украинска војска – Kurir.mk

Украинската војска не очекува повлекување на Русите од Херсон

Дарко Андоновски — Mon, 24 Oct 2022 13:16:19 +0000

Украинските воено разузнавачки власти не очекуваат руските трупи да се повлечат од окупираниот град Херсон во јужна Украина, пренесе ДПА. Напротив, руската армија се подготвува да го одбрани градот, изјави денеска во Киев шефот на разузнавачката служба Кирило Буданов. – Руските окупатори прават впечаток дека го напуштаат Херсон, но всушност таму распоредуваат нови воени единици, изјави тој за порталот „Украинска правда“. Изјавите на Буданов не можат независно да се проверат, ниту пак оние на руската страна за ситуацијата во Херсон.

Лоши вести за Русија, украинската војска се засилува со оружје од САД

Магдалена Андонова — Wed, 27 Apr 2022 09:36:26 +0000

Советникот на украинскиот претседател Михајло Подољак денеска ги поздрави ветувањата на САД и нивните сојузници дека ќе испратат уште тешко оружје во Киев, по разговорите во германската воздухопловна база Рамштајн и порача дека „Украина станува посилна “. „Едно од чудните барања на Русија на почетокот на војната беше целосна демилитаризација на Украина. По вчерашната епохална средба на 40 министри за одбрана, имам лоши вести за Русија. Капацитет, брзина, поедноставена логистика, проширен опсег на оружје – Украина станува посилна, напиша Подољак на Твитер. Во американската воена база Рамштајн во Германија се одржа состанок на претставници на 40 земји за вооружувањето на Украина, а домаќини на состанокот се САД. „Украина верува дека може да победи, како и сите присутни овде“, рече американскиот секретар за одбрана Лојд Остин во Рамштајн. Началникот на Здружениот генералштаб на американските сили, Марк Мили, предупреди дека на Украина и е потребна дополнителна воена помош и дека следните недели се „критични“. (МИА)

Украинската војска тврди дека околу 20.000 руски војници се убиени од почетокот на инвазијата

Ивана Ефремовски — Fri, 15 Apr 2022 15:34:27 +0000

Украинските вооружени сили објавија нови податоци за руските загуби во војната, која влезе во осмата недела. Украина тврди дека околу 20.000 руски војници биле убиени од почетокот на војната кон крајот на февруари. Според последните податоци објавени од Москва, во март, во Украина загинале 498 војници. Украина додаде дека се уништени 163 руски авиони, заедно со 756 тенкови. (МИА)

Украинската војска го контролира главниот град, тврди официјален Киев

Ивона Петрова — Mon, 28 Feb 2022 11:38:47 +0000

Главниот град на Украина е целосно под контрола на украинските војници, а сите информации за наводна целосна опколеност на градот од руски сили се лажни, изјави Михаило Подољак, советник на украинскиот претседател. „Многу медиуми шират лажни вести дека Киев е наводно опколен од руски војници. Русите можат само да сонуваат за тоа. Киев е целосно под контрола на украинските трупи. Во градот може да се влезе. Престрелки има во некои предградија, имаше и жестоки судири. Но, престолнината нема да ја дадеме. Ова е нашиот главен град, нашата земја“, изјави тој. Подољак уште предупреди дека во Украина нема место за руска војска. „Тие треба да ја напуштат нашата земја, и да ги понесат во сандаци телата на нивните соборци што скапуват по полињата. Не можеме ниту да ги изброиме, уште помалку да ги собереме, борби се водат насекаде, додава тој, истакнувајќи дека руската страна нема да успее да ја прикире реалноста со своите фалсификати. Претходно беа лиферувани информации со наводни изјави на градоначалникот на Киев, Виталиј Кличко, како вели дека Киев е опколен и оти е невозможна евакуација. Кличко самиот подоцна ги демантираше таквите информации.