укината – Kurir.mk

Укината вонредната пандемиска состојба во Бугарија

Тале Кристо — Fri, 01 Apr 2022 09:56:03 +0000

Од денеска се укинува вонредната пандемиска состојба во Бугарија, а некои антиепидемиски мерки се уште остануваат. Како што јави дописникот на МИА од Софија, од денеска се укинува барањето за задолжително носење заштитни маски во затворени јавни места, одржување физичка дистанца, за ограничување на бројот на лица кои можат истовремено да бидат во затворен простор, како и за забрана за посета во болниците. Носењето заштитни маски останува пожелно за места каде што се собираат многу луѓе. Од денеска до 15 мај 2022 година, сите лица, без разлика од која земја доаѓаат во Бугарија, ќе треба да приложат валиден дигитален сертификат на ЕУ за вакцинација, за прележаност на болеста, тест или сличен документ што ги содржи истите податоци. Лицата кои нема да достават барем еден од овие документи ќе бидат примени на територијата на Бугарија, но ќе бидат ставени во 10-дневен карантин.

Укината забраната за сообраќај на камиони на патот крак Маврово – Дебар

Тале Кристо — Tue, 22 Feb 2022 15:25:12 +0000

Од 15.30 часот е укината забраната за сообраќај за тешки товарни возила на патниот правец крак Маврово – Дебар, информираа од АМСМ. Засега останува во сила забраната за сообраќај за тешки товарни возила на патниот правец А2 Гостивар – Кичево преку планинскиот превој Стража, воведена поради врнежи од снег.

Укината забраната за камиони на Стража

Тале Кристо — Mon, 24 Jan 2022 08:33:49 +0000

Од АМСМ известуваат дека од 08:40ч. е укината забраната за ТМВ на патниот правец Кичево – Гостивар на превој Стража Останатите активни информации: ЗАБРАНА ЗА ДВИЖЕЊЕ НА ТМВ: Од 06:50ч. се воведува забрана за сообраќај за тешки товарни возила на патниот правец Маврово-Дебар поради обилни врнежи од снег. СОСТОЈБА: Сообраќајот на државните патишта се одвива по претежно влажни коловози, наместа со остатоци од кашест снег на коловозот по интервенција од дежурните екипи на ЈП Македонијапат. Снег врне во Крива Паланка, Маврово и Попова Шапка. ФРЕКВЕНЦИЈА: Интензитетот на сообраќај на патните правци надвор од градските средини е умерен. На граничните премини, од македонска страна, нема подолги задржувања за влез и излез од државата.

Укината забраната за тешки товарни возила кон Плетвар

Ристе Здравков — Wed, 12 Jan 2022 06:06:54 +0000

Од 06:45 часот е укината забраната за сообраќај на тешки товарни возила за движење преку планинскиот премин Плетвар. СОСТОЈБА: Сообраќајот на државните патишта се одвива по влажни коловози.Врнежи од снег има во Прилеп,Железнец,Неготино,Демир Капија,Удово,Крушево на планинските превои Плетвар и Буково.Со помал интезитет на врнежи на снег има на Попова Шапка,Маврово и Агино-Миладиновци.

Укината забраната за сообраќај на неколку патни правци

Тале Кристо — Sat, 11 Dec 2021 17:46:37 +0000

Укината е забраната за сообраќај на тешки моторни возила на патниот правец Битола – Ресен преку планинскиот премин Ѓавато, информираат од АМСМ. Отворен за сообраќај е и регионалниот пат Дебар-Маврово. Исто така, укината е забраната за патниот правец Струга – Ќафасан и сообраќајот е нормализиран. Во 15:25 е укината забраната за движење на тешки товарни возила на планинскиот премин Стража, а потоа е отворен за сообраќај патниот правец Кичево – Охрид, на планинскиот премин Пресека. Забраните беа воведени поради врнежи од снег на повеќе места низ земјава. АМСМ препорачува прилагодена брзина на движење, почитување на поставената сообраќајна сигнализација и внимателно управување со возилата, особено на патиштата низ котлините, речните долини и клисурите, каде има можност од појава на одрони.

Укината забраната за сообраќај на камиони на Стража

Тале Кристо — Tue, 30 Nov 2021 12:40:40 +0000

Укината е забраната за сообраќај на тешки товарни возила на планинскиот премин Стража. Како што информира АМСМ, забраната за сообраќај на овој планински премин е укината од 12:30 часот. Претходно од 11:00 часот беше укината и забраната за сообраќај на тешки товарни возила на патниот правец Кичево – Охрид, преку планинскиот превој Пресека, а од 10:30 часот беше нормализиран сообраќајот на патниот правец Дебар – Маврово, кај местото викано Врбјанска Раскрсница, што половина час беше во прекин во двата правци поради паднато дрво. Се уште е во сила забраната за сообраќај на тешки товарни возила на патниот правец Битола – Ресен, преку планинскиот премин Ѓавато, што беше воведена во 9:40 часот, на патот Гостивар – крак Маврово – Дебар, што е во сила од 6:30 часот, како и на патниот правец Р1209 Тетово – Попова Шапка, воведена вчера во 22:00 часот. За останатите видови на возила на патниот правец Р1209 Тетово – Попова Шапка е задолжителна употреба на зимска опрема.

Уште една американска држава ја укина смртната казна

Тале Кристо — Thu, 25 Mar 2021 07:06:51 +0000

Гувернерот на американската сојузна држава Вирџинија, Ралф Нортум, го потпиша законот за укинување на смртната казна, што ќе биде заменета со доживотен затвор без можност за предвремено помилување, јавија руските медиуми, повикувајќои се на информации од личниот профил на гувернерот на Фејсбук. На овој начин Вирџинија стана 23-та американска држава по ред, која ја укинува употребата на смртна казна на нејзината територија. Досега оваа држава важеше за лидер според бројот на извршени егзекуции. Според извештаите на американските медиуми, за време на целото постоење на Вирџинија, вклучувајќи го и статусот на британска колонија, нејзините власти погубиле речиси 1.400 лица. Со новиот закон смртната казна се заменува со доживотен затвор, без право на помилување. Во јануари годинава, повеќе од сто службеници за спроведување на законот во САД, главни обвинители и обвинители, судии и претставници на Министерството за правда, го повикаа американскиот претседател Џо Бајден веднаш да ја укине смртната казна во САД. За време на неговата изборна кампања, американскиот претседател изрази заложба за укинување на овој вид казна како дел од неговите идни реформи. Врховниот суд на САД во јули 2020 година донесе одлука дека може да се извршат првите егзекуции во последните 17 години во американските федерални затвори, со укинување на одложувањето што претходно го наредил понизок суд. Прв беше погубен 47-годишниот Даниел Луис Ли, кој се наоѓаше во федералниот затвор Тера Хот во Индијана. Враќањето на федералната смртна казна беше симболично во САД, каде повеќето егзекуции се извршуваат под јурисдикција на одделни држави, а не на федералните власти. Меѓутоа, во 2020 година федералните власти во САД за првпат во историјата на земјата извршија повеќе смртни казни отколку сите сојузни држави заедно, се наведува во годишниот извештај на Центарот за смртни казни.

Укината забраната за тешки товарни возила на планинскиот превој Плетвар

Тале Кристо — Wed, 24 Mar 2021 07:55:32 +0000

Укината е забраната за сообраќај за тешки товарни возила на патот Прилеп – Градско преку планинскиот премин Плетвар. Јавното претпријатие „Македонија пат“ соопшти дека забраната е укината во 08:15 часот. На останатите патни правци низ државата сообраќајот се одвива по влажни коловози, на места со остатоци од кашест снег.

Укината вонредната состојба во шест префектури во Јапонија

Тале Кристо — Mon, 01 Mar 2021 06:59:27 +0000

Јапонската Влада ја укина вонредната состојба воведена поради пандемијата во шест префектури вон регионот на Токио една недела порано отколку што првично беше закажана поради подобрување на епидемиолошката состојба, јави новинската агенција Кјодо Според агенцијата, вонредната состојба е укината во префектурите Аичи, Гифу, Осака, Кјото, Хјого и Фукуока. Во исто време, таа ќе остане во сила во префектурите Токио, Чиба, Канагава и Саитама до 7 март, како што првично беше планирано. И покрај укинувањето на вонредните мерки, баровите и рестораните во овие шест префектури ќе бидат затворени најдоцна до 21:00 часот. Се очекува локалните власти да му платат обесштетување на секој бар и ресторан за загубениот профит. Јапонската Влада во петок треба да одржи седница на која ќе одлучи дали вонредната на 7 март може да биде укината во низ целата земја.

Укината смртната казна за напаѓачот на Бостонскиот маратон

Магдалена Андонова — Sat, 01 Aug 2020 07:45:57 +0000

Американскиот Федерален апелациски суд ја укина смртната казна за Џохар Царнајев, осуден за бомбашкиот напад на Бостонскиот маратон во 2013 година. Црнајев е осуден по 30 обвиненија, вклучително и заговор и употреба на оружје за масовно уништување. Тој казната ја издржува во затвор со максимална безбедност во Колорадо. Неговиот брат Тамерлан Царнајев е убиен во престрелка со полиција неколку дена откако двајцата браќа детонираа две бомби во близина на целта на Бостонскиот маратон. Во нападот извршен на 15 април 2013 година загинаа три лица, а повредени беа повеќе од 260 луѓе. (МИА)