украден – Kurir.mk

Украл автомобил: Радовишанец заврши зад решетки

Тале Кристо — Fri, 25 Feb 2022 15:40:45 +0000

На 25.02.2022 во 07.05 часот на ул.„Ванчо Ангелов“ во Свети Николе, полициски службеници од ОВР Свети Николе го лишиле од слобода А.А.(32) од Радовиш, поради постоење основи на сомнение за сторено кривично дело „одземање моторно возило“, казниво по член 242 од Кривичниот законик. Полициски службеници го пронашле возилото „ивеко“, со штипски регистарски ознаки, и го вратиле на сопственикот од Радовиш, а осомничениот бил предаден во Полициската станица Радовиш за понатамошна постапка. По документирање на случајот ќе биде поднесена соодветна пријава.

МВР го пронајде коњот кој што бил украден од одделението за тренирање на полициски животни во Хиподром

Тале Кристо — Fri, 09 Apr 2021 13:42:53 +0000

Полициските службеници од Гази Баба го пронајдоа украдениот арапски коњ чија вредност се проценува до 50.000 евра и беше украден во средата навечер за време на полицискиот час и му го вратија на сопственикот. Професионално тренираниот коњ бил украден во центарот во одделението за тренирање на полициски животни во Хиподром. Во текот на вчерашниот ден дел од медиумите објавија дека украденото животно е на МВР, но оттаму ја демантираа ваквата информација.

Украден пиштол од автолимарска работилница во Валандово

Магдалена Андонова — Fri, 25 Sep 2020 15:51:46 +0000

Во Полициската станица Валандово вчера во 13:15 часот, М.Д.(53) од Валандово пријавил дека во периодот од 23:50 часот на 22.09. 2020 до 19:00 часот на 23.09.2020 му бил одземен пиштол „Црвена застава“ кал. 9мм, без куршуми, од неговата автолимарска работилница на ул.„Маршал Тито“ во Валандово. Како што соопшти МВР, увид на местото извршила увидна екипа на Полициската станица Валандово и се преземаат мерки за расчистување на случајот. (МИА)

„Слоганот со кој излезе СДСМ е ист како на ВМРО-ДПМНЕ од пред десетина години“

Тале Кристо — Sun, 12 Jul 2020 21:24:22 +0000

„Кај СДСМ не видов емоција, која што ќе понуди надеж кај граѓаните. Да речат понудата е добра и буди емоција на надеж. Напротив буди емоција би рекол на одбивање, да не употребам потежок збор на гласање. Тоа е првата работа. А, втората работа е што се однесува до пораката е стварно не знам која порака би ја издвоил, бидејќи самиот слоган, самата кампањска порака „Можеме“ е украден слоган од кампањата на ВМРО-ДПМНЕ за локалните избори во 2009-тата година“, појасни лидерот на ВМРО-ДПМНЕ, Христијан Мицкоски при своето гостување на емисија на телевизија Алфа. Мицкоски додаде дека украдениот слоган на СДСМ е од ВМРО-ДПМНЕ кој гласеше „Заедно можеме повеќе“. „Тоа е класична како да кажам, класична кражба. Мислам кога станува збор за СДСМ, нема ништо нема да ме изненади. Но начинот на кој што тие се однесуваат во оваа кампања е истиот наратив, се обидуваат да прават реминисенција во минатото, а од друга страна зборуваат за иднината“, истакна Мицкоски.

Украден „Јагуар“ во Скопје

Дарко Андоновски — Thu, 30 Aug 2018 13:59:53 +0000

На 29.08.2018 година во 13.00 часот во Полициската станица Гази Баба, Д.С.А.(42) од Скопје пријавил дека на 27 август околу 03.00 часот од дворот на улица „Алија Авдовиќ“ непознат сторител одзел патничко моторно возило „Јагуар“ со скопски регитарски ознаки, сопственост на неговиот брат. Се преземаат мерки за пронаоѓање на возилото и сторителот и за целосно расчистување на случајот.

Украден пехарот од Лига Европа

Ристе Здравков — Sat, 21 Apr 2018 13:10:09 +0000

Пехарот наменет за победникот во Лига Европа бил украден во мексиканскиот град Леон. Трофејот, кој е на светска трунеја со цел љубителите на фудбалот од повеќе земји да имаат можност да го видат во живо и да се фотографираат со него, бил украден од возилото со кое е превезуван низ Мексико. Мексиканската полиција соопшти дека возилото било нападнато, но дека успеала да го пронајде пехарот, без притоа да наведе повеќе детали. Властите само објавија фотографија со текст дека пехарот повторно е во сигурни раце. Мексико е една од најнебезбедните земји во светот, поради високата стапка на криминал особено во некои делови на земјата. Трофејот на 16 мај во Лион ќе му биде доделен на победникот во ова натпреварување.