Украинка – Kurir.mk

Приведена млада Украинка, непријавена престојувала во Македонија

Ивана Ефремовски — Thu, 06 Jul 2023 16:32:16 +0000

Полициски службеници на СВР Тетово-Одделение за внатрешни работи на 05.07.2023 околу 21:50 часот, на ул.„Младен Груевски“ во Гостивар ја привеле 25-годишната А.Т. од Украина, поради сомнение дека непријавено престојувала на подрачјето. Таа е задржана во Полициската станица Гостивар за натамошна постапка.

МЛАДА УКРАИНКА ДОЖИВЕАЛА ХОРОР: 49 годишен Полјак и понудил помош, па ја силувал

Магдалена Андонова — Sun, 13 Mar 2022 09:37:57 +0000

49-годишен маж од Полска е уапсен под сомнение дека силувал 19-годишна девојка која ја намамил во својот дом преку Интернет, нудејќи ѝ засолниште откако таа побегнала од Украина, пишува Sky News. Полицијата во Вроцлав соопшти дека Полјакот е уапсен и може да се соочи со затворска казна до 12 години. – Ја запознал девојката нудејќи ѝ помош преку интернет. Таа побегна од воена Украина, не зборуваше полски. Таа му веруваше на човекот кој вети дека ќе и помогне и ја остави. За жал, сето ова се покажа како лажна манипулација – се наведува во соопштението на надлежните. Добротворните организации и групите за човекови права кои работат во соседните земји за да примат бегалци рекоа дека виделе случаи на трговија со луѓе, исчезнати деца, изнуда и експлоатација додека повеќе од 2,5 милиони луѓе се преселиле во соседните земји за да избегнат ескалација на насилството.

Испраќал пари на фатална Украинка, кога требале да се сретнат на аеродромот следувал шокот на неговиот живот

Ивана Ефремовски — Thu, 22 Oct 2020 18:53:35 +0000

Кога Британецот Колин Ор (40) преку веб-страница за запознавање ја запозна Украинката Олга Марченко, тој помислил дека тоа е љубовта на неговиот живот. Тој и Украинката размениле повеќе од 800 електронски пораки, илјадници пораки на WhatsApp, бројни телефонски повици и фотографии. За време на нивната врска, Колин ѝ испратил и на 32-годишната Олга пари што и биле потребни за да ја издржува својата ќерка, со која живеела во украинскиот град Луганск. По неколкумесечно дружење преку интернет, Олга му признала дека би сакала да живее во Единбург со него. Колин веднаш притрчал во Вестерн Унион и и ги испратил парите, но кога дошло време конечно да ја види во живо избраничката на неговото срце, тој бил длабоко разочаран. Олга требала да слета со својата ќерка на аеродромот во Единбург, а таа му опишала на Колин што имале двете на себе за полесно да ги препознае. Но, кога пристигнал на аеродромот за да ги земе, двете не излегле од авионот што пристигнал од Украина. Колин помислил дека нешто ѝ се случило на Олга, па го пријавил нејзиното исчезнување во полиција. Сепак, полицијата му открила дека лицето под тоа име живее надвор од Велика Британија и дека не е исчезната. Тогаш Колин сфатил дека фаталната Украинка го измамила за 1.600 фунти што ѝ ги испратил за време на нивната врска. -Секако, на почетокот мислев дека можеби таа е измамничка. Но, по сите пораки, повици и сè што поминавме заедно, помислив дека конечно најдов некој за себе, рекол тогаш 40-годишникот. Извор: kumanovskimuabeti

Украинка копала тунел за син и да избега од затвор

Магдалена Андонова — Tue, 04 Aug 2020 08:58:24 +0000

Во Украина, една 51-годишна жена се обидела да ископа подземен тунел, со цел да го ослободи синот кој е во затвор. Сега и самата таа се соочува со затвор. Жената, чиешто име не се споменува, изнајмила куќа во близина на затворот во Запорожје на југот на Украина, каде што нејзиниот син издржува доживотен затвор. За копање на тунелот таа користела лопата и копач. Копала само ноќе за да не привлече внимание, а до затворот доаѓала користејќи електричен скутер. До мигот кога беше уапсена, таа ископала околу три тони земја.