украсување – Kurir.mk

Новогодишна магија во Кавадарци (ВИДЕО)

Ристе Здравков — Wed, 21 Dec 2022 20:49:33 +0000

Нашето Кавадарци блесна во новогодишен сјај, пишува доцна вечерва првиот човек на Кавадарци, Митко Јанчев на социјалната мрежа Фејсбук објавувајќи видео од имплементираната новогодишна еуфорија в градот. „И бидејќи новата година ни чука на вратата, можеме да се подготвиме за празнично расположение во кое се добредојдени сите и да уживаме во звуците на најубавите новогодишни и божиќни песни. Ве чекаме...И бидејќи новата година ни чука на вратата, можеме да се подготвиме за празнично расположение во кое се добредојдени сите и да уживаме во звуците на најубавите новогодишни и божиќни песни. Ве чекаме“, пишува градоначалникот Јанчев.

ФОТО: Се украсува градот Скопје за Новогодишните празници

Магдалена Андонова — Thu, 16 Dec 2021 14:50:56 +0000

Централното градско подрачје, плоштадот Македонија, улицата Димитрија Чуповски и булеварот Илинден од вчера забрзано се украсуваат со новогодишни украси во пресрет на новогодишните празнувања. Денеска се поставува и новогодишната елка што за новогодишните празници ќе го украси плоштадот „Македонија“. Новогодишното украсување на градот во согласност со најавите и меморандумот се реализира без застој и нема да има никакви финансиски импликации врз буџетот на Град Скопје.

Скопје ќе се украсува на 10 декември: Една компанија најави дека ќе кити бесплатно

Магдалена Андонова — Fri, 03 Dec 2021 14:19:48 +0000

На 10 декември започнува да се украсува градот Скопје за Нова година. На повикот на градоначалничката на Скопје, Данела Арсовска, до компаниите да покажат општествена одговорност за време на здравствено-економска и енергетска криза, се јавија компании заинтересирани да помогнат. - Ова е време кога треба да се менуваат работите, кога треба да покажеме дека заедно можеме повеќе за нашиот град. На мојот повик се јавија компании кои ја покажаа својата општествена одговорност, а една од нив најави дека ќе го украси градот Скопје за Нова Година без финансиски импликации по градот, изјави градоначалничката Арсовска по средбата со компанијата Линк Медиа. Компанијата најави дека со украсување ќе започне на 10 декември. Град Скопје и Линк Медиа спогодбено го раскинаа договорот за новогодишно украсување на Скопје, што беше склучен во месец октомври оваа година.

Кое е вистинското место за да ја поставите елката и како да украсите – ова се совети по Фенг шуи

Ивана Ефремовски — Thu, 24 Dec 2020 15:10:09 +0000

Древната кинеска техника за уредување на просторот, Фенг шуи препорачува за време на новогодишните празници домот да ви биде украсен со боите на оганот, за да се привлече таква енергија. Токму затоа, треба да направите среќна мешавина на црвени и златни свеќи, сијалички и украси на новогодишната елка, а за вистински баланс внесете елементи на метал и вода – бела, сина, сива и сребрена. Сепак треба да внимавате и да не претерувате со црвената боја и истата да ја користите умерено. Тоа е кинеската боја за среќа, но ако се користи претерано, енергијата може да се подигне до ниво на бес. Новогодишната елка треба да ја позиционирате на исток, југ или југоисток бидејќи тоа се позиции на кои се привлекува здравје, слава и пари. Свеќите ќе ја чуваат енергијата на вашиот дом свежа, а особено ефект имаат оние од восок од пчели или соја бидејќи одлично ја прочистуваат енергијата.

БИДЕТЕ УНИКАТНИ: Одлични идеи за семејно украсување и изработка на новогодишни детали (ВИДЕО)

Ивана Ефремовски — Thu, 10 Dec 2020 13:15:38 +0000

Сакате нешто уникатно за Нова година и божиќното украсување во домот ви е забавно? Еве идеи само за вас. Идеите се едноставни, а да ги остварите ви се потребни работи кои најверојатно ги имате дома. Без трошок, со малку инспирација, вашиот дом ќе биде најубавото место за празниците.

Советничка група на ВМРО-ДПМНЕ на Град Скопје: Скопје се гуши,загаденоста 5 пати над дозволеното, а Шилегов битно го украсува градот

Тале Кристо — Tue, 01 Dec 2020 21:43:22 +0000

Скопје се гуши! Загаденоста на воздухот е енормна, а концентрацијата на канцерогените ПМ10 честички во воздухот е и до 5 пати над дозволеното, велат преку соопштение од советничката група на ВМРО-ДПМНЕ на Град Скопје. Скопјани не дишат воздух, туку смог и смрт. Воздухот е презагаден, поминува уште една година, а Шилегов не одвои ниту денар за намалување на загадувањето, но затоа има половина милион евра за украсување и диносауруси во скопската зоолошка. Шилегов вети дека ќе го реши проблемот со загадувањето, а еве го преспа цел мандат и проблемот се уште не е решен. Од година во година загадувањето е се поголемо, нема нови зелени површини, нема инвестиции во енергетски ефикасни фасади, нема нов јавен транспорт или трамвај како што ветуваше Шилегов. Да го потсетиме Шилегов дека ова е последна зима како е градоначалник на Скопје, и дека треба да се потруди барем малку да влијае на намалување на загадувањето, за скопјани да дишат нормално, стои во сооштението на советничката група на ВМРО-ДПМНЕ.

ВМРО-ДПМНЕ: Градоначалниците на СДСМ да ги пренаменат парите од новогодишно украсување за болнички возила

Магдалена Андонова — Fri, 13 Nov 2020 09:07:11 +0000

Болниците немаат болнички возила, хронично болните немаат вакцина против грип, а болните од КОВИД 19 треба сами да си плаќаат терапија на приватно, но затоа општините ширум Македонија, со кои управуваат кадри на СДСМ се расфрлаат со илјадници евра за новогодишно украсување, стои во соопштението на ВМРО-ДПМНЕ. - Само општина Охрид распишала тендер за изнајмување на монтажна опрема за новогодишно украсување во висина од над 21 илјади евра. Тоа е половина болничко возило, неколку терапии за КОВИД 19 или илјадници вакцини против грип. Иста е ситуацијата и со општина Гази Баба, која ќе се украсува за над 14 илјади евра, во време кога пациенти примаат инфузија во двор на болница, велат од партијата. - Советничката група на ВМРО-ДПМНЕ во град Скопје повика парите за украсување на градот да се пренаменат за борба против КОВИД 19, Шилегов одби, а по неговите стапки одат сите градоначалници од СДСМ. Доколку СДСМ имаше барем малку разум, и не гледаа политички на се, со парите за украсување ќе се купеа десетици болнички возила и други потребни материјали за болниците со цел справување со КОВИД19. Затоа уште еднаш ги повикуваме градоначалниците да ги пренаменат парите од новогодишно украсување за болнички возила. Доколку не делуваат разумно. СДСМ уште еднаш ќе покаже дека не мислат за граѓаните, туку само за нивните политички поени, посочуваат од ВМРО-ДПМНЕ.

ВИДЕО: 15 години прави вистински спектакл за Божиќ, но сега има неочекуван проблем

Ивона Петрова — Fri, 07 Dec 2018 07:20:08 +0000

Том Апручи од Њу Џерси сака да го слави Божиќ со голем стил. Оваа година тој на својата куќа поставил 300.000 светилки и синхронизирана музика, а целата акција за украсување ја започнал уште во октомври. Ваквата сцена привлекува голем број љубопитни луѓе, па во текот на ноќта пред неговиот дом доаѓаат и до 1.000 посетители од Њујорк и Пенсилванија. Меѓутоа соседите на овој човек не се среќни поради тоа. Велат дека улицата е заглавена од возила, паркирани автомобили има од двете страни. Во целиот случај се вмешал и градоначалникот Овен Хенри, кој рекол дека Апручи ќе мора да плати секоја вечер по 2.000 долари за полициско обезбедување, мобилно улично осветлување и гориво. Апручи, од друга страна пак, порачува дека тој сепак светилките ќе ги запали. -Нема да ја слушаме полицијата што ќе каже. Ова е мое право по Првиот амандман и има врска со мојата религија, истакнал Апручи кој е католик. Во негово име е направена веб страна на која се собираат потребните средства, односно 75.000 долари за да се покријат трошоците кои му ги наметнуваат. Овој решителен човек, кој ужива во славењето на Божиќ, посочува дека парите нема да влијаат на неговите планови. Шефот на локалната полиција, пак истакнал дека ќе прати полиција без разлика дали тој платил или не. Поставката на Апручи е дел од 15 годишната традиција во градот.

Шилегов ќе потроши 13 милиони денари за новогодишно да го украси Скопје: Едвај дишеме од загаденоста, но барем ќе ни “светне“

Ивана Ефремовски — Fri, 23 Nov 2018 13:55:07 +0000

Со 150.000 евра, градоначалникот на Скопје, Петре Шилегов, може да купи една нова мерна станица за воздух. Но наместо тоа, тој реши да потроши многу повеќе пари за Скопје да блесне пред нова година. Градоначaлникот на Град Скопје, Петре Шилегов, во изјава за новинарите рече дека за украсување на градот пред нова година ќе бидат потрошени 13 милиони денари. Во време кога едвај дишеме поради загаденоста на воздухот, градоначалникот Шилегов од наши пари ќе прави новогодишна населба Винтерленд. -Ни се ближат едни од најубавите празници, новогодишните и Божикните. Граѓаните на Скопје мора од својот град да добијат нешто што не го добивале досега. Она што го гледаме, по слики, по разгледници, по репортажи зошто да не го направиме во нашиот град. Не треба да бидеме скептици за некои новини, рече Шилегов во врска со Винтерленд. Интересно е што додека Скопје се „кити“ за Нова Година, граѓаните едвај дишат поради загадениот воздух, а болниците се полни со пациенти со респираторни проблеми. Други граѓани пак воопшто и не знаат што дишат бидејќи мерните станици не работат во најзагадените делови на Скопје.

ФОТО: Како Јасемин од „Вљубениот ерген“ се подготвува за Нова година?

Ивана Ефремовски — Fri, 29 Dec 2017 18:26:04 +0000

Убавата актерка Синем Мустафа или попозната како Јасемин од „Вљубениот ерген“ покажа како го декорираше дворот од својата семејна куќа за време на празничниот период. Синем минатата година се омажи по третпат, но по се изгледа дека овој пат во љубовта и цветаат ружи. Таа е доста активна на социјалните мрежи и постојано на своите следбеници им покажува колку хармоничен љубовен живот има. Огромната куќа каде живее со сопругот моментално блеска како во бајките.