ухмр – Kurir.mk

Најстудено во Берово, најтопло во Штип, Велес, Виница, Демир Капија и Гевгелија

Ивона Петрова — Fri, 03 Nov 2023 07:16:17 +0000

Во Берово утрово е најстудено - три степени, а натопло е во Штип, Велес, Виница, Демир Капија и Гевгелија - 12 степени. Како што соопшти Управата за хидрометеоролошки работи (УХМР), до 7:30 часот пет степени се измерени во Лазарополе, шест во Попова Шапка, седум во Струмица и Крушево, осум во Скопје - Петровец, Битола, Охрид, Крива Паланка, девет во Прилеп и Маврови Анови, десет во Скопје - Зајчев Рид, Тетово и Кавадарци и 11 степени во Куманово, Претор и Дебар. Најмногу дожд во изминатото деноноќие наврна во Крушево - седум литри на на метар квадратен, во Тополчани пет, во Прилеп четири, во Битола и Маврови Анови - два и на Попова Шапка и Берово - еден литар. Во текот на ноќта времето беше променливо облачно со слаб до умерен ветер од јужен правец. Утрово е умерено облачно, на повеќе места со умерен ветер од јужен правец. Времето денеска ќе биде променливо облачно со засилен, наместа повремено силен ветер од јужен правец (над 60 км/час). Попладне под влијание на циклонска активност ќе има врнежи од дожд, најпрво во западните делови. Во ноќните часови врнежите ќе се прошират насекаде и наместа ќе бидат пообилни, проследени со грмежи. Максималната температура ќе биде во интервал од 20 до 24 степени. Во Скопје променливо облачно со умерен до засилен јужен ветер. Кон крајот на денот и во текот на ноќта ќе има врнежи од дожд, во делови од котлината пообилни. Максималната температура ќе достигне 24 степени.

Променливо облачно со дожд и ветер

Ивона Петрова — Fri, 03 Nov 2023 06:09:24 +0000

Времето денеска ќе биде променливо облачно со засилен, наместа повремено силен ветер од јужен правец (над 60 км/час). Попладне под влијание на циклонска активност ќе има врнежи од дожд, најпрво во западните делови. Во ноќните часови врнежите ќе се прошират насекаде и наместа ќе бидат пообилни, проследени со грмежи. Минималната температура ќе биде во интервал од 5 до 13, а максималната ќе достигне од 21 до 24 степени. Во Скопје променливо облачно со умерен до засилен јужен ветер. Кон крајот на денот и во текот на ноќта ќе има врнежи од дожд, во делови од котлината пообилни. Минималната температура ќе се спушти до 10, а максималната ќе достигне 23 степени, соопшти УХМР. Во сабота времето ќе биде облачно и посвежо со врнежи од дожд, на повеќе места обилни (над 30 л/м2), а локално ќе бидат поројни и проследени со грмежи. Во недела ќе дува засилен јужен ветер, а врнежи од дожд се очекуваат попладне во западните делови. Потоа, во тек на следната работна седмица ќе преовладува стабилно и посончево време, а температурите ќе се задржат релативно високи, но со тренд на постепено намалување.

УХМР најавува пообилни врнежи, локални грмежи и повремено силен ветер

Ивона Петрова — Thu, 02 Nov 2023 11:51:30 +0000

Утре времето ќе биде променливо облачно со засилен, наместа повремено силен ветер од јужен правец, над 60 километри на час, информираат од УХМР. Попладне под влијание на циклонска активност ќе има врнежи од дожд, најпрво во западните делови. Врнежите ќе продолжат во ноќните часови и во сабота, кога ќе бидат пообилни, на повеќе места над 30 литри на метар квадратен, а наместа ќе бидат поројни и проследени со грмежи. Во недела ќе дува засилен јужен ветер, а локални врнежи се очекуваат попладне во западните делови. Температурите ќе се задржат релативно високи.

Променливо облачно време со локален дожд

Ивона Петрова — Thu, 02 Nov 2023 06:04:26 +0000

Претпладне променливо облачно со локални врнежи од дожд, попладне облачноста ќе се намалува. Ќе дува слаб, а во западните делови умерен ветер од југозападен правец. Утринските температури ќе се движат од 8 до 14 степени, а дневните ќе бидат во интервал од 13 до 23 степени. Во Скопје променливо облачно, претпладне со повремен дожд, а попладне умерено облачно со слаб ветер од југозападен правец. Максимална дневна температура 20 степени. До крајот на оваа седмица времето ќе биде променливо облачно со повремени локални врнежи од дожд. Од петок попладне и во сабота врнежите на места ќе бидат обилни и повремено поројни (над 30 л/м2) и проследени со грмежи. Во петок и во деновите од викендот ќе дува засилен до повремено силен ветер од јужен правец (над 60 км/час).

УХМР: Слаба магла по одделни котлини, најстудено утрово на Попова Шапка и во Лазарополе

Ивона Петрова — Wed, 01 Nov 2023 07:04:08 +0000

Најниска темоература (5 степени) утрово во 7.30 часот е измерена во Лазарополе и на Попова Шапка. Шест степени во Маврови Анови, седум во Куманово, осум во Скопје-Петровец, Крива Паланка и Берово, девет степени се измерени во Тетово и Крушево, 10 во Скопје-Зајчев Рид, 11 во Охрид, Битола, Прилеп, Струмица и Дебар, 12 во Штип, Велес и Кавадарци, 13 степени во Демир Капија и Виница и 14 во Претор и Гевгелија. Во изминатите 24 часа, најмногу дожд наврнал во Дебар, седум литри на квадратен метар, шест на Попова Шапка, четири литри на квадрат воден талог се измерени во Тетово, три во Охрид, два во Маврови Анови и Крушево и еден литар на квадрат во Скопје (мерна станица Зајчев Рид) и Крива Паланка. -Утрово е сончево со мала до умерена облачност, а по одделни котлини има појава на слаба магла. Претпладне ќе биде сончево со мала до умерена облачност, попладне променливо облачно. Ќе дува слаб до умерен ветер од северозападен правец. Кон крајот на денот и во текот на ноќта со локални врнежи од дожд, информира УХМР. Според прогнозата на Управата за хидрометеоролошки работи, максималната температура денеска ќе биде во интервал од 18 до 25 степени. Во Скопје променливо облачно со сончеви периоди и со слаб ветер, претежно од северен правец. Максималната температура во главниот град ќе достигне 21 степен.

Променливо време со сончеви периоди, температурата до 25 степени

Ивона Петрова — Wed, 01 Nov 2023 06:09:08 +0000

Времето денес променливо облачно со сончеви периоди. Ќе дува слаб до умерен ветер од северозападен правец. Кон крајот на денот и во текот на ноќта ќе има локален дожд. Утринската температура ќе се движи од 6 до 13 степени, а дневната ќе биде во интервал од 15 до 25 степени. Во Скопје променливо облачно со сончеви периоди и со слаб ветер претежно од северен правец. Максималната дневна температура ќе достигне 21 степен. До крајот на оваа седмица времето ќе биде променливо облачно со повремени локални врнежи од дожд. Од петок попладне и во сабота врнежите наместа ќе бидат обилни (над 20 l/m2) и проследени со грмежи. Во петок и во недела ќе дува засилен, повремено силен ветер од јужен правец (над 60 km/h).

ПОДГОТВЕТЕ СЕ ЗА ГОЛЕМО РАЗОЧАРУВАЊЕ КОЕ ДОПРВА ДОАЃА – еве што не очекува за време на викендот

Дарко Андоновски — Tue, 31 Oct 2023 11:14:38 +0000

УХМР соопшти дека до крајот на неделата времето ќе биде променливо облачно со повремени локални врнежи од дожд. Од петок попладне и во сабота врнежите наместа ќе бидат обилни, над 20 литри на метар квадратен и проследени со грмежи. Во петок и во недела ќе дува засилен, повремено силен ветер од јужен правец, со брзина од над 60 километри на час.

Сончево време и температура од 25 степени, од утре дожд

Ивона Петрова — Tue, 31 Oct 2023 06:08:10 +0000

Времето денеска променливо облачно со сончеви периоди. Ќе дува слаб до умерен ветер од југоисточен правец, кој долж Повардарието наместа ќе засилува. Во текот на ноќта во крајните западни делови ќе има локален дожд. Утринските температури ќе се движат од 2 до 10 степени, а дневните од 18 до максимални 25 степени. Во Скопје променливо облачно со сончеви периоди и со умерен ветер од југоисточен правец. Максималната дневна температура ќе изнесува 23 степени. Следува период на променливо облачно време. Утре кон крајот на денот ќе има повремени врнежи од дожд, утринската температура ќе биде во пораст, а дневната во благо опаѓање. Во петок ќе дува засилен ветер од јужен правец, а нов поинтензивен влажен бран со обилни врнежи се очекува во текот на ноќта и во сабота.

ТЕМПЕРАТУРЕН ШОК ВИКЕНДОВ ВО МАКЕДОНИЈА – особено утре и во вторник вистинско лето, еве какви температури не очекуваат! (ФОТО)

Дарко Андоновски — Fri, 27 Oct 2023 17:28:00 +0000

Времето утре ќе биде сончево и топло со мала до умерена облачност. Ќе дува слаб до умерен, а во западните делови повремено засилен ветер од југозападен правец. Во Скопје сончево со мала до умерена облачност и со слаб југозападен ветер. Во недела времето ќе биде сончево и топло со мала до умерена локална облачност и со слаб ветер од северозападен правец. Во понеделник по одделни котлини ќе има појава на утринска магла, а во текот на денот сончево и топло со слаб до умерен ветер од јужен правец. Во вторник времето ќе биде сончево и топло со мала до умерена облачност и со слаб до умерен ветер од југоисточен правец. По одделни котлини ќе има услови за појава на утринска магла. Она што не вообичаено за овој период од годината е високата температура која особено утре и во понеделник ќе достигне високи 27 степени.

ЗАБОРАВЕТЕ НА ДОЖДОТ: Ни доаѓа нов температурен шок и време кое е далеку од најавување на есента – особено овој ден од викендот испланирајте си го!

Дарко Андоновски — Wed, 25 Oct 2023 18:02:54 +0000

До самиот крај на овој месец нашата територија ќе се наоѓа под влијание на јужно и на југозападно воздушно струење, како и на топла воздушна маса од југ. Токму ова ќе условува и понатаму да имаме невообичаено топло време за овој период од годината, а ќе биде спарно и мачно. Во исто време од Сахара кон нашата територија ќе се врши транспорт на прашина и на песок. Дестабилизирање на атмосферата има веќе денес доцна попладне кое ќе трае и во текот на ноќта кон четврток, како и во четврток кога ќе има повремени врнежи од дожд и тие локално ќе бидат поројни и проследени со појава на грмежи. И во следниот период ќе дува јужен и југозападен ветер, и тој повремено ќе засилува на интензитет. Наутро температурите ќе се спуштаат во интервалот од 8 до 16 степени, а преку ден тие ќе се искачуваат во интервалот помеѓу 20 и 27 степени. Во Скопје и околината температурата ќе се искачува во интервалот помеѓу 23 и 25 степени. Еве и какво време не очекува за време на викендот според УХМР. Во петок времето ќе биде променливо облачно со сончеви периоди. Кон крајот на денот во северозападните и северните делови ќе има врнежи од дожд. Ќе дува умерен до засилен ветер од јужен правец. Во сабота времето ќе биде Сончево со мала до умерена облачност. Ќе дува слаб до умерен ветер од југозападен правец. Во недела времето ќе биде претежно сончево со слаб ветер од променлив правец. Сите три дена ќе имаме високи температури од 27 степени, особено во сабота рекордни 28.