угостители – Kurir.mk

Угостители спасиле редок јастог

Ивона Петрова — Thu, 21 Jul 2022 08:46:44 +0000

Необичен настан се случил во ресторан на Флорида (САД), каде што вработените навреме забележале и спасиле исклучително редок јастог. Имено, портокаловиот јастог во природата се јавува еднаш на 30 милиони единки. Кога вработените во ресторанот „Red Lobster“ („Црвен јастог“) ја добиле нарачката, забележале дека еден од раковите има малку посветла боја… Јастогот, којшто угоститетлите го нарекле Чедар, пристигнал од рибарски брод што ловел во северниот дел на Атлантикот. Вообичаено, кога рибарите ќе забележат портокалов јастог, ги фрлаат назад во морето, но овој „се протнал“ некако, коментираат од ресторанот. Ресторанот го донираше Чедар на аквариумот „Рипли“ во Миртл Бич, Јужна Каролина, САД – неговото ново живеалиште.

Струмичките угостители утрово на протест: Ги бараме старите мерки за слободен влез, моменталните мерки создаваат поделба на граѓаните

Дарко Андоновски — Tue, 24 Aug 2021 07:46:46 +0000

Поради незадоволството од новите рестрикции утрово на протест излегуваат струмичките угостители. Од вторник од 11 до 13 часот, секој ден во знак на незадоволство ќе ги блокираме улиците во Струмица како и влезовите на градот. Ги бараме повторно претходните мерки за слободен влез на невакцинирани и вакцинирани, бидејќи со моменталните мерки се создава само поделба на граѓаните. Ние не сме тие што ја шириме короната и затоа бараме Владата да го прифати нашето барање, велат од Угостителското здружение од Струмица и најавуваат дека ако не им се исполни барањето, ќе одат и со поостри мерки. Оттаму посочуваат дека во овие години трпат најголеми последици од кризата и дека е време Владата да донесе нови мерки што ќе бидат и во нивна корист.

Угостителите од Струмица излегуваат на протест: Ние не ја шириме короната, време е Владата да донесе нови мерки

Ивона Петрова — Sun, 22 Aug 2021 08:43:24 +0000

Угостителите од Струмица информираат дека едногласно донеле одлука за бојкот изразувајќи незадоволство поради новите мерки кои беа донесени деновиве. -Од вторник од 11:00 часот до 13:00 часот, секој ден во знак на незадоволство ќе настапиме со блокирање на улиците во Струмица како и влезовите на градот. Ги бараме повторно претходните мерки за слободен влез на невакцинирани и вакцинирани, бидејќи со моменталните мерки се создава само поделба на граѓаните. Ние не сме тие што ја шириме короната и затоа бараме владата да го прифати нашето барање. Во спротивно ќе настапиме и со поостри мерки, велат од Угостителското здружение од Струмица. Посочуваат дека во овие години се на постојан удар, а време е Владата да донесе нови мерки кои ќе бидат и во нивна корист.

Во Кичево преполовен прометот на угостителите, дел од вработените на привремен одмор

Катерина Бојаџиева — Fri, 20 Aug 2021 16:28:19 +0000

Новите мерки на Владата за заштита од Ковид – 19 и задолжителниот сертификат како доказ дека гостите се вакцинирани со барем една доза вакцина придонесе угостителските објекти во Кичево да го преполоват прометот, а дел да заминат на привремен одмор. -Со стапувањето во сила на новите мерки на Владата е неопходно гостите во локалот на влез да покажат сертификат дека се барем еднаш вакцинирани против овој вирус или прележале ковид пред најмногу 45 дена.Бидејќи во нашите локали поголемиот број на гости се помлади лица, познато беше од порано дека повеќето од нив се немаат вакцинирано против ковид 19 , што ги оневозможува да бидат наши гости. Затоа од стапувањеето во сила на новите мерки прометот е намален за 50- 60 отсто, велат вработени во повеќе локали во градот. Бидејќи поголемиот број на гостите во локалите се помлади лица под 40 години, дел угостителски објекти ја искористија можноста во наредните три недели да заминат на колективен одмор по враќањето од одмор очекуваат поголемиот број млади да бидат вакцинирани и да се стекнат со неопходниот сетификат. -Деновиве имаме голем број на помлади лица кои сакаат да се вакцинираат против Ковид 19.Бидејќи дневно вакцинираме од 300 до 400 претежно помлали пациенти , очекуваме во наредните три седмици да бидат вакцинирани над 4000 наши сограѓани претежно под 40 годишна возраст, вели Мира Мососка од Здравствениот дом во Кичево. По зголемениот обем на вакцинација на помладите, тие ќе бидат во можност да го добијат задолжителниот сертификат за вакцинација и без проблеми да бидат гости во некој од угостителските објекти.

СУТКОЗ: Кризата поминува, работници во угостителството нема

Ивона Петрова — Mon, 21 Jun 2021 10:13:06 +0000

Ситуацијата во угостителскиот сектор, што го доживеа најголемиот удар за време на пандемијата е алармантна. На компаниите од угостителството и туризмот им недостигаат 50 проценти од потребниот кадар, пред сè келнери, рецепционери, готвачи и помошници готвачи, покажуваат резултатите од интерната анкета која била спроведена од една од коморите, информира Синдикатот на угостителство и туризам. Од Синдикатот велат дека предупредиле уште на самиот почеток на здравствената криза дека оние работодавци кои не ги почитуваат работниците и ја злоупотребуваат состојбата нема да бидат толерирани. – Сведоци сме како работодавците од овие сектори бараат работници и се жалат, па им порачуваме на тие газди сами да си работат или да им се извинат на работниците, да ги вратат и платат согласно работното место кое го работат со коефициентите за плата пропишани во Колективниот договор за угостителство и туризам, за да се спаси туристичката сезона, велат од Синдикатот за угостителство и туризам. Според податоците на СУТКОЗ, од почетокот на кризата некои податоци говорат дека од четири илјади до 20 илјади вработени го напуштиле угостителскиот сектор. СУТКОЗ ги охрабрува вработените во овие сектори да ги пријават сите прекршувања на работничките права до СУТКОЗ и ССМ, со цел навремена интервенција.

НУК бара да се смени името на Комитетот и да членуваат вистински угостители

Магдалена Андонова — Fri, 28 May 2021 08:10:11 +0000

Кој, со кого и на кој начин договарал формирање Комитет за туризам, кои се тие што одлучиле да ги игнорираат реалните и вистински угостители и зошто ни е одземено договореното и ветено право рамноправно да учествуваме во формирањето на ова тело?, реагира денеска Независната угостителска комора (НУК). Во дописот испратен до медиумите НУК јавно прашува со кого и за кого Владата на затворена седница на 11 мај донела одлука за формирање ваков Комитет. Воедно, обраќајки се до премиерот Заев, бара корекции на членот 6 од Одлуката за формирање Комитет на туризам со што, покрај наведените членови и заменици, да се наведат и членови на НУК, Стопанската комора на туризам, како и членови на македонските здруженија Охридски еснаф, Тиквешки угостители, Антигонеа, Клуб еснаф, ЗУТ Крушево, и Прилепски меанџии. Според НУК, треба да се смени и името на Комитетот во Комитет за туризам и угостителство за со него да се опфати целокупната туристичко-угостителска индустрија. Такво било, дополнува НУК, и првото име на ова тело конституирано со Уредба за основање од Владата на Народна Република Македонија. -Бараме и очекуваме премиерот Заев на следната седница веднаш да ја исправи грешката која одредени претставници на Владата ја направиле со игнорантскиот однос. Воедно бараме и очекуваме називот комитет на туризам да се промени во Комитет за туризам и угостителство со што реално ќе се опфати целокупната туристичко-угостителска индустрија, наведува претседателот на НУК, Здравко Јосифовски. Тој потсетува дека во октомври Здружението на угостителство и туризмот при Стопанската комора на Македонија, Туристичко-угостителска комора на Македонија во рамки на Сoјузот на стопански комори и Националната асоцијација за дојдовен туризам (НАИТМ), побараа разрешување на директорот на Агенцијата за промоција и поддршка на туризмот, Љупчо Јаневски и избор на нов по предлог на реалниот сектор преку стопанските комори и туристичките асоцијации. -На молба и барање за поддршка од Здружението на угостителство и туризмот, НУК се приклучи кон барањето за смена на Јаневски и го дополни со иницијатива за промена на името на Агенцијата во Агенција за промоција и поддршка на туризмот и угостителството. Како иницијаторот Здружението за туризам и угостителство при Стопанската комора кое молеше за поддршка за заедничко формирање на овој Комитет и за поддршка за разрешување на директорот на Агенцијата одеднаш се најде заедно со Агенцијата прво на листата на членови во новоформираниот Комитет за туризам?, истакнува Јосифовски. Одлуката за формирање Комитет за туризам Владата ја објави на 17 мај 2021 со напомена дека стапува во сила следниот ден, на 18 мај. (МИА)

Филипче изјави дека ќе се разгледаат барањата на НУК: Сега за сега овие мерки кои што се на сила треба да останат уште најмалку една недела

Магдалена Андонова — Fri, 14 May 2021 09:52:26 +0000

Во денешната изјава за медиумите на министерот за здравство Венко Филипче, од страна на новинари беше прашан дали ќе се разгледуваат барањата на угостителите кои денеска ги доставија, односно дали во практика ќе се остварат и применат тие барања.

Тој рече дека сега за сега требало да останат овие мерки на сила најмалку уште една недела.

– Сите барања ќе ги разледуваме на состанокот кој што ќе се одржи во понеделник, значи 3-4 дена. Имаат логика барањата, но во исто време сме ние во период во кој што поминуваат веќе неколку недели од попуштање на мерките. За сега нема никаква најава дека ќе има влошување на епидемиолошката ситуација заради тоа попуштање од пред неколку недели. Во секој случај ќе ја анализираме епидемиолошката ситуација заклучно со понеделник, тоа се тие двонеделни пресеци, па ќе носиме одлука. Сега за сега сметам дека овие мерки кои што се на сила треба да останат уште најмалку една недела.

Угостителите и туристичките работници од денес ќе протестираат пред владата

Дарко Андоновски — Mon, 26 Apr 2021 07:47:05 +0000

Ќе протестираат угостителите, туристичките работници, сметководителите, танцовите училишта и други. За досегашни собири пред Министерството за финансии велат дека се игнорирани. Доставиле барања, но не добиле никаков одговор. Протестите на Туристичко-угостителската комора ќе продолжат пред Влада, а од двата сектора велат дека ќе протестираат се додека не бидат прифатени нивните барања. За досегашните собири пред Министерството за финансии велат дека се игнорирани. Доставиле барања, но не добиле никаков одговор. Тврдат дека треба да бидат сериозно сватени затоа што имаат реални проблеми, поради кои овие дејности трпат сериозни загуби. Повеќе сектори се на работ на егзистенцијата и ако државата не им помогне, ќе ги затворат фирмите и ќе ги отпуштат работниците. Досега Владата со неколку сетови на мерки помогна, но оттаму велаат дека нивните барања не биле разгледани во целост.

Компании од повеќе дејности на нов протест пред Министерството за финансии

Ивона Петрова — Fri, 23 Apr 2021 09:43:12 +0000

Туристичко-угостителскиот сектор, игритеките, сметководителите и танц-клубовите денеска повторно ќе протестираат пред Министерството за финансии. Бараат исполнување на нивните барања и финансиска помош за компаниите. Велат, поради пандемијата со коронавирусот, компаниите им се пред колапс, а дел од нив и ги затвориле. Конкретни во своите барања, бараат помош и мерки од државата, бидејќи во спротивно како што велат голем број лица ќе останат без работа поради неможност за исплата на платите и покривање на останатите тековни трошоци.

И денеска протест на ТУК, се приклучува и Комората на сметководители

Ивона Петрова — Thu, 22 Apr 2021 10:20:15 +0000

Протестот на Туристичко угостителската комора продолжува и денеска. Од Комората најавија дека ќе протестираат се до исполнување на барањата. Членовите на Туристичко-угостителската комора, претставници на угостителските објекти, ноќни клубови, ресторани за свадби, игротеки, туристички агенции, туристички водичи и превозници, пред два дена пред Министерството за финансии започнаа протест преку кој бараат континуирана финансиска поддршка за спас на овие дејности. Под мотото „Ќе можете ли“, ги повикува надлежните институции итно да ја обезбедат бараната финансиска поддршка. Кон протестот вчера се приклучи и Комората на сметководители која години наназад реагира на репресивната улога на Министерството за финансии и неговата улога во уништувањето на сметководствената професија. Структури од Секторот за финансиски систем од ова министерство, наместо да ги извршуваат своите работните задачи во интерес на граѓаните, за што земаат плата, делуваат низ призма на исполнување на своите лични интереси притоа загрозувајќи ја егзистенцијата на 10.000 професионалци од дејноста.