удавено момче – Kurir.mk

ЛОШИ ВЕСТИ УТРОВО – пронајдено удавеното 29 годишно момче по кое се трагаше со денови!

Дарко Андоновски — Sun, 23 Jul 2023 09:21:59 +0000

Тим на струмичките пожарникари денеска го пронајде и извлече телото на М.П.(29) од село Дабиле, кој на 16-ти овој месец исчезна во водите на браната кај селото Дрвош. Веста ја соопшти ТППЕ Струмица на својата фејсбук страница, откако утрово нивниот тим се вклучи во потрагата по исчезнатото момче. Завчера во потрагата се вклучија и жители на селото Дабиле, кои со чамец и сонари ја пребаруваа браната. Како што беше објавено на нивната фексубк страница, сонарите детектирале објект во водата, а денеска со помош на пожарникарите е извлечено телото на удавеното момче. Инаку, на 16 јули во 13:30 часот во полицијата од Итна медицинска помош било пријавено дека околу 13.00 часот М.П.(29) од село Дабиле, струмичко, влегол во водите од браната во близина на село Дрвош, струмичко и не излегол.

ТРАГЕДИЈА НА ЗАКИНТОС: Младо момче починало бизарно во ноќен клуб – сопственикот кој 40 години се занимава со овој бизнис во шок од начинот на смрт

Дарко Андоновски — Tue, 27 Jun 2023 09:42:12 +0000

Дваесетгодишен Британец почина кога изгубил свест и паднал во базен во ноќен клуб во познатото грчко одморалиште Закинтос. Персоналот на хотелот го забележал човекот со лицето надолу во базенот и веднаш повикал спасител. Спасувачките екипи пристигнале и се обиделе да го оживеат, но безуспешно. „Трипати се обидовме да го оживееме, но немаше начин. Спасувачките екипи потоа го однеле во болница. Сите сме во шок. Со овој бизнис се занимавам 40 години и првпат се случува вакво нешто“, изјавил сопственикот на клубот, кој се наоѓа во склоп на хотелот. Ова не е единствената трагедија што се случила во ова познато одморалиште. На почетокот на овој месец 64-годишен британски турист беше пронајден мртов на плажата. Мажот бил пренесен во Општата болница во Закинтос, каде што подоцна била констатирана смрт. Според извештаите, во моментот на инцидентот немало спасител на плажата.

ТРАОРНО ВИДЕО ОД ИЗВЛЕКУВАЊЕТО НА ТЕЛОТО – по пет дена потрага, еве каде беше пронајдено младото момче кое во Вардар падна со „Голф“ (ВИДЕО)

Дарко Андоновски — Sun, 02 Oct 2022 16:11:27 +0000

Во водите на реката Вардар е пронајдено безживотното тело на кумановецот Ердон Рамадани, кој на 27 септември имаше несреќа кај селото Желина. Извори од местото на настанот велат дека неговото тело било пронајдено во близина на касарната, поточно на 1 километар од местото каде што имал незгода. Телевизијата Алсат-М објави и видео од местото каде е пронајдено младото момче и истото можете да го погледнете ТУКА.

НАМЕСТО ДА РАБОТИ ВО ЦРНА ГОРА, СУДБИНАТА МУ БИЛА ТРАГИЧНА: Ова е причината за давењето на младиот Енис од Тетово (ФОТО)

Дарко Андоновски — Mon, 20 Jun 2022 11:14:11 +0000

Силната морска струја што често се јавува на црногорското крајбрежје на Јадранското Море е причина за давењето на 21-годишниот тетовецот Енис Халили, објави „Клан Македонија“. Енис заминал да работи за време на летната сезона во туристичкото место Утјеха, на потегот меѓу Улцињ и Бар. Соседот на Енис, Беким Рамадани, се повика на вестите од црногорските портали. – Влегол во вода околу 17 часот и веројатно поради силни струи во водата се удавил. Сопственикот на објектот каде што бил вработен, им се јавил на родителите за да им каже дека изгубиле контакт со момчето. Подоцна спасувачките екипи успеале да го пронајдат и да го извадат мртвото тело околу 19 часот – изјави Рамадани за несреќниот случај од саботата. Родителите на Енис заминале во Црна Гора за да ги подигнат посмртните останки. – Тоа е животот. Во потрага по подобра егзистенција, се случи трагедија на еден млад тетовец. Енис велеше дека ќе оди таму, дека ќе работи, дека многу ќе се труди за да си обезбеди подобар живот – вели Рамадани.

Продолжува потрагата по малолетникот кој исчезна во водите на Преспанско Езеро

Ивона Петрова — Tue, 04 Aug 2020 08:23:15 +0000

Потрагата по малолетникот кој исчезна во водите на Преспанското Eзеро продолжи во раните утрински часови и ќе трае се до пронаоѓање на момчето. Поради временските услови вчера потрагата беше привремено прекината. Во Полициската станица Ресен завчера во 18:18 часот од Итната медицинска помош било пријавено дека во туристичката населба „Претор“, во водите на Преспанското езеро исчезнал 16-годишен малолетник од Ресен.

Се уште се трага по телото на удавеното момче во Претор

Ивона Петрова — Mon, 03 Aug 2020 08:15:38 +0000

Нуркачките екипи од Охрид и натаму се во потрага по телото на 16- годишното момче од Ресен што вчера попладне се удави во Претор. Од полицијата информираат дека околу 18 часот било пријавено дека во туристичката населба-Претор, во водите на Преспанското езеро, исчезнал И.М. (2004) од Ресен. Според очевидците, до давањето дошло откако три млади капачи се возеле на педалинка. Од непознати причини педалинката се превртела. Двајцата млади капачи со пливање излегле на површина, а едното од децата не излегло од водата,oбјави Нова Македонија. . По давењето на младото момче во Претор засега се уште не е извлечено неговото тело од водите на Преспанското езеро.

Познат идентитетот на момчето кое вчера се удави во езерото Младост

Ивона Петрова — Sun, 12 Jul 2020 09:05:19 +0000

Министерството за внатрешни работи денеска го соопшти идентитетот на момчето кое вчера се удави во водите на езерото Младост. Како што информираат од МВР, станува збор за скопјанецот М.С. на возраст од 28 години кој влегол во водата и по кусо време потонал и се удавил. -Телото на М.С. било извадено од водата, а од страна на лекар од Итната медицинска помош била констатирана смрт. Извршен бил увид на местото на настанот од увидна екипа од СВР Велес, а по наредба на Јавен обвинител телото на починатиот е предадено на семејството, велат од МВР.

Трагедија: Се удави момче во езерото „Младост“

Магдалена Андонова — Sat, 11 Jul 2020 19:34:24 +0000

28 -годишно момче се удави попладнево во водите на велешкото езеро „Младост. Несреќата се случила околу 16 часот, кога момчето кое било од Скопје, заедно со неговиот татко и уште неколкумина други луѓе се капеле во езерото, во близина на бродот „Панини“, објави Телма. Во еден момент, момчето потонало, но другите не забележале веднаш дека го нема. По извесно време почнале да го бараат, повикале и полиција, која пак, ја алармирала противпожарната единица до Велес. Телото го пронашле пожарникарите околу 17 часот, а докторите од велешката брза помош ја констатирале смртта. На местото увид прави јавен обвинител, кој треба да одлучи дали ќе издаде наредба за обдукција на телото на удавеното момче.

Кобен 1-ви Мај за младо момче: Марко славел со пријателите, па се удавил во Сребреното езеро

Ивана Ефремовски — Sat, 02 May 2020 10:36:49 +0000

22-годишниот Марко К. се удавил во Сребреното езеро во Србија, откако заедно со двајцата другари паднал од чамецот со кој се возеле од викендицата во која престојувале. Телото на момчето го пронашле нуркачи од полицијата, кои вчера го пребарувале езерото. Со чамецот момчињата отишле до другото крајбрежје од езерото каде се дружеле и пиеле. Потоа вечерта тргнале назад, околу полноќ, меѓутоа, во еден момент додека биле на езерото, лимениот чамец почнал да прима вода и да тоне. Двете момчиња кои успеале да испливаат до брегот, го пријавиле исчезнувањето на својот пријател во Велико Градиште.

Детали за трагедијата: 15- годишно момче се удави во Пчиња

Катерина Бојаџиева — Mon, 19 Aug 2019 05:57:01 +0000

Петнаесетгодишно момче се удави вчера во водите на реката Пчиња, кај кумановското село Шупли Камен, потврди кумановската полиција. Според првичните информации на СВР Куманово, момчето родено во 2004-та година заедно со уште едно возрасно лице и двајца малолетници, вчера во 16:15 часот влегол во водите на Пчиња и се удавил. Известен е јавен обвинител и извршен е увид.