украинска православна црква – Kurir.mk

Владата во Киев предложи закон за укинување на Украинската православна црква

Дарко Андоновски — Fri, 20 Jan 2023 08:06:23 +0000

Украинската влада денеска до парламентот поднесе предлог-закон со кој може да се укине Украинската православна црква доколку украинските власти утврдат дека е поврзана со Русија. ТАСС наведува дека предлог-законот е изготвен според инструкциите на украинскиот претседател Володимир Зеленски. Претставникот на владата во собранието, Тарас Мелничук, на мрежата Телеграм напиша дека предложениот закон предвидува измени на сегашниот закон со кој се оневозможува работење на верските организации чиј центар на управување е надвор од Украина, поточно во држава што врши агресија врз Украина. Украинскиот претседател Зеленски кон средината на декември му нареди на парламентот да подготви нацрт-закон за забрана на „верските организации поврзани со центри на влијание во Руската Федерација“, јави ТАСС.

Соборот на Украинската православна црква прогласи целосна независност

Тале Кристо — Fri, 27 May 2022 17:57:34 +0000

Соборот на Украинската православна црква денеска изрази несогласување со ставот на рускиот патријарх и на цела Русија, Кирил во однос на конфликтот во Украина и усвои измени на уставот на УПЦ, што значи нејзина целосна независност. „Ние не се согласуваме со ставот на московскиот патријарх Кирил… за војната“, се вели во соопштението на црквата по одржувањето на соборот фокусиран на руската „агресија“ против Украина, каде што прогласи „целосна независност и автономија на Украинската православна Црква“. Соборот усвои соодветни измени на уставот за управување со УПС, што значи негова целосна независност и самостојност, се вели во соопштението објавено на веб-страницата на УПС.

Кипарската православна црква ја призна Православната црква на Украина како автокефална

Магдалена Андонова — Sun, 25 Oct 2020 11:12:41 +0000

Кипарската православна црква ја призна Православната црква на Украина како автокефална и таа е трета православна црква што го стори тоа, по Грчката црква и Александриската патријаршија. На литургијата вчера, кипарскиот архиепископ Хрисостомос за првпат го спомна името на митрополитот на Киев и цела Украина, Епифаниј, со што, како што се наведува, официјално ја признава православната црква на Украина Украинската црква се заблагодари на Кипарската црква за признанието. (МИА)

Грчката црква ја призна автокефалноста на Украинската православна црква

Тале Кристо — Sat, 12 Oct 2019 11:53:47 +0000

Светиот синод на Грчката православна црква (ГПЦ) денеска и официјално го призна автокефалноста на Украинската православна црква (УПЦ). Одлуката е донесена по барање на Вселенската патријаршија. Во гласањето во Синодот учествуваа 80 епископи. Одлуката ја објави Архиепископот Атински и на цела Грција, Јероним. На 6 јануари оваа година Вселенскиот патријарх Вартоломеј во Истанбул потпиша указ за автокефалност на Украинската православна црква. Претходно, патријархот го поздрави успешното одржување на обединувачкиот собор во Украина. Патријархот Вартоломеј го покани митрополитот Епифаниј да му врачи Томос за автокефалност.