учители – Kurir.mk

Во Бугарија се зголемуваат платите на учителите за 15 проценти

Тале Кристо — Thu, 10 Aug 2023 15:24:03 +0000

Платите на учителите се зголемуваат за 15 отсто. Ова е направено со анекс на колективниот договор за работа за предучилишниот и училишниот образовен систем кој денеска го потпишаа министерот за образование и наука проф. Галин Цоков и социјалните партнери. Зголемувањето стапува во сила ретроактивно од 1 јануари 2023 година, соопшти прес-центарот на Министерството за образование и наука (МОН). Ова е веста на денот од Република Бугарија, избрана на Бугарската телеграфска агенција (БТА) за објавување од МИА, согласно Договорот за размена на информации и професионална соработка, кој предвидува секој ден националните информативни агенции на Северна Македонија и Бугарија да разменуваат директно избрана од другата агенција вест на денот на соодветната земја, а другата агенција да ја објави на својот интернет сајт без промени со изрично посочување и цитирање на партнерот како извор. „Владата на овој начин го гарантира националниот приоритет за одржување на висината на платите на учителите од 125 отсто од просечната плата во државата“, коментира проф. Цоков. Според него, најдобрите решенија за системот можат да се најдат само благодарение на добар и конструктивен дијалог со социјалните партнери. „Ме радува што со државниот буџет ги гарантиравме и платите на вработените во образованието и продолжувањето на започнатите поправки и модернизирање на училиштата и студентските домови во државата“, додаде министерот. Со анексот потпишан денеска минималната основна плата за учителите станува 1.709 лева. Така ќе биде и за сите други педагошки специјалисти - наставници, воспитувачи, раководители на одделот „Информатички и комуникациски технологии“, логопеди, психолози, педагошки советници, тутори, кореографи, рехабилитатори за слух и говор и спортски тренери во училиштата и градинките. , известуваат од МОН. Минималната основна плата за постарите учители и вишите воспитувачи станува 1.763 лева, а за главните училители и главните воспитувачи - 1.831 лева. Директорите ќе добиваат основен надоместок од најмалку 2.082 лева, а замениците - 1.926 лева. За зголемување на платите на учителите од државниот буџет се обезбедени 524 милиони лева. Анексот на колективниот договор за труд го потпишаа министерот за образование и наука, проф. Галин Цоков, претседателот на Сојузот на бугарски учители при КНСБ Јанка Такева, претседателот на Синдикатот „Образование“ при КТ „Подкрепа“ Др. Јулијан Петров, претседател на Самостојниот синдикат на наставници при КНСБ Аспарух Томов, претставници на Синдикатот на раководителите во јавниот образовен систем во Бугарија и на Здружението на директори во средното образование во Република Бугарија.

„Републиката во пламен“

Ристе Здравков — Mon, 30 May 2022 18:31:04 +0000

Македонска пошта, старата фабрика „Треска“, денес Тетовска фабрика, од Велес во централна Македонија, до Берово на источниот дел од државата гореа шуми, а гореше и тетовската модуларна болница во која гореа и живи луѓе. Филмот на покојниот Љубиша Георгиевски насловен како „Република во пламен“ направен за едно друго време, време во кое нашите претци се бореле за сопствена држава, филм во кој се отсликува борбата на Македонците за самостојнос, изминативе шест години се игра во оваа наша земја, но во едно поинакво светло. Имено шест години „Републиката ни е во пламен“, но не за борба за подобро утре, Републиката навистина ни е во пламен. Горат фабрики, пошти, горат „белите дробови“ на Македонија, горат болници, и она од кое на сите кожата ни се ежи, горат живи луѓе. Шест годни Македонија е во вистински пламен, покрај пожарите, Македонија е во пламен и на многу други нивоа. Сменивме име, во моментов Бугарија со нашите политичари си игра како со „мали деца“, економијата ни е пред колапс, коронакризата не качи на врвот на листата за најголема смртност, киминалот и корупцијата цветаат... Единствената работа која вистински цвета во оваа наша земја е бизнисот со марихуана. „Си отиде Мурто за да дојде К*рто“ И во моментот кога си замина „Мурто“, кога помисливме дека еве неговиот заменик ќе почне да не оправа, се случува колапс. Штајкови, пожари, за патот кон ЕУ да не збориме, немањето визија, проекти, НЕФУНКЦИОНИРАЊЕТО НА СИСТЕМОТ во Републиката ни дава за право да кажеме дека таа е во ПЛАМЕН. Замислете, владата предводена од СДСМ и ДУИ не можат да го дадат бараното покачување на платите за професорите, учителите, наставниците... Велат, ако сакаш да уништиш една нација – уништи ѝ го образованието. Па ако оваа влада нема доволно пари за оние кои треба да се грижат за нашите деца, за идните генерации, за иднината на оваа држава, тогаш „Републиката ни е во пламен“. Ако македонските земјоделци, немаат соодветен пласман на своите производи, ако немаат сигурна откупна цена, ако немаат каде да ги дадат своите производи за кои само тие знаат како се мачеле, тогаш „Републиката ни е во пламен“. Ако велиме дека младите ни се отселуваат, ако она седум годишно дете Македон, дете генијалец нема каде да го образуваме во државава, тогаш „Републиката ни е во пламен. Ако во македонското собрание се заклучуваат пратеници, ако претседателот на тоа собрание се однесува како „тоа да е на татко му“, па со пцовки се расфрла кон вработените, тогаш „Републиката ни е во пламен“. Ако во Македонија 20 години една партија е на власт, а притоа ниту еден нејзин функционер не заврши зад решетки, а скандали имаат за извоз, тогаш „Републиката ни е во пламен“. „Републиката ни е во пламен“, Македонија тоне, младите се отселуваат, државата ќе ни стане една голема црна дупка, која сите ќе ја заобиколуваат, а оние кои ја напуштаат никогаш нема да сакаат ниту да ја посетат. Оние кои во 1903 се бореа за за самостојна држава, денес да се живи најверојатно не би ни живееле тука. ПС: Ако сам не си го цениш и сакаш своето, не очекувај друг да го прави тоа место тебе! Ристе Здравков