улцињ – Kurir.mk

Македонските тенисери ќе се натпреваруваат на Дејвис куп турнир во Улцињ

Дарко Андоновски — Tue, 21 Jun 2022 07:41:16 +0000

Македонската тениска репрезентација од утре до 25 јуни ќе се натпреварува во Улцињ, Црна Гора на ИТФ Дејвис купот во Европската трета група, Светското екипно првенство за мажи. Во составот на македонскиот тим се: Горазд Србљак, Калин Ивановски, Обрад Марковски, Стефан Мицов и Берк Бугариќ. – Годинава македонскиот тим е подмладен, и го сочинуваат млади играчи кои имаат голем потенцијал, и огромни можности за напредок. Изминатиов период напорно работевме, и сметам дека подготвени го дочекуваме овој турнир, изјави капитенот на репрезентацијата Чедомир Јовановски, кој заедно со заменик капитенот Владимир Томиќ работат на подготовка на нашите најдобри тенисери. Македонските тенисери ќе се натпреваруваат со ривали од Ерменија, Кипар, Грузија, Лихтенштајн, Луксембург, Молдавија и Црна Гора. Само три земји имаат можност за плејоф и влез во Втората група, додека две репрезентации ќе испаднат во Четвртата група.

Малолетници одговорни за заканите со бомби во Бар и Улцињ

Магдалена Андонова — Fri, 29 Apr 2022 20:58:38 +0000

Црногорската полиција денеска соопшти дека во два одвоени случаи идентификувала двајца малолетници кои претходно се заканувале дека ќе активираат експлозивни направи во основните училишта во Улцињ и Бар. Според Полициската управа, идентификуваниот малолетник на 21 април на блог објавил закана по безбедноста на децата и вработените во ОУ „Маршал Тито“ во Улцињ, а против тоа лице е поднесена кривична пријава до Државниот обвинител при Специјалното Државното обвинителство. Полицијата го идентификувала и лицето кое на 27 април испратило е-пошта со пријава за поставена бомба на адресата на Основното училиште „Мркојевиќи“ во Бар, а против неа е поднесена кривична пријава, пренесува Вијести. Од УП наведуваат дека и во двата случаи се работи за малолетни лица. Според УП, полицијата претходно била информирана од НЦБ Интерпол Вашингтон дека непознато лице на блог-страницата на Гугл изјавило дека се, како што велат, „неонацисти и дека планираат да извршат масовно пукање во основно училиште, со покана да им се придружиме на локалните нацисти“.

Наместо 2022 во Улцињ ќе се слави 2202 година

Ристе Здравков — Sat, 18 Dec 2021 19:40:42 +0000

На социјалната мрежа Инстаграм се појави фотографија од центарот на црногорскиот град Улцињ каде наместо „Среќна Нова 2022 година“ поставени се истите бројки но со различен редослед. Па така светлечките бројки покажуваат 2202 година. Дел од јавноста на шега пишува дека Црна Гора е 180 години пред целиот свет.

Ulcinj on the fire #caosvima #tagzivota pic.twitter.com/hdajsDQe0m
— Gospođetina. (@jasamrekla) December 18, 2021

ВИДЕО: Тепачка на плажа во Улцињ – маж и жена се степале пред сите, едвај ги раздвоиле

Предраг Кукиќ — Fri, 16 Aug 2019 17:08:01 +0000

На Фејсбук страницата „Црногорски времеплов“ се појавила снимка од Улцињ, која привлекла големо внимание. Во опис на видеото пишува „Еве нешто криминално од „Улцињ“, а на снимката може да се забележи тепачка, меѓу брачен пар кој воопшто не се штеди во „борбата“. Нив се обидувала да ги раздвои жена во зелен фустан, но не ѝ одело од рака. На крајот на снимката се гледа како ги раздвојуваат и други посетители на плажа. Погледнете:

Како договорени: Цела плажа стана на нозе уште на првите стихови на химната на СФРЈ (ВИДЕО)

Предраг Кукиќ — Mon, 29 Jul 2019 14:16:24 +0000

Несекојндевна глетка во Улцин, денес покажа дека симболот на некогашната големата држава, не е заборавен. Имено присутните се опуштале во ритам на салса, но во еден момент сите гости станале. Сето тоа само по првите стхови на некогашната химна на СФРЈ, Хеј Словени. Посебно интересно е дека не станале само старите, но и помладите гости кои биле присутни.

Мајка и дете загинаа на бизарен начин на плажа во Улцињ, лекарите се борат за животот на другото дете

Дарко Андоновски — Tue, 24 Jul 2018 17:25:25 +0000

Две лица загинаа, а две се повредени во тешката несреќа која денеска се случила во водите кај Улцињ, соопшти црногорската полиција. Загинатите се словенечки државјани, 35-годишната З.И. и десетгодишниот Ј.И. Несреќата се случила околу 14:30 часот, кај Велика плажа во Улцињ. Неофицијално, пренесува порталот РТЦГ, загинатите се возеле на гумена „банана“, која ја влечел глисер, а се судриле со туристички брод. Медиумите од Подгорица пренесуваат дека во несреќата загинале мајка и син, а лекарите моментално се борат за животот на другото дете Според извори на „Вијести“, до несреќата најверојатно дошло кога „бананата“ налетала на бродот во кој се возеле туристи. Повредените се П.И. (36) и Ј.И. (14).