Затворен угостителски објект во Куманово – правеле забава со „жива музика“

Тале Кристо — Mon, 08 Mar 2021 12:37:33 +0000

Затворен е угостителски објект во Куманово, полицијата и пазарниот инспекторат затекнале гости, вработен и музичари, соопшти денеска СВР Куманово. Вчера во 19: 05 часот во СВР Куманово било пријавено дека во угостителски објект на булеварот „Октомвриска револуција“ има граѓани кои не ги почитуваат здравствените прописи за време на епидемија. – Полициски службеници и инспектори од Државниот пазарен инспекторат извршиле контрола во објектот, сопственост на Н.Р.(58) од Куманово и констатирале дека во објектот имало „жива музика“ и биле затекнати четири лица-гости, еден вработен и тројца музичари, кои не одржувале дистанца и не носеле заштитна опрема, со што биле прекршени мерките на Владата за спречување на ширењето на Ковид 19-соопштија од СВР Куманово. По целосното документирање на случајот ќе биде поднесена соодветна пријава.

Филипче: На 21-ви јануари угостителските објекти ќе добијат дозвола за работа до 21:00, ќе се разгледува можноста за нивна работа и до 23:00

Магдалена Андонова — Thu, 14 Jan 2021 11:10:58 +0000

На 21 јануари ќе донесе одлука за продолжување на работата на угостителските објекти до 21 часот, но и можноста нивното работно време да се продолжи до 23 часот, рече во одговор на новинарско прашање министерот за здравство, Венко Филипче, пренесува Алсат.мк Како што кажа тој, сите други мерки за превенција остануваат во сила и по 21 јануари. „Единствено нешто што ќе се случи на 21 јануари е работното време на угостителите сигурно да се продолжи до 21 часот, а согласно проценката на ситуацијата до 21-ви, евентуално да се разгледа нивното барање за работа до 23 часот. Меѓутоа, сите други мерки остануваат во сила“, рече Филипче.

угостителски обејкти – Kurir.mk

Затворен угостителски објект во Куманово – правеле забава со „жива музика“

Филипче: На 21-ви јануари угостителските објекти ќе добијат дозвола за работа до 21:00, ќе се разгледува можноста за нивна работа и до 23:00