удавени лица – Kurir.mk

Бројот на загинати при превртување на чамец кај Сирија се искачи на 60 лица

Дарко Андоновски — Fri, 23 Sep 2022 11:45:59 +0000

Најмалку 60 лица се удавија при превртувањето на чамецот со мигранти во близина на сирискиот брег. Гувернерот на сириската провинција Тартус, Абдул Халим Калил за локалните медиуми денеска изјави дека потрагата за уште тела е во тек. Чамецот што испловил од Либан се преврте пред два дена. Во текот на изминатиот месец, илјадници Либанци, Сиријци, Палестинци го напуштија Либан и преку море се упатија кон Европа. Во Либан живеат околу шест милиони луѓе, вклучувајќи и повеќе од милион сириски бегалци. Над три четвртини од населението живее во сиромаштија поради економската криза во земјата од 2019 година.

Во британските реки и езера во изминатите неколку дена се удавија 13 лица

Катерина Бојаџиева — Wed, 20 Jul 2022 17:36:24 +0000

Најмалку 13 лица се удавија во британските реки и езера во последните денови, обидувајќи се да се разладат од топлотниот бран, јавија локалните медиуми. Во луѓето се удавиле додека пливале во реки и езера, а седум од жртвите биле тинејџери, изјави британскиот министер Кит Малтхаус во парламентот. Лондонските пожарникари вчера го поминаа најтешкиот ден од Втората светска војна, бидејќи температурата достигна 40 степени Целзиусови, предизвикувајќи пожари кои уништија десетици домови во главниот град и запалија сува трева покрај железничките пруги и патишта. Најмалку 41 куќа се уништени во Лондон, а повеќе од десетина на други места во Велика Британија, рече Малтхаус. Многу возови од Лондон до северна Англија денеска доцнеле или се откажани бидејќи топлината од пожарите ги прегреала шините и ја оштетила опремата за сигнализација и далноводите.

Ова лето на албанското крајбрежје се удавиле 11 лица, има недостиг на спасувачи

Магдалена Андонова — Tue, 19 Jul 2022 08:45:44 +0000

Единаесет лица се удавија оваа летна сезона на албанското крајбрежје, кое страда од недостиг на спасувачи, објави информативниот сајт „Егзит“. На повеќето плажи во Албанија нема спасувачи или има минимален број на луѓе кои ги набљудуваат туристите, посочува „Егзит“. Ова е проблем веќе неколку години. Во 2014 година, Националната крајбрежна агенција обучи 41 студент по спорт како сертифицирани спасувачи, но тие никогаш не беа распоредени. Летото 2021 година, најмалку четири лица се удавија додека пливаа долж албанскиот брег. Претходните години беа забележани повеќе несреќни случаи во текот на целата сезона. – Според одлука на владата, секое правно лице кое има концесија на површина на плажа мора да обезбеди спасител и набљудувачка кула, но тоа не се спроведува, посочуваат од „Егзит“. Роберт Нечаи, потпретседател на Албанската федерација на спасувачи, рече дека многу од смртните случаи можеле да се избегнат доколку имало спасувачи на соодветните плажи. Последен ваков случај беше минатата недела кога се удави 19- годишно момче во обид да ги спаси помалиот брат(15) и неговиот другар. (МИА)