удар од гром – Kurir.mk

Ужасна трагедија во соседството – гром удрил во тренер на фудбалски клуб додека се играл пријателски меч

Дарко Андоновски — Mon, 30 Aug 2021 11:59:29 +0000

Во натпреварот во Бугарија во селото Лесичово се случи голема несреќа. Имено, гром го уби тренерот Иван Ранчев. Трагедијата се случила на пријатеслкиот меч помеѓу Лесичово и Ботев. Како што пренесуваат бугарските медиуми прво почнал силен дожд, а набрзо потоа се појавиле и грмотевици. Громот погодил и еден фудбалер кој за среќа преживеал и поминал со лесни повреди. За време на несреќата на теренот немало доктор затоа што се работело за пријателски натпревар.

Полесно повредени четири лица од удар на гром на Акропол

Дарко Андоновски — Wed, 17 Apr 2019 14:57:11 +0000

Од удар на гром, веројатно во близина на билетарницата на влезот на Акропол во Атина, полесно се повредени четири лица и пренесени во болница, објавија грчките медиуми. Како што јави дописничката на МИА од Атина, двајца од повредените се вработени, најверојатно чувари на археолошкиот локалитет, додека пак другите две лица најверојатно се туристи.

ВИДЕО: Kамери снимија како гром удри во дете – момчето преживеа

Предраг Кукиќ — Tue, 21 Aug 2018 19:05:44 +0000

Тринаесетгодишното момче Џосаја Вајдмен се шетало со пријател по паркот во Ел Мираж, во Аризона, кога во него удрил гром. На снимката од надзорната камера јасно се гледа дека тинејџерот прво го осветлило светло, потоа го фрлило во воздух, а тој паднал на глава и останал да лежи. Момчето се опорави и за медиумите раскажа што му се случило. Рекол дека само се сеќава на „ситен налет на горештина“. Џосаја во моментот на удар на гром носел скејтборд во раката, и се верува дека токму тоа му го спасило животот, затоа што металниот оквир на скејтот го „спуштил“ громот до земјата, но громот не погодил директно во него. Од падот на земја, добил потрес на мозокот, а имал и помала изгореница на ногата.

Маж пронајден мртов во струшко

Ивона Петрова — Tue, 21 Aug 2018 07:40:15 +0000

Машко починато лице било пронајдено рано утринава на местото викано „Славило“ над струшкото село Локов. Од полицијата информираат дека случајот го пријавил С.Н. Починатиот е 35 годишниот У.Е. од Дебар кој напасувал стока и најверојатно починал од удар на гром. Увид ќе се врши во текот на денот.