украински пратеник – Kurir.mk

Заев испратил помош од 20 тони македонски производи во Украина, украински пратеник му се заблагодари

Магдалена Андонова — Mon, 13 Jun 2022 17:58:34 +0000

Украинскиот пратеник Горениук Олександр изрази голема и јавна благодарност до поранешниот премиер Зоран Заев за испратената помош од 20 тони македонски производи за војската и цивилите во Украина. -Продолжуваме да носиме хуманитарна помош во Украина. Денес Одеса доби хуманитарна помош од нашите добри пријатели од Северна Македонија, односно поранешниот премиер Зоран Заев и неговата „Фондација Заев – Едно општество за сите“. Добивме многу потребни 20 тони производи кои ќе одат за потребите на вооружените сили на Украина, бегалците и оние на кои навистина им требаат. Многу сме благодарни на луѓето од оваа земја и лично на господинот Зоран Заев и неговото семејство за поддршката на Украина во борбата против руските окупатори, напиша пратеникот од Врховната рада во Украина на својот Фејсбук профил.

Украински пратеник: Војната ќе трае додека Путин не биде мртов или уапсен

Тале Кристо — Wed, 30 Mar 2022 09:12:39 +0000

Дмитрo Наталука, пратеник во украинската Врховна Рада кој сега е дел од одбраната на Киев, изјави дека војната во Украина ќе трае се додека рускиот претседател Владимир Путин е жив или барем додека не биде уапсен. Наталука моментално носи пушка со себе, работи како курир што врши достава на медицински материјали каде што е потребно. Во сторијата што за него ја објави Би-Би-Си, Наталука вели дека украинските пратеници биле однапред утврдени како мети, притоа повикувајќи се на информации добиени од разузнувачките служби. – Ги добивме овие пушки за да се грижиме за себе бидејќи немаме никакво обезбедување, истакна Наталука за Би-Би-Си. – Изгледаме како цивили, ние всушност сме цивили и затоа ни е многу полесно да се прикрадеме на места каде што не смее да се видат војниците и да ги снабдуваме со она што им е потребно, вели тој. Наталука, кој е дипломец на Универзитетот Кембриџ, вели дека во моментов прави она што мора да го направи. – Изгубив двајца пријатели во последните неколку дена, едниот во Мариупол, другиот во близина на Буча. Мојот пријател од Мариупол можеше да преживее доколку беше опериран, но немаа инструменти, вели тој. Украинскиот пратеник е уверен дека Киев нема да падне, оти мора да се победи независно од цената бидејќи премногу добри луѓе веќе ги дале животите за тоа. Запрашан за тоа до кога би можела да трае војната во Укрина, тој истакна дека нема да има мир се додека Путин е жив или барем се додека рускиот претседател на биде уапсен, притоа истакнувајќи дека тоа би можело да се случи во рок од шест месеци.

Сопругата на поранешен украински пратеник фатена на граница со 30 милиони долари

Ивана Ефремовски — Mon, 21 Mar 2022 14:09:23 +0000

Сопругата на поранешниот пратеник на Народен фронт, Ихор Котвицки, Анастасија Котвицка се обидела да пренесе 28 милиони долари и 1,3 милиони евра или речиси 30 милиони долари во торби од Украина. Таа била запрена на границата во Унгарија и приведена, пишува Интерфакс.

„Според оперативните информации, цариниците ја фатиле како шверцува 28 милиони долари и 1,3 милиони евра преку државната граница, на контролниот пункт Вилок во Унгарија. Парите биле во куфери без декларација и надвор од царинските прописи“, се вели во соопштението на Интерфакс. Согласно украинските закони за ова дело е предвидена казна е од три до шест години затвор. (МИА)