Украинско обвинителство – Kurir.mk

Украинското обвинителство побара доживотен затвор за рускиот војник кому се суди за воени злосторства

Тале Кристо — Thu, 19 May 2022 15:16:55 +0000

Украинското обвинителство денеска побара максимална казна доживотен затвор за рускиот војник на кого во Киев му се суди за воени злосторства, бидејќи кон крајот на февруари убил украински цивил. На вториот ден од судењето, обвинителот побара од судот „доживотна казна“ за Вадим Шишимарин (21),пренесуваат француските медиуми. Рускиот војник побарал прошка од вдовицата на украинскиот цивил за убиството на нејзиниот сопруг. Овоа е прво судење за воени злосторства извршени за време на руската инвазија на Украина, што почна на 24 февруари. Шишимарин вчера призна дека на 28 февруари го убил невооружениот 62-годишен цивил, Олександр Шелипов, во североисточното украинско село Чупахивки.

Украинското обвинителство истражува 10 руски војници осомничени за воени злосторства во Буча

Тале Кристо — Thu, 28 Apr 2022 14:45:36 +0000

Украинските обвинители денеска соопштија дека истражуваат 10 руски војници осомничени за воени злосторства во Буча. Десет војници на 64-та моторизирана пешадиска бригада на руските вооружени сили, дел од 35-та армија, се осомничени за сурово постапување со цивили и други прекршувања на законите и обичаите на војната, се наведува во соопштението на украинското Државно обвинителство. По повлекувањето на руските сили од Буча беа пронајдени безживотни тела на најмалку 400 луѓе. Рускиот претседател Владимир Путин ги одликуваше припадниците на руската на 64-та бригада за посебни заслуги, херојски акции и храброст. Русија негира каква било вмешаност во убиствата на цивили во Буча.

Украинско обвинителство: Во војната во Украина загинаа 121 дете

Тале Кристо — Wed, 23 Mar 2022 07:32:33 +0000

Во војната во Украина досега се убиени 121 дете, соопшти денеска Канцеларијата на државниот обвинител на Украина. Како што соопшти обвинителството на Телеграм, повредени се 167 деца. Засега нема независна потврда за тие наводи на украинското Обвинителство.