укрина – Kurir.mk

Украинското воздохопловство соопшти дека нема ефикасна одбрана од иранските балистички проектили

Тале Кристо — Tue, 01 Nov 2022 20:08:39 +0000

Украинските воздухопловни сили денеска соопштија дека во моментов немаат ефикасна одбрана од балистичките ракети, за кои Киев тврди дека Иран планира да и ги испорача на Русија. Јуриј Ихнат, портпаролот на украинските воздухопловни сили, изјави дека дострелот на иранските балистички ракети кои наводно пристигнуваат во Русија е од 300 до 700 километри, што и овозможува на Русија да гаѓа цели каде било во Украина. „Постои голема веројатност ракетите да бидат испорачани северно од украинската граница, од каде ќе можат да бидат лансирани на целата територија на Украина“, изјави денеска Ихнат на прес-конференција одржана во Киев. Претходно денеска „Си-Ен-Ен“ објави дека Иран се подготвува да испрати дополнителни илјада парчиња оружје во Русија, вклучувајќи балистички ракети земја-земја и беспилотни камикази-летала. На прашањето дали оружените сили се подготвени да се одбранат од таквите типови ирански ракети, Ихнат рече дека Украина „ќе ги преземе сите заштитни мерки“, но предупреди дека во моментов украинските сили немаат ефикасна одбрана од такви ракети. „Теоретски е можно да ги собориме, но многу е тешко да се направи со она што моментално го имаме на располагање. Имаме противвоздушна, а не противракетна одбрана“, изјави Ихнат пред медиумите споделувајќи ги проценките на Киев дека Русија има се помалку од ракетите „Искандер-М“ и недостигот го надополнува со ракети од иранско производство. Михаил Подољак, советник на украинскиот претседател Зеленски, го нарече Техеран „учесник во агресијата“. „Иран испраќа ракети до Руската Федерација и знае дека Русите со нив ќе ги нападнат нашите градови. Тие ги обучуваат Русите да користат дронови, знаејќи дека ќе го нападнат украинскиот енергетски сектор и ќе предизвикаат нов бегалски бран кон Европската унија“, објави Подољак на Твитер.

Украина објави најнови информации: Загинале 17.700 руски војници во инвазијата

Магдалена Андонова — Fri, 01 Apr 2022 12:03:41 +0000

Украина ги објави најновите информации за бројот на загуби што Русија ги претрпела од почетокот на војната. Се тврди дека загинале 17.700 руски војници, а уништени се 1.751 оклопно возило. Другата воена опрема без која Русија наводно останала вклучува 131 хеликоптер, 625 тенкови и 143 авиони. (МИА)

Нов полициски час во Киев

Ристе Здравков — Sat, 26 Mar 2022 11:10:08 +0000

Градоначалникот на Киев, Виталиј Кличко, воведува нов полициски час во главниот град на Украина. Полицискиот час ќе трае од вечерва во 20 часот по локално време до 8 часот во понеделник. Кличко вели дека одлуката ја донела украинската армија.

Десетици илјади луѓе излегоа денеска на протест во Германија против руската инвазија врз Украина

Магдалена Андонова — Sun, 13 Mar 2022 21:30:18 +0000

Десетици илјади луѓе денеска протестираа неколку германски градови против руската инвазија врз Украина, соопштија полицијата и организаторите. Во Берлин демонстрантите во близина на Бранденбуршката порта истакнаа транспаренти во боите на украинското знаме и натписи: „Стоп Путин“ и „Стоп за војната“. Во Франкфурт, според полицијата, околу 11.000 луѓе изразиле солидарност со Украинците. Протестите поминаа мирно и без инциденти. Демонстрантите вееја украински и европски знамиња и пееја „Стоп за војната“. Протести се одржаа во Штутгарт, во Лајпциг и во Хамбург. Протестите беа организирани од сојуз на повеќе од 40 организации за човекови права, синдикати и христијански здруженија. Според организаторите, околу 125.000 луѓе се мобилизирани низ целата земја, но денеска во Берлин имаше помалку луѓе од пред две недели.