Украинска контраофанзива – Kurir.mk

„Украинската контраофанзива не е пропадната“

Тале Кристо — Mon, 18 Sep 2023 16:36:38 +0000

Началникот на Здружениот Генералштаб на вооружените сили на САД, генерал Марк Мили, оцени дека е „многу амбициозна“ крајната цел на Украина да ги истисне сите руски војници од земјата. Генерал Мили синоќа изјави дека „целосното протерување на сите Руси ќе биде многу значаен напор. Ќе биде потребно долго време за да се извлечат сите 200.000 или повеќе руски војници од Украина. Тоа е многу голема задача. Ќе треба долго време“. Иако неговата проценка за крајната цел на Киев беше претпазлива, Мили сакаше да нагласи дека тековната контра-офанзива не „пропадна“, и покрај тоа што беше „побавна од очекуваното, таа беше стабилна“. -Знам дека има некои коментари дека оваа офанзива некако пропадна. Не успеа, рече Мили, додавајќи дека на Украина „и остана многу борбена моќ“. Меѓутоа, кога станува збор за веројатноста за постигнување поамбициозни цели како што се ослободување на јужниот брег и повторно заземање на градот Мариупол, Мили кажа дека не сака ништо да предвидува, пренесуваат француските медиуми. Мили, објави Киев пост, ја бранеше брзината со која САД обезбедуваат оружје и друга помош за Украина од почетокот на целосната руска инвазија во февруари 2022 година. И покрај критиките - вклучително и од Украина - дека американската влада одолговлекува, Мили кажа дека околу 40 милијарди долари во оружје и 100 милијарди долари вкупна помош се „исклучително дарежлива помош“.

Блинкен во Киев: Има охрабрувачки напредок во украинската контраофанзива

Тале Кристо — Wed, 06 Sep 2023 19:16:20 +0000

Американскиот државен секретар Ентони Блинкен, кој денеска е во посета на Киев, изјави дека има многу охрабрувачки напредок во украинската контраофанзива, пренесуваат странските агенции. „Многу јасно се гледа значителниот напредок што го постигнувате сега во контраофанзивата и тоа е многу, многу охрабрувачко“, рече Блинкен на состанокот со украинскиот претседател Володимир Зеленски. Украинските сили започнаа контраофанзива за враќање на териториите окупирани од руските сили.

Марк Мили: Украинската контраофанзива ќе биде долга и крвава

Тале Кристо — Sat, 01 Jul 2023 19:25:39 +0000

Украинската контраофанзива против руските сили ќе биде тешка и „многу крвава“, оцени претседателот на Здружениот Генералштаб на САД, генерал Марк Мили, пренесе денеска Би-Би-Си. Генералот Мили рече дека не е изненаден што напредувањето на украинските сили е побавно од очекуваното, но додаде оти Украина „постепено напредува“. -Тоа оди малку бавно, но тоа е дел од природата на војната, изјави тој. Украинскиот претседател Володимир Зеленски минатата недела призна дека офанзивата напредува бавно.

Марк Мили: Украинската контраофанзива се развива побавно од предвиденото

Тале Кристо — Fri, 30 Jun 2023 20:01:12 +0000

Украинската контраофанзива се развива побавно од предвиденото, но напредува уверено, изјави претседателот на Здружениот Генералштаб на САД, генерал Марк Мили. „Се развива побавно отколку што беа прогнозите. Тоа не ме изненадува“, изјави Мили во Националниот прес-клуб во Вашингтон. Тој додаде дека офанзивата „напредува самоуверено и намерно, пробивајќи го својот пат низ комплексни мински полиња и други“ пречки.