Уго Лорис – Kurir.mk

Тотенхем без голманот Лорис до крајот на сезоната

Ивана Ефремовски — Sat, 06 May 2023 14:53:23 +0000

Францускиот голман и чувар на мрежата на Тотенхем, Уго Лорис, ќе го пропушти преостанатиот дел од сезоната поради повреда на бутниот мускул, објави тренерот на лондонскиот премиерлигаш Рајан Мејсон. Капитенот на Тотенхем е надвор од теренот од 23 април кога на дуелот против Њукасл беше заменет на полувремето. Клубот од северен Лондон е во серија од четири натпревари без победа, а до крајот на премиерлигашката сезона преостануваат уште четири кола. „Уго ја заврши сезоната. Направивме повторно тестови и резултатите се разочарувачки“, рече Мејсон. (МИА)

Лорис: Нè победи Аргентина, а не вирусот

Бошко Тасиќ — Mon, 19 Dec 2022 05:59:27 +0000

Францускиот голман, Уго Лорис инсистира дека Франција не смее да го користи вирусот кој ја погоди репрезентацијата за поразот по пенал-драмата во финалето од Аргентина. Неколку фудбалери на Дидие Дешам беа болни во текот на шампионатот (наводно од таканаречениот камилски грип), што се додаде на проблемите со повредените фудбалери, но Лорис вели дека тоа не смее да биде изговор. „Вирусот? Нема да бараме изговори, го дадовме максимумот, не мамевме и мораме да им честитаме на момците бидејќи се бореа до крај и не се предадоа. Секако, поразот боли, ова е приказна која заврши на лош начин за нас. Вистина е дека како да го пропуштивме првото полувреме, со многу технички грешки, без дуели и не поставија во тешка ситуација. На средината на второто полувреме имавме изблик на гордост и талентот на Килијан не врати на 2:2. Како во некој боксерски меч, удар по удар“, објаснува Љорис.

СП 2022: Лорис го повтори рекордот меѓу голманите капитени

Тале Кристо — Wed, 14 Dec 2022 19:55:21 +0000

Уго Лорис, францускиот репрезентативен голман, го собори рекордот по бројот на настапи на Светското првенство меѓу голманите како капитен. Чуварот на мрежата на „триколорите“ се најде во стартниот состав за вечерашното четвртфинале на Светското првенство 2022 година против Мароко. Лорис по 19-ти пат во кариерата ја предводеше француската селекција на натпреварот на светското првенство со капитенската лента. Лорис ги надмина Јозеф Мајер и Клаудио Тафарел (двајцата по 18) по овој показател и го повтори постигнувањето на Мануел Нојер (19). Победникот од натпреварот Франција – Мароко ќе се пласира во финалето на Светското првенство во 2022 година против Аргентина.

Лорис постави рекорд по одиграни натпревари за Франција

Ивана Ефремовски — Sat, 10 Dec 2022 21:06:17 +0000

Францускиот голман Уго Лорис го постави рекордот за најмногу настапи за националниот тим. Голманот се најде во стартниот состав на „триколорите“ за четвртфиналето на Светското првенство 2022 година против Англија. Оваа средба за него беше 143-та за репрезентацијата. Според овој индикатор, тој го престигна Лилијан Турам (142). Лорис постави и рекорд по бројот на натпревари за Франција на светските првенства – 18 натпревари. Претходно, рекордери беа Тиери Анри и Фабиен Бартез, кои имаат по 17 натпревари за националниот тим на светските првенства. (МИА)

Лорис израмни рекорди во француската репрезентација

Дарко Андоновски — Sun, 04 Dec 2022 16:40:20 +0000

Голманот Уго Лорис повтори рекорд во француската репрезентација. Фудбалерот кој е член на Тотенхем се најде во почетниот состав за натпреварот од осминафиналето на Светското првенство со Полска. Ова е негов 142. натпревар за репрезентацијата. Толку има само Лилијан Турам. Исто така, Лорис се израмни со Тиери Анри и Фабиен Бартез во натпреварите на светските првенства – по 17. Никој друг во историјата на Франција нема толку одиграни мундијалски натпревари. Лорис успешно го чува голот и на полувреме неговата репрезентација води со 1:0.

Тотенхем сака да го ангажира Облак на местото на Лорис

Дарко Андоновски — Thu, 29 Sep 2022 08:20:02 +0000

Премиерлигашот Тотенхем е заинтересиран за голманот на Атлетико Мадрид, Јан Облак, објави „Ивнинг Стандард“. Спарс го гледаат 29-годишниот Словенец како замена за сегашниот голман на тимот, 35-годишниот Уго Лорис. На Тотенхем му е приоритет да го купи Облак и планира да го ангажира следното лето. Претходно беше објавено дека и Манчестер јунајтед е сериозен во намерата да го донесе Облак на „Олд Трафорд“. Во сезоната 2022/23, Облак прими шест гола на шест натпревари за Атлетико и имаше два натпревара со „сува мрежа“. Договорот на словенечкиот голман со мадридскиот клуб е со важност до крајот на јуни 2028 година. „Transfermarkt.com“ ја проценува вредноста на Облак на 40 милиони евра.

Тотенхем сака да го обнови договорот со Лорис

Дарко Андоновски — Mon, 03 Jan 2022 11:50:01 +0000

Претставници на премиерлигашот Тотенхем се во преговори со голманот Уго Лорис за продолжување на договорот. Според Фабрицио Романо, лондонскиот клуб сака да го продолжи договорот со 35-годишниот фудбалер до 2023 година. Актуелниот договор на Лорис со Тотенхем е до јуни 2022 година. Фудбалерот игра во Англија од 2021 година. Лорис оваа сезона одигра 20 натпревари во сите натпреварувања и прими 23 гола, додека на осум натпревари не беше совладан.

Лорис пред вечерашниот натпревар со Германија: Разбирам зошто нашите противници се плашат од ова триото Бензема-Гризман-Мбапе

Тале Кристо — Tue, 15 Jun 2021 12:02:50 +0000

Капитенот на француската фудбалска репрезентација Уго Лорис проговори за претстојниот натпревар на ЕВРО 2020 со германскиот тим. – Имам добри и лоши спомени од натпреварите помеѓу Франција и Германија. Ова е класична конфронтација на европско и глобално ниво. Важен натпревар, бидејќи ова е првото коло во групата. Триото Бензема-Гризман-Мбапе? Ова се врвни играчи кои покажаа стабилност низ годините. Како прво, Антоан и Карим, бидејќи Килијан е сè уште многу млад, дури и ако веќе има постигнато многу. Разбирам зошто нашите противници се плашат од ова трио, изјави Лорис. Натпреварот Франција – Германија ќе се одигра вечер во Минхен со почеток во 21 часот.