удави – Kurir.mk

Малолетник од виничкото село Истибања се удави во Брегалница

Магдалена Андонова — Fri, 11 Sep 2020 19:13:29 +0000

Малолетно момче на 14-годишна возраст од виничкото село Истибања попладнево се удавило во водите на реката Брегалница. Според првичните информации, трагичниот настан се случил во атарот на селото Калиманци, каде што момчето отишло на риболов и според искази на роднини влегло во водата. Полицијата го потврдува трагичниот настан, но не соопштува детали. Потрагата по телото на момчето е во тек.

Татко на седум деца се удави обидувајќи се да ги спаси нив (ФОТО)

Курир — Mon, 03 Aug 2020 21:33:07 +0000

Британецот Џонатан Стивенс, татко на седум деца починал откако се обидел да ги спаси децата да не се удават во норето во големите бранови. Стивенс загинал вчера попладне во Бармут, северозападен Велс, додека ги спасувал своите две деца. Полицијата и крајбрежната стража биле повикани на местото на настанот нешто пред 2 часот попладне, пишува Скај њуз. Спасувачите го извлекле Стивенс од морето и го транспортирале во болницата „Исбити Гвинед“, каде подоцна починал. „Невозможно е да се опише како се чувствуваме. Не само нашите деца и јас, туку и неговите други деца“, рече неговата партнерка Лора. "Јас му должам на овој човек сè, бидејќи ги спаси нашите бебиња. Тој го даде својот живот да ги однесе на безбедно нашите деца. Ние сме многу тажни", додаде таа.

Објавена снимка од трагедијата во Претор: Спасувачи се обидуваат да го пронајдат телото и извлечат од водите (ВИДЕО)

Курир — Sun, 02 Aug 2020 21:17:20 +0000

Младо момче се удавило попладнево во Преспанското езеро, во Претор. „Во 18:18 часот во ПС-Ресен, од ИМП било пријавено дека во туристичката населба-Претор, во водите на Преспанското езеро, исчезнал И. М. (2004) од Ресен. На лице место се упатени Служби“, информира МВР. Неофицијално до инцидентот дошло откако три лица се возеле на педалинка, и од непознати причини во еден момент педалинката се превртела. Две момчиња излегле на површината, додека едното не излегло од водата. Според последните информации на ТВ21, момчето се уште не е најдено, а во потрагата се приклучиле и нуркачи од Охрид. Порталот „Центар“ објави и видео каде што спасувачите се обидуваат да го пронајдат телото и да го извлечат од водите на езерото. ВИДЕО: centar.mk

Голема трагедија на Илинден во Претор, згасна млад живот

Курир — Sun, 02 Aug 2020 18:54:23 +0000

Доцна попладнево се удавил капач во Претор. Според очевидци станува збор за млад капач од Ресен, објави Нова Македонија. До давањето дошло откако три млади капачи се возеле на педалинка. Од непознати причини педалинката се превртела. Двајцата млади капачи со пливање излегле на површина, а едното од децата не излегло од водата. Моментно капачи се обидуваат со мрежи да ги извлечат удавеното дете од езерото. Нуркачите трагаат по удавениот капач во Претор По давењето на младото момче во Претор засега се уште не е извлечено неговото тело од водите на Преспанското езеро. Доцна попладнево во потрагата на удавеното момче се вклучиле и нуркачи кои стигнале од Охрид. Но прашање е дали тие вечерва ќе можат да ја продолжат потрагата по удавеното дете. Според тие кои го познавале момчето станува збор за капач на возраст од 16-17 години, жител од селото Јанковец, Ресен. Тоа наводно се удавило на тој начин што тројца другари се возеле со педалинка. Во еден момент педалинката се превртела, двете од трите момчиња испливале на брегот, а еден од капачите потонал во водата. Сите напори на присутните да го спасат третото момче не успеале. Тие се обиделе да го пронајдат и со мрежа, но сето тоа било залудно.