уфц – Kurir.mk

Страшен нокаут во борбата за титулата „најзае*ан тип“ во УФЦ

Ристе Здравков — Sun, 30 Jul 2023 16:11:08 +0000

Со висок удар со десната нога по точно една минута од борбата во втората рунда, Џастин Гејџи го нокаутира Дастин Поарје и се номинираше за борба за титулата во лесна категорија на УФЦ, но и го освои симболичниот престижен BMF појас. Поранешниот привремен шампион на дивизијата, кој стана една од жртвите на Хабиб Нурмагомедов во борбата за појасот во 2020 година, го подобри својот рекорд на 25-4, а Поарје сега има 29-8-1. Актуелен шампион во оваа категорија од октомври минатата година е рускиот борец Ислам Махачев. Во првата рунда, Гејџи веќе успеа да изведе еден хај-кик, но Поарје возврати со последниот директ и набрзо му отвори расекотина во близина на левото око. Во втората рунда, Гејџи повторно погоди хај-кик, но овој пат многу помоќно и го заспа Поарје, а тој успеа да удри уште еден удар пред судијата да влезе и да ја прекине борбата. Тоа беше совршен реванш за Гејџи за поразот од Поарје во 2018 година, а по мечот рече дека тој пораз „жив го изел“ и дека е среќен што добил нова шанса, а сега ја сака вистинската титула. „Сакам борба за титулата! Овие момци се борат во октомври, и јас ја сакам мојата шанса, како и да заврши“, рече Гејџи, мислејќи на пресметката на Махачев и Чарлс Оливеира на 21 октомври на УФЦ 294. Што е појасот BMF? Засега, го заработи појасот BMF - baddest motherfucker, лабаво преведено како „најзае*аниот тип“ во светот на боречките вештини - што УФЦ го дизајнираше во 2019 година како одличен маркетиншки потег откако Нејт Дијаз се прогласи себеси за најзае*аниот тип во спортот и го предизвика Хорхе Масвидал. „Нејт всушност рече во тоа интервју дека тоа е борба за најзае*аниот тип. Ние навистина не ја планиравме таа борба, но таа оживеа преку медиумите и фановите и моравме да ја организираме", изјави тогаш шефот на УФЦ, Дејна Вајт, а борбата ја доби нејзината дополнителна симболична награда - појасот BMF. Борбата во њујоршкиот Медисон Сквер Гарден во ноември 2019 година апсолутно ги оправда очекувањата за борба за најзае*аниот тип, но нејзиниот крај не беше затоа што мораше да се прекине. Иако Дијаз веќе заработи незгодна расекотина над окото во првата рунда, тој не се откажа додека лекарот не го направи тоа во негово име во третата. Тој оцени дека повредата е претешка и ја прекина борбата. Масвидал исто така беше разочаран од Пировата победа и веднаш му вети на Дијаз реванш, но тоа никогаш не се случи. Масвидал го држеше BMF појасот до неговото ненадејно пензионирање во мај годинава, па појасот остана без сопственик, а сега го освои Џастин Гејџи, како втор носител во историјата.

Џон Џонс по три години и за три минути стана УФЦ шампион (ВИДЕО)

Бошко Тасиќ — Sun, 05 Mar 2023 08:53:07 +0000

УФЦ ивентот во Лас Вегас беше очекуван со нетрпение поради најавеното враќање на Џон Џонс, кој не ги разочара своите фанови во борбата за појасот во супертешка категорија. Џонс се врати во октагонот по цели три години и за три минути го реши својот противник Сирил Гејн. Уште од првите секунди Американецот најави дека не сака да губи време и планира брзо да го откаже ривалот, па три минути подоцна веќе беше прогласен за победник, стигнувајќи до ефект 27-1 во својата кариера. „Гилотина“ финишот на Џонс значеше и втор пораз на Гејн во обидите да стигне до појасот во оваа категорија. https://twitter.com/i/status/1632259370728968192

Махачев го победи Волкановски и стана најдобар УФЦ борец

Бошко Тасиќ — Sun, 12 Feb 2023 08:30:47 +0000

Рано наутро се случи долгоочекувана борба помеѓу шампионот во лесната категорија, Ислам Махачев и шампионот во перо категорија австралискиот борецот со македонско потекло Александар Волкановски. Во Перт, Австралија на УФЦ 284 се случи потенцијалната борба на годината. Мечот траеше сите пет рунди, но на крај Дагестанецот Махачев победи со едногласна одлука на судиите и успешно си ја одбрани својата титула. Иако борецот со македонско потекло не ја губи својата титула во перо категорија оваа борба ја прекинува неговата серијата на 22 последователни победи. Со крајот на овој настан Волкановски продолжува да се бори во перо категоријата со цел да си ја одбрани својата титула.

Камару Усман има повреда на раката

Бошко Тасиќ — Mon, 02 Jan 2023 09:58:57 +0000

УФЦ ќе се врати во Велика Британија на 18 март за УФЦ 286, кој ќе се одржи во О2 арената. Многумина очекуваат настанот да го предводи трилогијата меѓу Леон Едвардс и Камару Усман. Така се и плановите на УФЦ, но повредата на Усман најверојатно би ги попречила тие планови. „Нигерискиот кошмар“ молчеше за ситуацијата, но неодамна се појави на настан на ММА во Лагос, Нигерија, носејќи завој на раката, што не е добро. Стивен тогаш навести дека Хорхе Масвидал е опцијата што најверојатно ќе ја преземат од УФЦ. Почнаа гласини дека на Усман ќе му биде извршена операција на раката, а Али Абделазиз тоа го демантираше и ја нарече лажна вест. Но, факт е дека на Усман му била преврзана раката, што покажува дека е повреден. Камару имаше неколку повреди во минатото и веќе беше опериран на раката поради скинати лигаменти во 2021 година.

УФЦ го избра најдобриот нокаут за 2022 (ВИДЕО)

Бошко Тасиќ — Tue, 27 Dec 2022 06:15:20 +0000

Најдобрата боречка организација на светот, Американската УФЦ, го одбра најдобриот нокаут за изминатата 2022 година. Оваа почест му припадна на Леон Року Едвардс, кој со фантастичен удар со нога го нокаутираше, а нормално и победи Камару Усман. Нигериецот беше благ фаворит пред самата борба но Британецот покажа дека е во голема форма, и класично го „елиминираше“ противникот. https://www.youtube.com/watch?v=2BxboLlHshk&feature=emb_title

Нагну го совлада Гане и го продолжи владеењето во УФЦ

Бошко Тасиќ — Sun, 23 Jan 2022 08:31:14 +0000

Френсис Нгану стана апсолутниот шампион во тешка категорија, победувајќи го Сирил Ган на поени (48:47, 48:47, 49:46) во главното шоу на УФЦ 270. Во борба со голема историја, Нгану и Ган беа спаринг партнери во „ММА Фектори“ од 2017 до 2019 година, додека Нгану не влезе во конфликт со тренерот Фернан Лопез, сметајќи дека тој му ги краде парите. Во кафезот, акцијата беше внимателна од двајцата фајтери, без многу директни удари и наместо тоа со невообичаено многу борење. Нгану го покажа својот квалитет во третата рунда, кога го собори противникот и имаше доста удари. Слично беше и во четвртата и петтата рунда, по која Нгану покажа дека е заслуже шампион. Победата значи дека Нгану останува под договор со УФЦ и покрај јавното несогласување со шефот Дејна Вајт – да загубеше тој ќе останеше слободен агент и ќе можеше да се концентрира на втората главна ел во кариерата – боксот. 35-годишниот Нгану ја освои УФЦ титулата во тешка категорија со нокаут над Стипе Миочиќ минатиот март, и сега има шест победи во низа, од кои последните пет пред овој меч со нокаут. Ган, пак ја освои преодната титула со нокаут над Дерик Луис во август и имаше совршени 7-0 пред мечот со Нгану.

Симпатичниот Хазбула може да настапи во УФЦ!

Ристе Здравков — Fri, 05 Nov 2021 17:37:37 +0000

Хазбула Магомедов е голема интернет-сензација во изминатите месеци, а момчето со мал раст од Русија кој има осумнаесет години е најмногу популарен меѓу ММА заедницата, па така, има влијание и кај првиот човек на УФЦ, Дана Вајт. Многумина бараат симпатичниот Хазбула да влезе во октагонот со Абду Розик. Двајцата се со мал раст поради болеста дварфизам, а преку социјалните мрежи си испраќаа „заканувачки“ пораки и објавите пребрзо се раширија. Поради големиот интерес, Вајт даде одговор дали Хазбула еден ден би можеле да го видиме во УФЦ, а одговорот не беше негативен. „Го сакам тоа момче. Дали постои повеќе од нула отсто шанси да го видиме во УФЦ? Да!“, изјави Вајт. Хазбула минатиот викенд беше гостин на УФЦ во Абу Даби и привлече големо внимание кај присутните. Причината за неговото присуство на овој настан беше борбата на Ислам Махачев кој е негов пријател.

ВИДЕО: Страшна повреда на Мекгрегор, изнесен на носилки по првата рунда

Ивона Петрова — Sun, 11 Jul 2021 07:59:47 +0000

Долгоочекувана борба во УФЦ 264 меѓу Конор Мекгрегор и Дастин Поирие е прекината по само пет минути поминати во октагонот. Мекгрегор во самата завршница на првата рунда доживеа повреда поради која не можеше да продолжи со борбата, па победата му припадна на Поирие. Десетина секунди пред крајот на првата рунда Конор застана на нозе по озбилен дуел, но само секунди потоа седна со болен израз на лицето. За време на паузата меѓу рундите се утврди дека станува збор за сериозна повреда и дека тој нема да може да продолжи понатаму. Поирие сега ќе се бори за титулата УФЦ шампион, втор пат во кариерата.

Нгану го совлада Миочиќ и му ја презеде светската круна

Бошко Тасиќ — Sun, 28 Mar 2021 08:08:27 +0000

Светот доби нов шампион во тешка категорија во УФЦ. Камерунецот Френсис Нгану дојде до појасот во оваа категорија, откако во реваншот го прегази Стипе Миочиќ, досегашниот првак. Американецот со хрватско потекло Миочиќ пред три години го победи Нгану на поени во пет рунди. Од првата до последната секунда од мечот Нгану доминираше, го погодуваше Миочиќ од сите позиции уште во првата рунда и малку недостасуваше судијата да ја прекине борбата уште тогаш. Со ова, Френсис Нгану стана првиот африкански шампион во УФЦ, а својот скор го поправи на 16:3. Додека Миочиќ по мечот заврши во болница, не можеше да дојде на прес-конференцијата, Камерунецот најави нов меч и тоа против Џо Џонс. Ова е втор пат за Хрватот кој се натпреварува под американско знаме да го губи појасот, првиот пат подобар од него беше Даниел Кормие.

ПО СОСТАНОКОТ: Нурмагомедов донесе одлука дали ќе се врати во октагонот

Ивона Петрова — Sun, 17 Jan 2021 09:22:00 +0000

Целиот ММА свет го чекаше официјалниот резултат од средбата на еден од најдобрите борачи на денешницата Хабиб Нурмагомедов и сопственикот на УФЦ организацијата Ден Вајт. Епилогот од средбата, многумина разочара бидејќи одговорот на прашањето за неговото враќање во борба е можеби. Нурмагомедов се повлече од октагонот по смртта на својот татко и тренер, а Вајт изјавил што се случило на состанокот зад затворени врати. -Хабиб ќе ги погледнете двете следни борби во лесна категорија кои ќе се одржат идната недела. Ако било кој од четворицата борачи направи нешто спектакуларно, ќе го испирира Нурмагомедов да се врати, истакнал Вајт.

The #UFC257 stakes have been raised! 👀@DanaWhite gives us an update on @TeamKhabib's fighting status. pic.twitter.com/FFC2GNeIUY
— UFC (@ufc) January 16, 2021