учител – Kurir.mk

Четири месеци затвор за професорот што нападна ученик во струшко училиште

Ивана Ефремовски — Thu, 10 Feb 2022 14:49:45 +0000

Пресуда од четири месеци затвор за професорот, кој во декември минатата година со метален боксирач нападна ученик во струшкото средно училиште „Ибрахим Темо“, донесе денеска Основниот суд во Струга. Судот го прогласи за виновен за сторено кривично дело „насилство“, а во изречената казна, ќе му биде пресметан и периодот поминат во притвор, до правосилноста на пресудата. Неговиот адвокат Сеад Мена најави жалба, со тврдење дека доказите не се објективно оценети. На единственото судско рочиште, кое се одржа пред една недела, сега осудениот професор Ерол Спахо, кажа дека на случајот му претходел вербална расправија со негова колешка, мајка на повредениот ученик. Посочи дека бил нападнат од ученикот во тоалетот, со тупаница на челото. Боксирачот го извадил за да го исплаши, но тој завршил во главата на ученикот. Одбраната на професорот тогаш побара укинување на мерката притворот со образложение дека не биле исполнети објективните елементи на кривичното дело насилство. -Има контрадикторни докази, особено исказите на сведоците и на оштетениот и спротивно на Обвинителството, одбраната бара обвинетиот да биде ослободен од ова кривично дело. Кривично дело има, тоа е телесна повреда, но таа се гони со приватна тужба, не по службена должност. Затоа побаравме притворот да му биде укинат и сметам дека судот ќе донесе правилна одлука, изјави по рочиштето на 3 февруари адвокатот Сеад Мена. Инцидентот се случи на 23 декември минатата година во средното училиште „Ибрахим Темо“ во Струга. По нападот од професорот, ученикот бил примен на Хирушкото одделение со повреда на главата, каде по извршеното шиење е пуштен на домашно лекување. Педесет и седум годишниот професор беше приведен од полицијата, по што му беше одредена мерка притвор, а во меѓувреме по предлог на дисциплинската комисија во училиштето престана неговиот работен однос.

Овој наставник е ХЕРОЈ: Поминува по 8 километри дневно за да им достави бесплатни оброци на учениците во карантин (ВИДЕО)

Ивана Ефремовски — Sat, 11 Apr 2020 14:12:47 +0000

Британецот Зејн Пауелс, наставник во основно училиште во градот Гримсби, дојде до уникатно решение, за неговите ученици и натаму да можат да добијат бесплатни училишни оброци за време на пандемијата на коронавирус. Пауелс пашачи по осум километри секој ден, носејќи ранци полни со храна и домашни работи за најмалку 78 ученици. Ранци тежат повеќе од 18 килограми, но наставникот вели дека ништо не е тешко за благосостојбата на децата. Ја остава храната на прагот, тропа на вратата и потоа чека подалеку додека не биде сигурен дека семејството ја презело пратката. Според Здружението за ризични деца, 34 проценти од децата во Гримсби живеат во сиромаштија. -Семејствата се благодарни за овој гест. Родителите и децата излегуваат низ прозорец и ме поздравуваат, а некои дури сакаат да разговараат со мене. Понекогаш мислам дека сум единствената возрасна личност со која можат да зборуваат деновиве, изјави Паулс. "Многу семејства живеат во страв. Тие се плашат да ги пуштат своите деца надвор од куќата, па дури и се плашат да одат во продавница. Затоа сум многу среќен зашто знам дека им помагам", додаде тој, велејќи дека мислел дека им дава на своите ученици секојдневно чувство на нормалност како пред изолацијата, кога нормално било да го гледаат секој ден.

Пилотот преку разгласот проговори само четири збора- следуваше молк и солзи, па сите сакаа да видат само еден човек (ВИДЕО)

Дарко Андоновски — Mon, 03 Dec 2018 12:51:24 +0000

Пилотот наместо да ги информира патниците за летот тој се огласи преку разгласот и изговори само четири збора од кои многумина заплакаа. Станува збор за турски пилот и екипаж во чиј авион се наоѓал нивниот поранешен учител по летање. По разгласот екипажот му пријде на професорот со букет цвеќе во рацете. Човекот беше толку многу изненаден што започнал да плаче, а присутните го поздравиле со громогласен аплауз. Љубезниот учител ги прегрна и поздрави сите ученици кои му пријдоа и му се заблагодарија.

Turkish Airlines pilot thanks his school teacher who was on board the flight. Very moving and shows the ultimate respect to the educators who shape our lives. pic.twitter.com/loEvkLQh3m
— Ihtisham ul Haq (@iihtishamm) November 28, 2018

Учител го загубил посвоеното дете поради лажно обвинение дека непристојно допирал ученици

Даниел Василев — Wed, 04 Apr 2018 11:47:44 +0000

Неименуван учител од Велика Британија кој поминал низ исцрпувачки процес за посвојување дете со својата сопруга е лажно обвинет за допирање на свои ученици, пишува Дејли мејл. Според извештајот на годишната конференција на Националната асоцијација на училишни сојузи на жените наставници, учителот бил обвинет за допирање на своите ученици додека тој воопшто не бил во училиштето. Портпаролот на Сојузот соопшти дека обвинувањата биле лажно, но службите сепак го одземале посвоеното дете од двојката, а на учителот му забраниле да биде сам со своето дете. Скоро една година, неименуваниот учител добил забрана за работа додека полицијата и социјалните работници го истражувале случајот. Брачниот пар поминале низ исцрпувачки процес на усвојување на дете, но поради обвинението се соочиле со огромен проблем кога социјалните служби им го одземале детето. Статистикат покажува дека во Велика Британија 119 наставници биле задржани во полиција поради кривично гонење поврзано со нивната работа, а во 83 случаи обвиненијата биле лажни. Засега ниту еден наставник не бил обвинет на суд, но некои од случаите се уште се водат.