угостителски објекти – Kurir.mk

Акциска контрола во угостителски објекти, се служело алкохол на малолетници

Тале Кристо — Sat, 27 May 2023 09:07:13 +0000

Во текот на изминатата вечер (27.05.2023) во периодот од 00.00 до 04.00 часот полициски службеници од Секторите за внатрешни работи заедно со Државниот пазарен инспекторат, спроведоа акциска контрола во 228 угостителски објекти на територијата на повеќе градови, при што е констатирано едно кривично дело по член 204 од КЗ, точење алкохол на малолетници во угостителски објект во Скопје, за што е приведено едно лице. Констатирани се и три прекршувања на законот за пушење, едно прекршување на законот за угостителска дејност и др.

Акциска контрола во угостителски објекти, затекнати малолетници во казина

Тале Кристо — Sat, 11 Mar 2023 12:26:09 +0000

Во текот на изминатата вечер (10/11.03.2023) во периодот од 22.00 до 05.00 часот полициски службеници од СВР Скопје заедно со Управата за јавни приходи, Трудовата инспекција и Државниот пазарен инспекторат, спроведоа акциска контрола во угостителски објекти на територијата на СВР Скопје. При контролата затекнати се две малолетни лица во казина. Констатирани се и прекршоци во однос на неиздавање на фискални сметки и прекршување на законот за пушење.

Зголемени цените на угостителските услуги

Дарко Андоновски — Fri, 03 Mar 2023 12:46:05 +0000

Цените на угостителските услуги во февруари годинава се зголемени за 0,1 отсто во споредба со претходниот месец, а во однос на февруари 2022 година бележат раст од 14,8 проценти. Според податоците на Државниот завод за статистика, во февруари во споредба со јануари зголемување на цените е забележано во групите Алкохолни пијалаци за 0,5 и Безалкохолни пијалаци за 0,3 отсто. Цените на угостителските услуги, пак, во првите два месеца од годинава година се зголемени за 14,8 отсто во споредба со истиот период од минатата година, додека во однос на декември 2022 година цените за зголемени за 0,7 отсто.

Акциска контрола во угостителски објекти, пронајдена дрога, точење алкохол на малолетници

Тале Кристо — Sat, 18 Feb 2023 10:20:36 +0000

Секторите за внатрешни работи и патролните тимови составени од полициски службеници од Одделот за униформирана полиција во координација со Управата за јавни приходи и Државниот пазарен инспекторат, ноќеска, од 00.00 до 04.00 часот, спровеле акциска контрола во угостителски објекти на територијата на цела држава. При контролата, како што соопшти МВР, констатирано е едно кривично дело по член 215 и едно кривично дело по член 204 од Кривичниот законик. Во угостителски објект во Неготино, кај М.А.(32) од демиркапиското село Корешница било пронајдено шише со течност и против него ќе биде поднесен соодветен поднесок, во угостителски објект во Тетово биле затекнати двајца малолетници при консумирање алкохол за што против сопственикот ќе биде поднесена соодветна пријава и притоа биле констатирани 31 прекршок по член 21 од Законот за прекршоците против јавниот ред и мир – присуство на малолетници во угостителски објект по 00.00 часот. -Акциските контроли во угостителските објекти продолжуваат и во наредните денови, најавува МВР.

Се зголемува проблемот со персонал во угостителските објекти во Прилеп

Тале Кристо — Tue, 07 Feb 2023 13:58:27 +0000

Се зголемува проблемот со недостиг од персонал во угостителските објекти во Прилеп. Најтешкиот месец за угостителите - февруари го продлабочи проблемот со недостигот од персонал, а сега и со преполовен број посетители во објектите. Ако лани, само преку летото, заминале над 7000 Македонци, главно во Хрватска, годинава и не може да се предвидат бројките. Особено што се заминува во приватна режија. Јорданчо Момироски, претседател на здружението за угостителство и туризам „Меанџии“ од Прилеп вели дека во 80-те угостителски објекти со околу 600 вработени, има потреба за барем уште 200 угостителски работници. - Зимата, особено февруари, е вообичаено тежок период за угостителството, а годинава уште повеќе. Проблемот е уште поизразен во хотелите и рестораните каде е неопходен попрофесионален кадар, отколку во кафулињата. На ова се додава проблемот со намалениот број гости. Мора да се признае, корона-пандемијата остави траги и намалено е дружењето во кафулињата, вели Момироски. Долгогодишниот угостителски работник Драги Петкоски вели дека од Прилеп, главно, се заминува во Хрватска на сезонска работа. Секој има своја причина, посебно младите. - Сезоната на заминување на келнери, готвачи и друг угостителски персонал почнува од април и е до септември. Се работи таму и до 14 часа да се заработи. Сметам дека и овде може да се заработи, јас сум долги години во угостителството. Но има и други причини, особено за младите кои сакаат да имаат подобар живот во европските земји, смета Петкоски. Никој од угостителството не може да каже како да се реши проблемот со недостигот од персонал кој станува уште поизразен. Угостителите, вели претседателот на здружението „Меанџии“, Јорданчо Момироски, се снаоѓаат како знаат и умеат. - Во сезонскиот период бараме и млади да работат, од учиишните клупи. Се користат некои програми од Агенцијата за вработување за преквалификација и обука, па така се снаоѓаме како знаеме и умееме. Никој не може да каже како да се најде конкретно решение. Има капацитети, некои наши колеги од земјава дури прават пренамена за да опстојуваат, а од друга страна,пак, тренд во последно време се маалските кафулиња. Сепак, проблемот со недостиг од персонал останува нерешен, вели Момироски.

Акциски контроли во угостителски објекти, приведени лица за дрога и оружје, констатирани прекршоци

Тале Кристо — Sun, 29 Jan 2023 10:08:37 +0000

Денеска (29.01.202) во периодот од 00.00 до 04.00 часот, полициски службеници од Одделот за униформирана полиција од сите сектори за внатрешни работи, во координација со претставници на Државниот пазарен инспекторат, Државниот инспекторат за труд и Управата за јавни приходи, спроведоа акциска контрола во угостителски објекти на 272 локации.Во контролата беа опфатени и 18 казина на подрачјето на СВР Скопје и СВР Куманово. За време на контролата, на територија на СВР Скопје, поточно на подрачјето на Чаир, е констатиран еден прекршок по чл.80 од Законот за оружје, при што кај Б.И.(31) од Косово е пронајден и одземен нож, а на подрачјето на Кисела Вода прекршок по Законот за странци, при што е приведен О.О.(32) од Република Турција поради непријавен престој во државата. Притоа, од спроведената акциска контрола на подрачјето на СВР Велес од страна на полициски службеници од Одделот за униформирана полиција, Единицата за службени кучиња, СВР Скопје и СВР Велес, како и инспекциски служби на Државниот пазарен инспекторат, Државниот инспекторат за труд и Управата за јавни приходи, во угостителски објект во Велес констатирано е кривично дело по член 215 од Кривичниот законик, при што лицето е лишено од слобода, прекршок по чл.21 од ЗППЈРМ поради присуство на малолетници во објектот, прекршок по Законот за оружје кај лице кое врши работа од областа на приватното обезбедување, а притоа не поседува лиценца и договор за работа (член 46 став 3 од Закон за приватно обезбедување), поради што и ова лице е приведено во полициска станица. Од страна на Управата за јавни приходи констатирано е дека објектот работи спротивно на Законот за регистрирање на готовина, а од страна на Државниот инспекторат за труд ќе бидат направени дополнителни проверки за утврдување на статусот на лица затекнати при извршување работа во објектот.

Контроли во угостителски објекти, констатирани осум прекршоци

Катерина Бојаџиева — Sat, 28 Jan 2023 11:53:23 +0000

Полициски службеници од Одделот за униформирана полиција на подрачјата на СВР Скопје, СВР Битола, СВР Охрид, СВР Куманово, СВР Велес и СВР Тетово, во координација со претставници на Државниот пазарен инспекторат и Управата за јавни приходи, утринава во периодот од 0:00 до 4:00 часот спроведоа акциска контрола во угостителски објекти на 185 локации. Притоа, констатирани се пет прекршоци за присуство на малолетници после 00:00 часот, и тоа на подрачјата на СВР Скопје, СВР Битола, СВР Куманово, СВР Велес и СВР Тетово. При контролите, како што информира МВР, бил констатиран и еден прекршок по член 80 од Законот за оружје на подрачјето на скопски Чаир, при што кај Д.Т.(25) од Скопје бил пронајден и одземен нож, како и два прекршока по Законот за лична карта на подрачјето на СВР Куманово. Од страна на Државниот пазарен инспекторат поради констатирани неправилности запечатени се два угостителски објекта, едниот во Сарај, а другиот во село Арнакија.

Акциска контрола во угостителски објекти во Арачиново, приведено едно лице

Тале Кристо — Sun, 04 Dec 2022 11:09:47 +0000

На 03.12.2022 полициски службеници од СВР Скопје - Единица за недозволена трговија, Единица за интервентна полиција, Одделение за Потраги и Одделот за специјални полициски операции извршија акциска контрола во угостителски објекти на подрачјето на с.Арачиново, скопско, при што лишен од слобода А.Д.(40), вработен во еден од локалите. Кај него бил пронајден пиштол "ТТ" и рамка со осум куршуми. Тој е приведен во полициска станица и по документирање на случајот против него ќе биде поднесена кривична пријава по чл. 396 од Кривичниот законик. Инаку, во рамки на акциската контрола бил извршен преглед на 54 лица затекнати во угостителските објекти и 11 возила.

Контроли во угостителски објекти и обложувалници, констатирани 10 прекршоци

Ивана Ефремовски — Sat, 19 Nov 2022 12:19:03 +0000

Денеска (19.11.2022) во периодот од 00.00 до 04.00 часот, полициски службеници од Одделот за униформирана полиција на подрачјата на СВР Скопје, СВР Битола, СВР Охрид, СВР Куманово, СВР Штип, СВР Велес и СВР Тетово спроведоа акциска контрола во угостителски објекти за присуство на малолетници после 00.00 часот, како и точење алкохол на малолетници. Притоа, на подрачјето на СВР Скопје била извршена контрола во пет спортски обложувалници, а на подрачјето на СВР Велес контролата била спроведена во координација со претставници на Државниот пазарен инспекторат и Управата за јавни приходи. При контролите било констатирано едно кривично дело по член 215 од Кривичниот законик и еден прекршок по член 80 од Законот за оружје, како и осум прекршоци по Законот за прекршоците против јавниот ред и мир и еден по Законот за лична карта. На 19.11.2022 во 02.00 часот, при контрола во казино на ул.„Маршал Тито“ во Тетово, од слобода бил лишен К.М.(41) од Тетово, кај кого била пронајдена бела прашкаста материја. По целосно документирање на случајот против него ќе биде поднесена соодветна пријава. Истовремено, во истото казино, кај лицето А.Ј.(24) од Тетово бил пронајден и одземен нож. Против него ќе биде поднесок по член 80 од Закон за оружје.

ПИЈАНИ МАЛОЛЕТНИЦИ ВО ПРИЛЕП: Полицијата направи контрола во угостителските објекти, следуваат соодветни поднесоци

Магдалена Андонова — Sun, 30 Oct 2022 11:43:36 +0000

Министерството за внатрешни работи информира дека на 30.10.2022 во периодот од 00.00 до 03.00 часот од страна на полициски службеници од СВР Битола- ОВР Прилеп извршена е контрола во угостителски објекти во Прилеп, при што затекнати се 24 малолетни лица, а седум малолетници биле под дејство на алкохол. Малолетниците се предадени на нивните родители, а по документирање на случаите, ќе бидат поднесени соодветни поднесоци.