз основа на претходно издадена Наредба за издавање на национална и меѓународна потерница од 2017 година, обвинетиот И.Т. на 06.10.2020 година беше спроведен во КПУ Затвор Скопје – Скопје. Имајќи ги предвид специфичноста, видот, тежината и начинот на извршување на кривичното дело, како и меѓународниот карактер на истото, а воедно и фактот дека обвинетиот долго време бил недостапен на органите на прогонот, обвинителството со Обвинителниот акт достави и посебен предлог за продолжување на мерката притвор определена од судија на претходна постапка.

Учесник во „Никогаш не е доцна“ ја раскажа својата животна приказна – го гледаа со солзи во очите (ВИДЕО)

Магдалена Андонова — Tue, 17 Nov 2020 10:06:31 +0000

Горан Филиќ – Гогац, учесник во музичкиот натпревар „Никогаш не е доцна“, кој има 53 години за време на неговото појавување на сцената ја раскажа својата животна приказна. Горан имал тешка операција, кога во март минатата година му е извршена трансплантација на срце. - Благодарение на семејството на момчето кое ми го подари своето срце, јас сум вечерва овде, со ново срце – рече тој. Водителот на ова натпреварување, Жика Јакшиќ, беше љубопитен, па Гогац да му објасни како дошло до трансплантацијата. - Момчето беше 15 години помладо од мене, тој повеќе не е со нас, па неговите родители ми го донираа неговото срце. Не се знаеме, можеби преку оваа емисија ќе дознаат за мене и ќе ги сретнам и запознаам. Сакам да знаат дека срцето на нивниот син чука во мене и дека ова е наша заедничка борба, на нивниот син и на мене – рече натпреварувачот, а Жика Јакшиќ видно возбуден и понесен од емоциите едноставно не можеше да ги задржи солзите. „Ти си доказ дека хуман гест направен од луѓе значи дека тоа е добро завршена работа. Вашата енергија е прекрасна. Денес ја слушаме песната на мојот омилен бенд ‘Генерација 5’ – ‘Доаѓам за 5 минути’ – рече Маре. Погледнете како изгледаше овој емотивен момент во „Никогаш не е доцна“

Учесникот во „Ѕвездите на гранд“ заразен со коронавирус- оваа пеколна грешка е честа грешка на балканците за да се заразат (ФОТО)

Дарко Андоновски — Mon, 22 Jun 2020 20:32:01 +0000

Актуелниот учесник во музичкото шоу „Ѕвездите на гранд“ Александар Саша Поповиќ е позитивен на коронавирусот. Младиот пејач се огласи на социјалните мрежи и објасни како се заразил. -Позитивен сум на коронавирус. Драги пријатели денеска ми е потврдено присуството на вирусот. Многу од вас дознаа, но ве известувам сите за да не ме барате поединечно. Претпоставувам дека сум се заразил на една свадбена прослава на 14 јуни. Доколку сте имале контакт со мене и имате симптоми веднаш да се јавете на инфективната клиника и да се тестирате. Вирусот ни најмалку не е пројден, така да водите сметка и чувајте се. Јас се чувствувам добро, немам воспаление на белите дробови, температурата ми пројде и само кашлам, вели тој во својот пост. Инаку пред неколку недели тој пројде во директното во следниот круг на „Ѕвездите на гранд“ .

СОЛЗИТЕ САМИ ЌЕ ВИ ТЕЧАТ: Учесник во хрватскиот „Супер талент“ ја бара својата изгубена сестра, неговата приказна ќе ве растажи (ФОТО)

Дарко Андоновски — Thu, 14 Nov 2019 10:52:35 +0000

Симпатичниот учесник Анте Драгојевиќ (19) кој регионот имаше прилика да го запознае во хрватското реално шоу „Супер талент“ во кое се претстави со необичен и чуден талент на мрдање веѓи иако не помина понатаму, овие денови е повторно топ тема во сите медиуми. Имено Анте преку својот Фејсбук профил ја бара својата изгубена сестра Ивана. Ивана и Анте биле заедно во дубровничкиот дом „Маслина“, а по некое време биле раздвоени бидејќи Ивана била посвоена. Денеска на нејзиниот роденден тој има најголема желба повторно да ја пронајде својата сестра. -Среќен ти роденден, те сака брат ти 12.11.2001 родена си во Дубровник. Името ти е Ивана Драгојевиќ (најверојатно променето). Бевме заедно во домот „Маслина“ во Дубровник, а потоа не одвоија нас. Ти си посвоена, а со години никако да те пронајдам. Сега имаш 18 години и никој не може да ни забрани да се сретнеме. Те молам јави се и ги замолувам сите луѓе да помогнат, напиша Анте.