украински народ – Kurir.mk

Парична помош од општина Аеродром за украинскиот народ

Тале Кристо — Wed, 09 Mar 2022 11:14:38 +0000

Општина Аеродром изразува солидарност со украинскиот народ и цивилното население кое е приморано да ги напушти своите домови поради воените дејства во Украина. Упатуваме осуда кон секаков вид агресија и воена интервенција чие место дефинитивно не е во 21 век. Токму затоа, со одлука на Советот, Општина Аеродром ќе донира 150 илјади денари парична помош за украинскиот народ кој минува низ тежок период предизвикан од воената агресија. Општина Аеродром ја покажува солидарноста на дело и во рамките на своите можности ги помага сите оние на кои им е најпотребно.

Кинескиот црвен крст ќе обезбеди помош за украинскиот народ

Тале Кристо — Wed, 09 Mar 2022 09:00:42 +0000

Кинескиот Црвен крст ќе обезбеди хуманитарна помош во вредност од пет милиони јуани, или 791.540 долари, за Украина, изјави денеска, портпаролот на кинеското Министерство за надворешни работи, Жао Лиџијан, јавија британски медиуми. Руската инвазија врз Украина минатиот месец натера над два милионa Украинци да побегнат во странство. Оние кои останаа во Мариупол, многу брзо беа оставени без електрична енергија, парно, храна, како и вода за пиење, по бомбардирањето што трае повеќе од 12 денови. Кина одби руските активности во Украина да ги нарече инвазија.

Мета ги повика албанските граѓани да донираат помош за украинскиот народ

Ивана Ефремовски — Tue, 01 Mar 2022 17:36:00 +0000

Албанскиот претседател Илир Мета им се обрати на граѓаните на Албанија со повик да му помогнат на „украинскиот народ кој се соочува со рускиот окупатор“ и да го потврдат хуманизмот и човечката солидарност кои се „скапоцени карактеристики на нашата нација“. Мета пишува дека поради жестоките борби, хуманитарната ситуација во Украина е крајно критична и понизно ги повикува сите да ја следат иницијативата на албанскиот Црвен крст, за собирање помош за поддршка на украинскиот народ.