удинезе – Kurir.mk

Несторовски му даде гол на Наполи (ВИДЕО)

Бошко Тасиќ — Sat, 12 Nov 2022 16:05:55 +0000

Македонскиот напаѓач, Илија Несторовски го постигна својот прв гол оваа сезона во Серија А, тој погоди против Наполи за намалување на 3-1. Саксес убаво со гради му асистираше на Несторовски кој со полу-волеј постигна гол за намалување на 3-1 https://zebra.cdnja.co/v/j2/j2y17.mp4?token=ed0M6tgix5gztuuBGq-lKg&expires=1668269258

Во Милан бесни на ВАР

Бошко Тасиќ — Sat, 26 Feb 2022 08:39:23 +0000

Милан го забележа и третото реми во последните пет средби откако на домашен терен одигра 1-1 против Удинезе во 27. коло од италијанското првенство. „Црвено-црните“ поведоа во 29. минута преку Леао, додека изедначувањето го донесе Удоци во 66. минута. По натпреварот раководството на Милан изрази големо незадовоство од делењето на правдата. Според Паоло Малдини при голот на гостите имало игра со рака која арбитрите морале да ја корегираат со ВАР.

„ВАР е тука за да не се сомневаме. Ова не е начин на кој треба да се користи, а не е ниту прв пат. Јасно е дека имаше игра со рака. Милан е на врвот на табелата и не може постојано да му судат дебитанти. За жал, арбитрите прават многу грешки, а ние го губиме трпението“, вели легендата на Милан.

И покрај поразот „росонерите“ остануваат на првата позиција на табелата со 57 освоени бода, два повеќе од Интер кој има и натпревар помалку.

Јувентус се лизна во Удине, поништен гол на Роналдо во 94.минута

Бошко Тасиќ — Sun, 22 Aug 2021 19:23:11 +0000

Масимилијано Алегри го започна со реми својат втор мандат како тренер на Јувентус, откако вечерва во вистинска драма во Удине одигра 2-2. Неговиот Јувентус испушти предност од 0:2 против Удинезе, но дури и во ситуација кога постигна трет гол во 94-та минута, тоа не се покажа како доволно за победа. Причина за тоа беше ВАР, односно милиметарскиот офсајд на Кристијано Роналдо кој направи еуфоричната прослава на Португалецот да се најде во втор план. Роналдо одлично погоди со глава, го соблече дресот и жестоко прославуваше со своите соиграчи, но после тоа неговиот победнички гол беше поништен и натпреварот заврши 2:2. Претходно, Јувентус одигра изворедно ефикасно прво полувреме во кое Дибала и Квадрадо стрелаа за 0:2, но домаќините не се откажаа и преку Переира и Деулофеу израмнија на 2:2, резултат кој се покажа како конечен и после лудата завршница на мечот. За Макс Алегри ова беше прв официјален меч во Јувентус по враќањето во клубот, на кој реши Роналдо да има улога на резервист поради задоцнетиот почеток со подготовките.

Илија Несторовски: Дадов важен гол и многу сум среќен

Бошко Тасиќ — Sun, 28 Feb 2021 20:37:50 +0000

Македонскиот напаѓач Илија Несторовски постигна гол на мечот со Фиорентина , а голот беше многу важен, бидејќи со него му донесе минимална победа на тимот на Удинезе. Тренерот Лука Готи, со пофални зборови за својот играч по завршување на средбата. „Несторовски тренира со ентузијазам како на некој јуниор, а не 30-годишен играч. Голем професионалец е, секогаш дава 100 проценти, го заслужи овој гол“ рече Готи. Македонецот после мечот со Виолетовите, рече дека денешниот гол многу му значи. „Тренерот одлучува дали ќе бидам стартер или резерва, јас секогаш сум подготвен да помогнам. Секогаш тренирам максимално, а тренерот одлучува колку треба да играм. Ова е многу важна победа за нас, гледаме напред, веќе не гледаме кон дното на табелата. За мене лично, головите се многу важни. Ми се допаѓа кога сум вклучен во победите и кога му помагам на тимот. Дадов важен гол и многу сум среќен“ – изјави Несторовски.

Удинезе одигра без голови против Кротоне, Несторовски првпат сезонава стартер

Магдалена Андонова — Tue, 15 Dec 2020 20:47:32 +0000

Македонскиот репрезентативец Илија Несторовски за првпат сезонава се најде во почетниот состав на Удинезе во ремито без голови на домашен терен против Кротоне, во воведниот натпревар од 12. коло во Серија А. Несторовски, кој минатото коло против Торино го постигна својот премиерен гол сезонава во Серија А, вечерва одигра 65 минути за Удинезе пред да биде заменет со Шпанецот Жерар Деулофеу. Удинезе со скор од четири победи, две нерешени и пет порази во моментов е на 10. место со 14. бодови, а во следното коло гостува на Каљари. (МИА)

Гол првенец за Несторовски за триумф на Удинезе

Тале Кристо — Sat, 12 Dec 2020 20:25:56 +0000

Македонскиот репрезентативец Илија Несторовски го постигна победоносниот гол за Удинезе во триумфот вечерва на гостувањето кај Торино со 3:2 во рамки на 11. коло во италијанската Серија А. Несторовски биеше прецизно во 69. минута, само седум минути откако влезе во игра од клупата за резерви, при резултат 2:2, на местото на Переирa. За македонскиот репрезентативец ова беше премиерен гол во Серија А сезонава, во неговиот прв натпревар во дресот на Удинезе од 2 октомври, и вкупно само четврти. По третата победа во низа, Удинзе сега има 13 бодови по десет одиграни натпревари во Серија А.

Сари: Загубивме затоа што баравме победа по секоја цена

Тале Кристо — Fri, 24 Jul 2020 06:38:22 +0000

Тренерот на Јувентус, Маурицио Сари, имаше интересно објаснување за поразот од 1:2 на гостувањето кај Удинезе на „Дачиа Арената“ во 35-то коло од Серија А. „Бјанконерите“ можеа уште вчера да го обезбедат Скудетото доколку ги земат трите бода. Тренерот смета дека тоа е прекумерната амбиција да бара победа по секоја цена што одигра лоша шега на неговиот тим. – Ова се случува често во последно време. Ние ја губиме организацијата во нашата игра. Игравме добро прво полувреме, но откако го добивме изедначувачкиот гол, побрзавме да ја бараме победата по секоја цена, што доведе до деорганизација и проблеми во нашата игра. Нашата желба да победиме, доведе до погодок на противникот во 93-тата минута, смета Сари. Тој вели дека е тешко да се најде вистинска рамнотежа во моментов затоа што сите во тимот се уморни. – Затоа не сме доволно агресивни, но мислам дека организацијата е поважна од агресијата во моментов. Се чини дека повеќе станува збор за ментален, отколку за физички замор. Натпреварите се толку многу чудни пред празни трибини. Инерцијата се менува толку брзо. Мораме да ги научиме лекциите по овие натпревари и да се вратиме во форма, додаде стручњакот.

ВИДЕО: Пандев стрелец во ремито на Џенова и Удинезе

Тале Кристо — Sun, 05 Jul 2020 20:11:43 +0000

Во дуелот на екипите од Серија А во кои настапуваат македонски репрезентативци, Удинезе и Џенова одиграа нерешено 2:2. Првиот гол за гостите го постигна капитенот на македонската фудбалска репрезентација Горан Пандев за во тој момент намалување на водството на домаќините на 2:1.

Тој во игра влезе од клупата за резерви во 59. минута и по само 22 минути поминати на теренот се запиша во листата на стрелците. За Пандев ова беше осми гол сезонава во Италија. Во домашниот тим стартер беше Илија Несторовски кој одигра 58 минути и беше заменет. По 30 кола, Удинезе има 32 бода на 15 место и засега е на сигурна дистанца од зоната на испаѓање, додека Џенова со 27 бода е 17, со само два бода над линијата од опасната зона.

Клубот за кој настапува Несторовски, петти во Европа по бројот на странски фудбалери

Ивона Петрова — Fri, 06 Dec 2019 09:54:17 +0000

Македонскиот фудбалски репрезентативец, Илија Несторовски е еден од многуте странци кои настапуваат за Удинезе, а пресметано е дека според процентот на застапеност на странци во последните десет години, клубот од Удине е петти во Европа. Дури 77,1 отсто од фудбалерите кои играле за италијанскиот клуб Удинезе не се Италијанци. Најголем просек на странци во еден тим во топ 5 лигите во Европа од 2010 година досега користеле Арсенал (83,9), Интер (83,4) и Челси (80,1). Рома е клуб кој користел странци од најмногу држави (37), веднаш зад Рома е Џенова на Горан Пандев со 36, а трет е германски Шалке со странци од 34 различни држави. На дното на оваа табела се наоѓа Атлетик Билбао, кој никогаш не ангажира странци доколку немаат баскиско потекло

Несторовски промовиран во Удинезе: Направив правилен избор во мојата кариера!

Предраг Кукиќ — Thu, 08 Aug 2019 13:06:56 +0000

Македонскиот репрезентативен голгетер, Илија Несторовски денеска беше промовиран како нов фудбалер на калчолигашот Удинезе. На својата прва прес-конференција, тој го изрази задоволството од новата клупска средина. „Сакам да се заблагодарам на клубот за нивната верба и се надевам дека мојот ангажман ќе го оправдам со голови. Се надевам дека ќе го дадам максимумот за новиот клуб. Останав во Палермо две години сакајќи да помогнам на тимот да се врати во Серија А. Но, при првата понуда која стигна, а беше од Удинезе, воопшто не размисував и верувам дека тоа е добар избор во мојата кариера“, истакна Несторовски.