угостител – Kurir.mk

Приведен угостител од Пробиштип поради непочитување на работното време на угостителски објект

Ивона Петрова — Mon, 04 Jan 2021 09:42:09 +0000

Полициски службеници oд ОВР Пробиштип вчера извршиле контрола на угостителски објекти во Пробиштип во поглед на почитување на работното време. При контролата, во 18.25 часот во угостителски објект на градскиот плоштад, сопственост на И.М. (44), биле затекнати повеќе гости кои биле послужени со пијалаци. Како што информира МВР, сопственикот И.М. бил лишен од слобода и приведен во ОВР Пробиштип, а за настанот бил известен Државниот пазарен инспекторат за преземање на мерки од нивна надлежност. – По консултации со јавен обвинител и по целосно документирање на случајот, против И.М. ќе биде поднесена кривична пријава, поради сомнение за сторено кривично дело „непостапување според здравствените прописи за време на епидемија“ по член 206 од Кривичниот законик, се наведува во соопштението на МВР.

Утрово почина еден од најпознатите скопски угостители

Магдалена Андонова — Tue, 22 Dec 2020 11:12:57 +0000

Утрово во Скопје на 59 - годишна возраст, по кратко боледување почина еден од најпознатите скопски угостители Мирко Голомеиќ. Тој беше сопственик на ресторанот „Мирко 919“ и сите угостителски објекти под брендот „Рагуза“. Според информациите Голомеиќ починал по проблеми со срцето. Веста за смртта утрово на социјалните мрежи ја објави неговиот син кој информираше дека Голомеиќ почина во 10.40 часот. „Секогаш ќе те паметиме вака насмеан, позитивен и енергичен човек, полн со живот. Почивај во мир“, напиша тој на фејсбук. Извор: Скопјеинфо.мк

Австриски суд казни со 2.400 евра угостител со македонско потекло за прекршување на карантинот

Тале Кристо — Thu, 17 Dec 2020 10:47:12 +0000

Судот во австрискиот град Линц осудил угостител со македонско потекло на парична казна од 2.400 евра поради преккршување на карантинот. На угостителот му останале уште два дена од карантинот, но излегол да го прошета неговото куче ротвајлер во блиската шума, и сега тоа скапо ќе го чини. Тој со сопругата во ноември се вратиле од одмор од С Македонија, но при ваќањето неговата жена била позитивна на Ковид-19, а тој како прв контакт морал да оди во карантин. Подоцна и тој бил позитивен на тест откако развил благи симптоми на болеста. По поминати осум дена, односно на два дена од истекот на наложениот карантин тој го прекршил законот. Полицијата дошла до зградата во која живеел и го повикала на мобилен да се покаже на прозорецот, но тој токму тогаш бил излезен со кучето за што и кажал на полицијата, по што му напишале пријава. Судиката одлучила дека шетањето на кучето не е причина за прекршување на карантинот и му одредила парична казна, наведувајќи дека во шумата се шетаат и други луѓе.. Казнетиот се правдал дека ротвајлерот морал да го изнесе во природа, бидејќи станал агресивен затворен во четири ѕида. -Не бев свесен дека некого можам да заразам и не верував дека сум инфективен, рекол тој. Државниот обвинител кажал дека прошетката со ротвајлерот можела многу брзо да доведе до судир со други кучиња и тогаш би било тешко да се одржи растојанието од други сопственици на кучиња. Судот му одредил парична казна при што во одредувањето на висината на казната ја зел предвид и тешката сититуација на угостителот, а тој најавил жалба бидејќи му се чинела превисока.