Барселона ќе поднесе жалба до УЕФА за судењето на вчерашниот меч со Интер

Магдалена Андонова — Wed, 05 Oct 2022 09:32:21 +0000

Шпанскиот фудбалски гигант Барселона ќе се жали до УЕФА поради судењето на вчерашниот меч со Интер кој заврши со победа на италијанскиот претставник со 1:0. Во 90. минута од натпреварот од Лигата на шампионите, топката при едно нафрлување удри во раката на дефанзивецот на Интер, Дензел Дамфрис, кој се наоѓаше во сопствениот шеснаесетник. Откако ја погледнаа репризата на видеото, судиите предводени од Славко Винчиќ решија да не досудат удар од 11 метри во корист на Каталонците. Барселона ќе поднесе формална жалба до УЕФА за судењето, пренесува „Ас“. Покрај тоа, клубот ќе побара нивните натпревари никогаш повеќе да не ги суди Пол ван Буекел, видео судија кој работеше и на натпреварот со Интер и на неодамнешниот натпревар со Баерн (0:2), каде што тој, според Барселона, не му доделил пенал на Усман Дембеле. Исто така, ќе се побара да се разгледа и моментот кога беше поништен голот на Педри поради играње со рака од страна на Ансу Фати, како и ударот на Хакан Чалханоглу во нозете на Серхи Бускетс, за кој судијата покажа жолт картон. (МИА)

Магична вечер во Мадрид,Бензема и Реал го елиминираа богатиот ПСЖ

Бошко Тасиќ — Wed, 09 Mar 2022 23:23:58 +0000

Шпанскиот фудбалски гигант Реал Мадрид се пласираше во четвртфиналето во Лигата на шампионите откако во реваншот од осминафиналето славеше на домашен терен со 3-1 над Пари Сен Жермен и со вкупни 3-2 го елиминираше големиот фаворит за освојување на ЛШ оваа сзона. По првите 60. минути се навестуваше дека „светците“ без проблеми ќе се пласираат меѓу осумте најдобри откако Килијан Мбапе во 39. минута донесе водство од 0-1. Сепак, неверојатниот Карим Бензема и големата грешка на Џанлуиџи Донарума се променија. Италијанецот направи голема глупост, која Бензема ја искористи за израмнување на 1-1, а потоа со два гола во периодот од 76. до 78. минута ги постави конечните 3-1 и го одведе тимот од „Сантијаго Бернабеу“ меѓу најдобрите осум на стариот континент. Во вториот натпревар од вечерашната понуда Манчестер сити одигра реми без голови против Спортинг Лисабон и со тоа се пласираше во следната рунда откако на првиот меч во Португалија славеше со убедливи 0-5.

УЕФА Лига на шампиони – Kurir.mk

Барселона ќе поднесе жалба до УЕФА за судењето на вчерашниот меч со Интер

Магична вечер во Мадрид,Бензема и Реал го елиминираа богатиот ПСЖ