удавени – Kurir.mk

Четворица мигранти се удавија во близина на островот Лезбос, 18 се спасени

Тале Кристо — Mon, 28 Aug 2023 12:06:18 +0000

Четворица мигранти се удавија во близина на грчкиот остров Лезбос додека се обидувале да го поминат морето од соседна Турција, соопшти денеска грчката крајбрежна стража, наведувајќи дека се спасени 18 мигранти. Крајбрежната стража не објави повеќе детали за инцидентот. Грција е една од главните влезни точки за мигрантите и бегалците од Блискиот Исток, Африка и Азија, кои се обидуваат да стигнат до Европа.

Се преврти брод: Се стравува дека се удавиле 300 луѓе

Тале Кристо — Thu, 24 Jun 2021 15:46:46 +0000

Потона брод во близина на брегот kaj Јемен. Сестравува дека се удавиле околу 300 луѓе, јавуваат светските медиуми. Наскоро повеќе информации...

Yemen açıklarında ilerleyen göçmen teknesi, henüz bilinmeyen bir nedenle alabora oldu. Birleşmiş Milletler tarafından yapılan ilk bilgilendirmeye göre teknede bulunan 300 kişi hayatını kaybetti. Yaralı sayısı ise şu an için bilinmiyor. pic.twitter.com/62yBP20JWM
— HÜSEYİN AVNİ KEMAL (@Hak2861) June 24, 2021

Најмалку 41 мигрант се удавија во близина на брегот на Тунис

Тале Кристо — Sat, 17 Apr 2021 07:23:12 +0000

Четириесет и еден мигрант го загуби животот во потонување на брод крај брегот на Тунис, соопшти синоќа ООН. Три лица се спасени. Потонувањето на бродот и смртта на мигрантите се случија во четвртокот навечер, во близина на крајбрежниот град Сфакс, соопштија Меѓународната организација за миграција и Агенцијата за бегалци на ООН (УНХЦР). Претходните информации зборуваа за 20 загинати мигранти од субсахарска Африка, кои се удавија. Жена и бебе биле меѓу жртвите. Најмалку 39 мигранти минатиот месец загинаа кога два брода потонаа во близина на Сфакс. Додека во јуни минатата година, при потонување на брод на истата локација загинаа најмалку 60 мигранти. Тунис е една од рутите на мигрантите, кои преку Средоземно Море се обидуваат да пристигнат до италијанскиот остров Лампедуза.

ЛОШИ ВЕСТИ: ДВАЈЦА МОРНАРИ СЕ УДАВИЛЕ – од потонатиот руски брод спасени се само 5 морнари

Магдалена Андонова — Sun, 17 Jan 2021 15:15:49 +0000

Гувернерот на Бартин, Синан Гунер, изјави дека од вкупно 13 члена на рускиот товарен брод, петмина се спасени а двајца морнари биле пронајдени мртви. Од руската Амбасада во Анкара за Тасс изјавија дека дипломатите работат на утврдување на судбината на екипажот, а причината за несреќата засега е непозната.

Околу 20 мигранти од Африка се удавија вои Средоземно Море, се трага по исчезнатите

Дарко Андоновски — Thu, 24 Dec 2020 13:52:13 +0000

Туниските власти соопштија дека при превртување на чамец во Средоземно Море се удавиле околу 20 мигранти од Африка, кои се обидувале да пристигнат до брегот на Европа. Телата на жртвите се пронајдени во близина на тунискиот град Сфакс. Пет лица го преживеале бродоломот, а 20 се водат како исчезнати. Во чамецот имало од 40 до 50 луѓе, кои сакале да пристигнат до Италија. Се претпоставува дека мигрантите се од потсахарска Африка.

Трагедија во Србија: Се удавија две братчиња во езерото Очага

Магдалена Андонова — Sun, 23 Aug 2020 20:20:23 +0000

Две братчиња од Лазаревац се удавија денеска во водите на езерото Очага кај Лазаревац. Децата се бањале во езерото и во еден момент исчезнале. Родителите кои во тоа време биле во плиткото со нивното бебе, ги алармирале спасувачите. Децата по 15 минути се извадени на копно без свест, а лекарите од Итната помош половина час се бореле за нивните животи, но за жал не успеала реанимацијата. Мајката Драгана, вели дека кога момчињата исчезнале, спасувачите, но и пливачите, тргнале во потрага. Сепак, вели дека премногу долго ги барале на брегот, а не во водата. – Тие веднаш не скокаа во вода, ако го сторае веднаш децата ќе беа живи. Трчаа наоколу. По еден час, го извадија помлиот за нозете, а потоа и постариот, продолжи неутешната мајка. А, потоа солзи ѝ дојдоа на очи. – Ги нема, моите деца ги нема … Драгана додава дека тие за прв пат заминале во езерото Очага. – Можеби така требаше да биде. Што да кажам? Се грижев за ќерка ми. Не беше длабока вода, не знам како можеа да се удават. Ги најдоа еден до друг, рече на крајот Драгана М.

Во близина на брегот на Мавританија се удавија 58 мигранти

Дарко Андоновски — Thu, 05 Dec 2019 08:10:18 +0000

Најмалку 58 мигранти се удавиле откако брод што превезувал околу 150 мигранти од Гамбија потонал крај брегот на Мавританија, соопшти денеска Агенцијата за миграција на ОН (ИОМ). Властите на Мавританија соопштија дека 58 мигранти загинале, а преживеани рекоа дека бродот ја напуштил Гамбија минатата среда. Преживеаните исто така рекоа дека имало жени и деца во бродот, како и дека 83 лица успеале да допливаат до брегот.

УНХЦР: Во близина на Либија се удавија 220 луѓе

Дарко Андоновски — Fri, 22 Jun 2018 06:55:22 +0000

Во последните неколку дена во близина на брегот на Либија се удавија 220 луѓе, соопшти Агенцијата за бегалци на Обединети нации (УНХЦР) повикувајќи се на сведочењата на преживеаните лица. УНХЦР наведува дека само пет луѓе преживеале кога брод со околу 100 лица потона во вторникот, додека истиот ден се удавиле 70 луѓе од 130, кои се превезувале со гумен чамец. Во средата над 50 луѓе исчезнале во морето.